ပီလောပီနံကပေးတဲ့ ကျန်းမာရေးအကျိုးကျေးဇူး(၇)ချက်

ပီလောပီနံ က ပေါင်းစားလို့ကောင်းသလို ပြုတ်စားလည်း အရသာရှိပါတယ်။ ပီလောပီနံပြန်ပေါင်းဆိုရင်လည်း ဆိမ့်ဆိမ့် စေးစေးလေးနဲ့ စားလို့ကောင်းပါတယ်။ ဒီလိုစားကောင်းတဲ့ ပီလောပီနံက ဘယ်လို ကျန်းမာရေး အာနိသင်တွေရှိလဲဆိုတာကို ဆောင်းပါးလေးထဲမှာ ဖတ်ကြည့်စေချင်ပါတယ်။

ပီလောပီနံ ဆိုတာ

ပီလောပီနံ ဆိုတာ ကန်စွန်းဥ၊ အာလူးတို့လိုပါပဲ။ အညိုရောင်ရင့်ရင့်အခွံရှိပြီး အဖြူရောင်အတွင်းသားက ခပ်စေးစေးနဲ့ စားလိုက်ရင် ဆိမ့်ပါတယ်။ တောင်အမေရိကနဲ့ အရှေ့မြောက်ဘရာဇီး မျိုးရင်းပင်တစ်မျိုးပါ။ အာရှဒေသအများစုမှာလည်း ပေါက်ရောက်ပါတယ်။

ပီလောပီနံမှာ ဘာတွေပါ

ပီလောပီနံမှာ ပြည့်ဝဆီပါဝင်မှုနည်းသလို ကိုလက်စထရောနဲ့ ဆိုဒီယမ် ပါဝင်မှုလည်း နည်းပါတယ်။ အမျှင်ဓာတ်နဲ့ ကာဗိုဟိုက်ဒရိတ် ကြွယ်ဝစွာပါဝင်နေသလို အကျိုးပြု ကိုလက်စထရောနဲ့ ပရိုတင်းတို့လည်း ပါဝင်ပါတယ်။

အခြား အာဟာရဓာတ်တွေအနေနဲ့ ဗီတာမင် B အုပ်စု၊ ဖောလိတ်၊ ဗီတာမင် B6၊ သံဓာတ်၊ မဂ္ဂနိ့၊ ကယ်လ်ဆီယမ်၊ ကော့ပါး၊ ဆီလီနီယမ်တို့ ပါဝင်ပါတယ်။

ပီလောပီနံ ကပေးတဲ့ ကျန်းမာရေး အကျိုးကျေးဇူး

ပီလောပီနံကို စားပေးတာက အခုလို ကျန်းမာရေးအကျိုးကျေးဇူးတွေ ရရှိစေနိုင်ပါတယ်။

ကျန်းမာတဲ့ ကိုယ်အလေးချိန်ကို ရရှိစေတယ်

ကျန်းမာတဲ့ ကိုယ်အလေးချိန်ကို ရရှိစေဖို့ဆိုရင် ပီလောပီနံ စားပေးလို့ရပါတယ်။ ပီလောပီနံမှာ နေ့စဉ်လိုအပ်တဲ့ ကာဗိုဟိုက်ဒရိတ်ပမာဏရဲ့ ၄၅ ရာခိုင်နှုန်းအထိ ပါဝင်နေပါတယ်။ ဒါကြောင့် ကျန်းကျန်းမာမာနဲ့ ကိုယ်အလေးချိန်တိုးစေချင်တယ်ဆိုရင် ပီလောပီနံ စားပေးလို့ ရပါတယ်။

မွေးရာပါ ချို့ယွင်းချက် မဖြစ်အောင် ကာကွယ်ပေးနိုင်တယ်

လေ့လာမှုတွေအရ ပီလောပီနံမှာ ဖောလစ်အက်ဆစ် အပါအဝင် ဗီတာမင် B အုပ်စု ပါဝင်တာကြောင့် ကိုယ်ဝန်ဆောင်ချိန်မှာ စားသုံးပေးမယ်ဆိုရင် မွေးလာမယ့် ဘေဘီလေးမှာ မွေးရာပါ ချို့ယွင်းမှု မပါစေဖို့ ကာကွယ်ပေးနိုင်မှာပါ။

အစာကြေစေနိုင်တယ်

ပီလောပီနံမှာ အမျှင်ဓာတ် ကြွယ်ဝစွာပါဝင်နေတာက အစာခြေစနစ်ကို ကျန်းမာစေပြီး ဝမ်းမှန်စေပါတယ်။ လေပွတာ၊ အစာအိမ် နာတာမျိုး မဖြစ်စေဖို့လည်း ကူညီပေးပါတယ်။

