အားကောင်းသောဆိုင်ကလုန်းမုန်တိုင်း ဖြစ်နိုင်သော်လည်း မြန်မာနိုင်ငံကို ထိခိုက်နိုင်ခြေ အရမ်းမပြင်းထန်နိုင်

ဘင်္ဂလားပင်လယ်အော်အရှေ့တောင်ပိုင်းနဲ့ ယင်းနှင့် ဆက်စပ်နေတဲ့ ကပ္ပလီပင်လယ်ပြင်တောင်ပိုင်းတို့မှာ ဖြစ်ပေါ်နေသော အားကောင်းသောလေဖိအားနည်းရပ်ဝန်းဟာ မေ ၈ ရက် သန်းခေါင်ကျော်မှာ အားအလွန်ကောင်းတဲ့ ဆိုင်ကလုန်းမုန်တိုင်းအဆင့်ဖြစ်နိုင်ပေမယ့် နောက်ဆုံးလမ်းကြောင်းနဲ့ ထုတ်ပြန်ချက်တွေအရတော့ မြန်မာနိုင်ငံကို သက်ရောက်နိုင်ခြေ အရမ်းမပြင်းထန်နိုင်ဘူးလို့ အပြည်ပြည်ဆိုင်ရာမိုးလေဝသစောင့်ကြည့်လေ့လာသူတစ်ဦးဖြစ်သူ ဦးဝင်းနိုင်က သုံးသပ်ပါတယ်။

ကမ္ဘာလုံးဆိုင်ရာ မိုးလေဝသ ဝက်ဘ်ဆိုဒ်တစ်ခုဖြစ်တဲ့ ECMWF က ထွက်လာတဲ့ အချက်အလက်အသစ်တွေရ ဒီနေ့ မေ ၇ ရက် မြန်မာစံတော်ချိန် နေ့လယ် ၂ နာရီ ၁၀ မိနစ်မှာ- INVEST-92B က လေဖိအားနည်းရပ်ဝန်းကနေ မုန်တိုင်းအဆင့် 02B-TWO ဆိုတဲ့ အမည်အဖြစ် ပြောင်းသွားပြီဖြစ်ကြောင်းနဲ့ မေ ၈ ရက် သန်းခေါင်ကျော်မှာတော့ အားအလွန်ကောင်းတဲ့ ဆိုင်ကလုန်းမုန်တိုင်းဖြစ်နိုင်ပြီး ASANI လို့ အမည်ပေးရမှာဖြစ်တယ်လို့ ဦးဝင်းနိုင်က ဆိုပါတယ်။

ပုံစာ - JTWC မှ ထုတ်ပြန်သည် မုန်တိုင်း 02B-TWO ၏ လမ်းကြောင်း

“ မေလ ၈ ရက်ည သန်းခေါင်ကျော်ပြီဆိုရင် အားအလွန်ကောင်းတဲ့ ဆိုင်ကလုန်းမုန်တိုင်းအဆင့်ရောက်မယ်။ တစ်နာရီကို မိုင် ၇၀ နှုန်းထိ တိုက်လာမယ်။ အမြင့်ဆုံးက တစ်နာရီကို ၈၅ မိုင်နှုန်းထိတိုက်မယ်။ အဲ့ဒါက မေလ ၉ ရက် ၁၂ နာရီခွဲမှာ အားအလွန်ကောင်းတဲ့ ဆိုင်ကလုန်းမုန်တိုင်း အဆင့်ကို ရောက်ပြီဆိုတော့မှ အာစနီဆိုတဲ့နာမည်ကို ပေးမှာ” လို့ ဦးဝင်းနိုင်က ပြောပါတယ်။

ပုံစာ - မေလ ၉ ရက် မနက်ပိုင်းမှာ အားအလွန်ကောင်းဆိုင်ကလုန်းအဆင့်ရောက်ပြီး  ASANI ဖြစ်လာမည့်အခြေအနေ

