မြေညံ့ကိုပြောင်းပေးပြီး သီးနှံဖြစ်ထွန်းစေမယ့် ဇီဝမြေသြဇာ (သို့) အာဘာစကူလာ မိုက်ကိုရိုက်ဇာမှို အပိုင်း(၃)

ရေရှည်တည်တံ့သော စိုက်ပျိုးရေးစနစ်တွင် မြေကျန်းမာရေး ကောင်းစေသော အာဘာစကူလာ မိုက်ကိုရိုက်ဇာ(အေအမ်အက်ဖ်) မှို စီမံခန့်ခွဲရေးတွင် အရေးကြီးသည့် မှိုဖွံ့ဖြိုးမှု (ဇီဝဗဒ) အဆင့်ဆင့် - အပိုင်း (၂)

ပုံ ၂.၁ အာဘာစကူလာမိုက်ကိုရိုက်ဇာမှို အမြစ်တွင် စွဲကပ်မှု (မြ ၂၀၁၆)

၂ .၁ အမြစ်နှင့်အမြစ်ဇုန်တွင် မှိုမျှင်များဖြစ်ပွားခြင်း (Sieverding ၁၉၉၀)

အမြစ်ထဲတွင် မှိုများထိုးဖောက်ဝင်ရောက်ပွားများခြင်းကို (၃) ပိုင်း ခွဲထားသည်။

(က) အစကနဦးအဆင့် ( initial phase ) တွင် မှိုသည်အမြစ်ထဲတွင် စတင်ထိုးဖောက်ဝင်ရောက်စွဲကပ်မှု အဆင့်ဖြစ်သည်။

(ခ) အရှိန်အဟုန်ဖြင့်ပွားများသောအဆင့် ( exponential phase ) တွင် မှိုမျှင်များသည် အမြစ်၏ ကော့တက်ချ်ဆဲလ်တွင်း ဆဲလ်ကြားတွင် လျင်မြန်စွာ ပျံ့နှံ့ပြီး အမြစ်နုများကို ထိုးဖောက်ဝင်ရောက်သည်။ ၄င်းအပြင် အမြစ်မျက်နှာပြင်တလျှောက်နှင့် အမြစ်များ ကြီးထွားမှုနောက်လိုက်၍ ဆက်လက်ပျံ့နှံ့ပြီး ပြန်လည်ထိုးဖောက်ဝင်ရောက်သည်။

(ဂ) အမြင့်ဆုံးအဆင့် ( plateau phase )တွင် မှိုမျှင်များ ပျံ့နှံ့မှု အမြင့်ဆုံးအဆင့် ဖြစ်သည်။ ၎င်းအဆင့်သည် မှိုမျိုးထိုးသွင်းပြီး ၄၅ ရက်မှ ၆၀ ရက်အတွင်း တွေ့ရတတ်သည်။ အပင်အတွက် အကျိုးပြုမှိုမျှင်များ စတင်ထွက်ရှိပြီး အပင်အတွက် အကျိုးပြုကာလကို သိရှိ နိုင်သည် (ပုံ၂.၂ )။

၂.၂ ပြောင်း ( Sorghum bicola ) ပင်အမြစ်ထဲတွင် အာဘာစကူလာမိုက်ကိုရိုက်ဇာ စွဲကပ်ကြီးထွားပုံအဆင့်ဆင့်

ပုံ ၂.၂ အာဘာစကူလာ မိုက်ကိုရိုက်ဇာ စွဲကပ်ကြီးထွားပုံအဆင့်ဆင့် ( Siverding ၁၉၉၀)

၂.၃ အမြစ်ဇုန်မှတဆင့် မြေကြီးထဲသို့ မှိုပျံ့နှံ့ခြင်း

ပုံ ၂.၃ (က)ပြောင်းမြစ်တွင် မှိုထိုးသွင်းပြီး ၃၀ ရက်တွင် ပြင်ပနေ မှိုမျှင်များအဖြစ် ထိုးဖေါက်ပြီး အမြစ်ဇုန်ပေါ်တွင် ဝင်ရောက်နေရာယူ ဆက်သွယ်နေပုံ ( x ၄၀ဝ)