နောက်ထပ် အားသာချက်တစ်ခုက အမျှင်ဓာတ် ကြွယ်ဝစွာ ပါဝင်နေတာကြောင့် သွေးကြောနံရံတွေက အဆီတွေကို ဖယ်ရှားပေးပြီး သွေးစီးဆင်းမှုကောင်းစေပြီး နှလုံး ကျန်းမာစေပါတယ်။ ရုတ်တရက် နှလုံးရပ်တာနဲ့ လေဖြတ်တာမျိုး မဖြစ်စေဖို့ ကာကွယ်ပေးနိုင်ပါတယ်။

ပရိုတင်း ပြည့်ဝစေပါတယ်

ပရိုတင်းက လူ့ခန္ဓာကိုယ်အတွက် မရှိမဖြစ် လိုအပ်တဲ့ အာဟာရပါ။ ပီလောပီနံမှာ ကျန်းမာရေးနဲ့ ညီညွတ်တဲ့ ပရိုတင်းဓာတ် ပါဝင်နေပါတယ်။ ခန္ဓာကိုယ်ရဲ့ လုပ်ငန်းဆောင်တာတွေ ကောင်းမွန်စေဖို့ ထောက်ကူပေးသလို ကြွက်သားတွေကို ဖွံ့ဖြိုးစေသလို ကြီးထွားစေပါတယ်။ အနာကျက်စေဖို့လည်း ထောက်ကူပေးပါသေးတယ်။

အရိုးတွေ သန်မာစေတယ်

ပီလောပီနံမှာ အရိုးတွေ သန်မာစေဖို့ လိုအပ်တဲ့ ဗီတာမင် K၊ ကယ်လ်ဆီယမ်၊ သံဓာတ်တို့ ကြွယ်ဝစွာ ပါဝင်နေပါတယ်။ အရိုးတွေက အသက်အရွယ်ရတာနဲ့အမျှ အရိုးပါးတာ၊ အရိုးပွတာတွေကို ခံစားရပါတယ်။ အကြောင်းကတော့ အသက်ရလာတာနဲ့အမျှ အရိုးထဲက သတ္တုဓာတ်တွေ ကျဆင်းလာတာကြောင့်ပါ။ ဒါကြောင့် အသက်အရွယ်ရလာလည်း အရိုးသန်မာစေဖို့ဆိုရင် ပီလောပီနံ စားပေးလို့ ရပါတယ်။

အယ်လ်ဇိုင်းမား မဖြစ်စေဖို့ ကာကွယ်ပေးတယ်

ဗီတာမင် K ပါဝင်နေတာက အရိုးတွေကိုတင် ကျန်းမာစေတာမဟုတ်ပါဘူး။ စိတ်ကိုပါ ကျန်းမာစေပါတယ်။ ဦးနှောက်ဆဲလ်တွေကို ကျန်းမာစေတာကြောင့် အယ်လ်ဇိုင်းမား မဖြစ်စေဖို့ ထောက်ကူပေးပါတယ်။ ဓာတ်တိုးပစ္စည်းတွေကြောင့် ဦးနှောက်ဆဲလ်တွေ မပျက်စီးစေဖို့ ထောက်ကူပေးပါတယ်။

သွေးပေါင်ချိန် ထိန်းညှိပေးတယ်

ပီလောပီနံမှာ ပိုတက်ဆီယမ်ပါဝင်နေတာကြောင့် သွေးပေါင်ချိန်ကို အကောင်းဆုံး ထိန်းညှိပေးနိုင်ပါတယ်။ ပီလောပီနံမှာ ပိုတက်ဆီယမ် နဲ့ အခြားပါဝင်နေတဲ့ သတ္တုဓာတ်တွေက သွေးကြောတွေရဲ့ တင်းအားကိုလျော့ကျစေပြီး သွေးစီးဆင်းမှု ကောင်းစေနိုင်တာကြောင့် သွေးပေါင်ချိန်ကို အကောင်းဆုံး ထိန်းညှိပေးနိုင်ပါတယ်။

ခန္ဓာကိုယ်အစိတ်အပိုင်းတွေဆီကို သွေးစီးဆင်းရောက်ရှိမှု ကောင်းစေတာကြောင့် နှလုံးသွေးကြောစနစ်ကို ကျန်းမာစေနိုင်ပါတယ်။

hello ဆရာဝန် website မှ ပြန်လည်ကူးယူဖော်ပြပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...