မြေညံ့ကိုပြောင်းပေးပြီး သီးနှံဖြစ်ထွန်းစေမယ့် ဇီဝမြေသြဇာ (သို့) အာဘာစကူလာ မိုက်ကိုရိုက်ဇာမှို အပိုင်း(၂၇)

အေအမ်အက်မှိုမျိုးစိတ်အရောများ ထိုးသွင်းခြင်းဖြင့် စပျစ်ပျိုးပင်များသည် ပြောင်းရွှေ့ဒဏ်နာကို ကြံ့ကြံ့ခံနိုင်မှုနှုန်း တိုးလာသည်။ စပျစ်သီး အရောင်အသွေးလှစေသည်၊ စပျစ်ပင်၏ ပိုလီဖီနော တိုးစေသဖြင့် ပြင်းထန်သော ရာသီဥတု အခြအနေကိုလည်း ကြံ့ကြံ့ခံနိုင်မှုနှုန်း တိုးစေသည်။

၁၀ ရာစုအတွင်း အေအမ်အက်ဖ်မှိုမျိုးစဈေးကွက်တွင် မှိုမျိုးစထုတ်ကုန်အဖြစ် ပြောင်းလဲအသုံးချလာသည့် မော်ဒယ်မှိုမျိုးစိတ်များ (သို့) အခြေပြုဇီဝမြေသြဇာမျိုးစများ၏ ဂေဟစနစ်ဆိုင်ရာ အကျိုး ပြု လုပ်ငန်းများ 

အေအမ်အက်ဖ်မှို၏ဂေဟစနစ်တွင် လုပ်ငန်းစဉ်နှင့် ပြင်းထန်သောရာသီဥတုအခြေအနေတွင် အပင်ကြီးထွားရန် ဆောင်ရွက်ချက် 

ပြင်းထန်သောရာသီဥတုတွင် အေအမ်အက်ဖ်မှို၏ဆောင်ရွက်ချက်

အေအမ်အက်ဖ်ထိုးသွင်းခြင်းဖြင့် အပင်မှ ပြင်းထန်သောအပူချိန်ဒဏ်ကို ခံနိုင်မှုတိုးလာသဖြင့်...

• ၁။  အပင်ခြောက်အလေးချိန်တိုး - အပင်ကြီးထွားမှုနှင့် အထွက်တိုးသည်။
• ၂။  အပင်မှ ရေစုပ်ယူမှုမှန်သည်။
• ၃။ အန်တီအောက်ဆီးဒန့် ညီမျှမှုတိုးသည်၊ ဒုတိယ အစာချေဖျက်ပေးနိုင်သော ဓာတုပစ္စည်း စုဆောင်းမှုတိုးသည်။ ၎င်းမှတဆင့် အပင်၏ အရည်အသွေး တိုးတက်စေပြီး ကျန်းမာသော အစားအစာ ရရှိရေးအတွက် အံဝင်ဂွင်ကျစေသည်။

အေအမ်အက်ဖ်ထိုးသွင်းခြင်းဖြင့် အပင်မှ ပြင်းထန်သောအပူချိန်ဒဏ်ကို ခံနိုင်မှုမှတဆင့် ဒုတိယ အစာချေဖျက်ပေးနိုင်သော ဓာတုပစ္စည်း စုဆောင်းမှုတိုးခြင်း 

စပျစ်ပျိုးပင်များတွင် မှိုမျိုးစိတ်အရောများထိုးသွင်းခြင်း အကျိုးရှိမှု

သုံးသပ်ချက်

၁။  Krishna et al.,2006 လေ့လာချက်အရ Glomus manihot ပါဝင်သော မှိုမျိုးအရောသည် အေအမ်အက်ဖ် ထိုးသွင်းပြီး ၆၀ ရက်အကြာ ပြောင်းရွှေ့စိုက်စပျစ်ပျိုးပင်များကို စိစစ်ရာတွင် ကြံ့ကြံ့ခံနိုင်မှုနှုန်းနှင့် နေရောင်ဖြင့် အစာချက်မှုနှုန်း တိုးလာသည်။  ရေရှည်တည်တံ့သော စိုက်ပျိုးရေးအတွက် ဇီဝမြေသြဇာအရင်းအမြစ် အေအမ်အက်ဖ်မှိုမျိုးကွဲအရောများ အသုံးပြုခြင်းသည် ဓာတ်မြေသြဇာ သုံးစွဲမှု ၅၀% လျှော့ချနိုင်သည်၊ သီးနှံအထွက်ထိခိုက်မှု မရှိပေ၊ ဒုတိယ အစာချေဖျက်ပေးနိုင်သော ဓာတုပစ္စည်း စုဆောင်းမှုတိုးလာခြင်းသည် လက်ခံပင် အရည်အသွေး တက်လာစေသည်၊ ပြင်းထန်သောအခြေအနေရှိသော ရာသီဥတုကို တုန့်ပြန်မှု အားကောင်းလာသည်။

၂။   ဂေဟစနစ်အမျိုးမျိုးတွင် အပင်ကြီးထွားမှုအတွက် ဇီဝမြေသြဇာအရင်းအမြစ်အေအမ်အက်ဖ်မှိုမျိုးကွဲအရောများကို အကျိုးရှိရှိ သုံးစွဲခြင်းသည်  ရေရှည်တည်တံ့သော စိုက်ပျိုးရေး၊ အော်ဂဲနစ်စိုက်ပျိုးရေးတွင် အပင်ကြီးထွားမှုနှင့် အရည်အသွေးရှိသော သီးနှံ အထွက်တိုးရေးအတွက် ကောင်းစွာ ဆက်နွှယ်နေသည်။

ကိုးကား

၁။  မြမြ ဒေါ် အပူပိုင်းဒေသစိုက်ပျိုးရေးတွင် အာဘာစကူလာ မိုက်ကိုရိုက်ဇာမှို အသုံးချခြင်း (၂၀၁၆)     

၂။ Begum N, Qin C, Ahanger MA, Raza S, Khan MI, Ashraf M, Ahmed N and Zhang L (2019) Role of Arbuscular Mycorrhizal Fungi in Plant Growth Regulation: Implications in Abiotic Stress Tolerance. Front. Plant Sci. 10:1068. doi: 10.3389/fpls.2019.01068.

၃။ Krishna, H., Singh, S. K., Minakshi, Patel, V. B., Khawale, R. N., Deshmukh, P. S., et al. (2006). Arbuscular-mycorrhizal fungi alleviate transplantation shock in micropropagated grapevine (Vitis vinifera L.). J. Hortic. Sci. Biotechnol. 81, 259–263. doi 10.1080/14620316.2006.11512059

ဒေါ်မြမြ၊ ပါမောက္ခ (ငြိမ်း)၊ ရေဆင်းစိုက်ပျိုးရေးတက္ကသိုလ်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်