အရင်က မုန်တိုင်းကြောင့် နိုင်ငံအနှံ့ မိုးသက်လေပြင်းတွေကျနိုင်ခြေရှိတယ်လို့ ‌ခန့်မှန်းခဲ့ပေမယ့် မုန်တိုင်းသတိပေးချက်တွေထုတ်ပြန်တဲ့ဝက်ဘ်ဆိုဒ်ဖြစ်တဲ့ Tropical Strom Risk (TSR) ရဲ့ နောက်ဆုံး ထုတ်ပြန်ချက်တွေအရတော့ မုန်တိုင်းဟာ မြန်မာနိုင်ငံကို သက်ရောက်နိုင်ခြေ အတော်လေးနည်းတယ်လို့ ဦးဝင်းနိုင်က ဆိုပါတယ်။

“ အခု TSR ဆိုတဲ့ဆိုဒ်မှာက ကျွန်တော်တို့ဘက်ကို မုန်တိုင်းလေပြင်း တိုက်ခတ်ခံရနိုင်ခြေက ရာခိုင်နှုန်းနဲ့ပြထားတယ်။ အဲ့ဒါက ၅ ရာခိုင်နှုန်းကနေ ၁၀ ရာခိုင်နှုန်းအထိပဲ ရှိတယ်။ ဒါကြောင့်မို့ ကျွန်တော်တို့ဘက်ကို လေပြင်းတိုက်ခံ ရမယ့်အခြေအနေမတွေ့ဘူး။ ၅ ရာခိုင်နှုန်း၊ ၁၀ ရာခိုင်နှုန်းဆိုတော့ အင်မတန်ကို နည်းတယ်” လို့ သူက ပြောပါတယ်။

ဆိုင်ကလုန်းမုန်တိုင်းဟာ ၁၂ ရက်နေ့ကျော်သွားရင် လေဖိအားနည်းရပ်ဝန်းဖြစ်ပြီးတော့ ကုန်းတွင်းတောင် မဝင်တော့ဘဲနဲ့ အိန္ဒိယနဲ့ ဘင်္ဂလားဒေ့ရှ် နယ်စပ်၊ ဘင်္ဂလားပင်လယ်အော်မြောက်ပိုင်းလောက်မှာ အားပျော့ပြီးပျက်ပြယ်သွားမှာဖြစ်တယ်လို့ သိရပါတယ်။

ပုံစာ -လေဖိအားနည်းရပ်ဝန်းအဆင့်မှ ပျက်ပြယ်ပျောက်ကွယ်သွားမည့်တည်နေရာ

အဲ့ဒီလို ပျက်သွားတဲ့အချိန် မတိုင်ခင်လေးမှာ အနောက်တောင်မုတ်သုံလေက အားကောင်းလာနိုင်လို့ မေလ ၁၃ ရက်က နေပြီး နောက်ပိုင်း မြန်မာနိုင်ငံကို အနောက်တောင်မုတ်သုံလေ စောဝင်လာနိုင်ပြီး မိုးဦးကျမိုးတွေရောက်လာနိုင်တယ်လို့လည်း ဦးဝင်းနိုင်က သုံးသပ်ပါတယ်။

အိန္ဒိယပုဂ္ဂလိက မိုးလေဝသဌာနတွေရဲ့ ယခင်ခန့်မှန်းချက်တွေအရတော့ အနောက်တောင် မုတ်သုံလေဟာ ပုံမှန်အတိုင်း မေ ၂၀ နောက်ပိုင်းမှ ဝင်မယ်လို့ ခန့်မှန်းထားတာဖြစ်ပေမယ့် အခုဖြစ်လာတဲ့ မုန်တိုင်းအရှိန်ကြောင့် မုတ်သုံစောပြီးဝင်လာနိုင်တာဖြစ်တယ်လို့ သိရပါတယ်။

Photo Crd _Win Naing FB

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်