ဘဲဥတွင်ပါဝင်သော အာဟာရဓါတ်အကြောင်း

     အချို့လူများမှာ ကြက်ဥစားမှ အားရှိကြသည်ဟု ပုံသေမှတ်ယူတတ်ကြပါသည်။ အမှန်တကယ်မှာလည်း ကြက်ဥမှာ အာဟာရဓါတ်တွေ အများအပြားပါဝင်သည့်အတွက် စားသုံးသင့်ပါသည်။ ထို့အတူ ဘဲဥမှာလည်း ကြက်ဥနည်းတူ အာဟာရဓါတ်တွေ စုံစုံလင်လင်ပါဝင်နေပါသည်။

     ဘဲဥကို ဟင်းချက်စားခြင်း၊ ကြော်စားခြင်း၊ ပြုတ်စားခြင်းများအပြင် ဖြည့်စွတ်စာအနေဖြင့်လည်း စားသုံးနိုင်ပါသည်။ ဥပမာ - မုန့်ဟင်းခါးထဲတွင် "အိုးဘဲဥ" လုပ်ပြီးထည့်စားခြင်း၊ အသုပ်ထဲထည့်စာခြင်းမျိုး စသည်တို့ ပါဝင်သည်။ ဘဲဥတွင်လည်း အာဟာရဓါတ်စုံစုံလင်လင်ပါသည့်အတွက် စားလျှင် အားဖြစ်စေသလို ကျန်းမာသန်စွမ်းရန်အတွက်လည်း အထောက်အကူဖြစ်စေပါသည်။

     အာဟာရဓါတ်ဆိုင်ရာပညာရှင်များက ဘဲဥတွင် အောက်ပါအာဟာရဓါတ်များ ပါဝင်ကြောင်း ဆိုကြပါသည်။

ပရိုတင်းဓါတ် - ၁၁.၇ ရာခိုင်နှုန်း

အဆီဓါတ် - ၁၂.၆ ရာခိုင်နှုန်း

သတ္တုဓါတ် - ၁.၉ ရာခိုင်နှုန်း

ကစီဓါတ် - ၀.၇ ရာခိုင်နှုန်း စသည်တို့ဖြစ်ကြသည်။

     ကြက်ဥ၊ ဘဲဥကို အသင့်အတင့် စားပေးခြင်းဖြင့် အောက်ပါကျန်းမာရေးအကျိုးကျေးဇူးများလည်း ရှိလာနိုင်ပါသည်။

- မျက်စိကျန်းမာရေးကို ကောင်းမွန်စေပါသည်။

- ကိုယ်အလေးချိန်ကို ထိန်းပေးနိုင်ပါသည်။

- ဦးနှောက်၏ လုပ်ငန်းဆောင်တာများကို ကောင်းမွန်စေပါသည်။

- နှလုံးသွေးကြောစနစ် ကျန်းမာရေးကို ကောင်းစေပါသည်။

- ရင်သားကင်ဆာမဖြစ်အောင် ကာကွယ်ပေးနိုင်ပါသည်။

- ဆံကေသာ၊ လက်သည်းနှင့် အသားရေကို ကျန်းမာလှပစေပါသည်။

- ကြွက်သားကို ဖွံ့ဖြိုးစေပါသည်။

     ဘဲဥမှာ ဈေးနှုန်းအနေဖြင့် ဆိုလျှင်လည်း သက်သာ၍ ဟင်းချက်မည်ဆိုလျှင်လည်း ကရိကထမများသည့်အတွက် မြန်မာနိုင်ငံတွင် ဘဲဥ၏အခန်းကဏ္ဍသည် အရေးပါနေဆဲဖြစ်ပါသည်။ ဘဲမွေးမြူရေးလုပ်ငန်းရှင်များအနေဖြင့်လည်း ဘဲဥသည် စီးပွားရေးအရ အရေးပါပြီး မွေးမြူမှုများသည့် လုပ်ငန်းတစ်ခုဖြစ်သည်မှာ ငြင်း၍မရနိုင်သည့် အမှန်တရားတစ်ခုဖြစ်ပါသည်။

ဦးဇော် (dof)

မှီငြမ်း - ဆရာကောင်းထက်၏ ဘဲဥနှင့် အာဟာရအကြောင်းစာစုမှ ကောက်နှုတ်ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်