ပုံ ၂.၃ (ခ) ပြောင်းမြစ်တွင် မှိုထိုးသွင်းပြီး ၄၅-၆၀ ရက်တွင် ပြင်ပနေ မှိုမျှင်များအဖြစ် ပြောင်းမြစ်ကို ထိုးဖောက်ထွက်လာပုံနှင့် နားနေစပိုးများဖြစ်ပေါ်နေပုံ ( x ၄၀ဝ )

အမြစ်တွင်းနေ မှိုမျှင်များသည် မှိုထိုးသွင်းပြီး ၄၅-၆၀ ရက်တွင် အမြစ်ပတ်ဝန်းကျင်မှတဆင့် မြေကြီးထဲသို့ ပျံ့နှံ့သည်။ ၄င်း မှိုမျှင်များသည် ပြင်ပနေမှိုမျှင်များဖြစ်ပြီး မြေဖျော်ရည်ထဲမှ အာဟာရဓာတ်များကို စုပ်ယူရန်နှင့် အမြစ်သို့ အာဟာရဓာတ်များ အာဘာစကူးမျှင်များဖြတ်ပြီး ပို့ဆောင်ရန်အတွက် အရေးကြီးဆုံး အစိတ်အပိုင်း ဖြစ်သည် (Siverding ၁၉၉၀)။ အေအမ်အက်ဖ် မှိုစီမံခန့်ခွဲရေးတွင်လည်း အရေးကြီးသော အဆင့်ဖြစ်သည်။

စိုက်ပျိုးရေး လုပ်ငန်းခွင်တွင်အသုံးချရေး ( Application ) နှင့် အကျိုးရှိစွာ အသုံးချနည်းများအတွက်အရေးကြီးသော မှိုစပိုးများအကြောင်းနှင့် သီးနှံပင်စိုက်မြေတွင် အေအမ်အက်ဖ်မှို လက်တွေ့ ထိုးသွင်းနည်းများကို ဆက်လက်ဆွေးနွေးပါမည်။

ကိုးကား

၁။ မြမြ (ဒေါ်) အပူပိုင်းဒေသစိုက်ပျိုးရေးတွင် အာဘာ စကူလာ မိုက်ကို ရိုက်ဇာမှို အသုံးချခြင်း (၂၀၁၆)

၂။ Sieverding, E. Vesicular-arbuscular mycorrhiza management in tropical agrosystems. Technical cooperation, Federal republic of germany, Eschborn, pp. 23-36 (1990):

ဒေါ်မြမြ၊ ပါမောက္ခ (ငြိမ်း)၊ ရေဆင်းစိုက်ပျိုးရေးတက္ကသိုလ်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

ဆွေးနွေးချက်များ

ဆွေးနွေးရန်

မြေညံ့ကိုပြောင်းပေးပြီး သီးနှံဖြစ်ထွန်းစေမယ့် ဇီဝမြေသြဇာ (သို့) အာဘာစကူလာ မိုက်ကိုရိုက်ဇာမှို အပိုင်း(၃)

Farm Link Co.,Ltd ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

မြေညံ့ကိုပြောင်းပေးပြီး သီးနှံဖြစ်ထွန်းစေမယ့် ဇီဝမြေသြဇာ (သို့) အာဘာစကူလာ မိုက်ကိုရိုက်ဇာမှို အပိုင်း(၃)

Farm Link Co.,Ltd ကြော်ငြာ

ဆွေးနွေးချက်များ

ဆက်စပ်ဆောင်းပါးများ

အပင်အတွက် မရှိမဖြစ်လိုအပ်သော အဟာရများ

မြေသြဇာကျွေးနည်းများ

အချဉ်ဖောက်ထားသော အရွက်ရည် Fermented Plant Juice (FPJ)

{{ post.title }}