တစ်ဧက ငါးဘယ်လောက်နှုန်းထည့်ရမလဲ (၁)

ကိုယ့်ကန်ထဲကငါးတွေ ဝိတ်တက်နှေးလာတဲ့အခါ...

ဒါမှမဟုတ် ငါးသေတဲ့ပြဿနာတွေ ကြုံရတဲ့အခါ...

ကိုယ့်ကန်ထဲမှာငါးအကောင်ရေဘယ်လောက်ထည့်ထားသလဲဆိုတဲ့အချက်ကို ထည့်သွင်းစဉ်းစားမိကြပါရဲ့လား?

ဒီအချက်ကို မေ့မေ့လျော့လျော့နဲ့ ဆေးကုဖို့ကိုပဲ ကျော်တွေးမိနေတယ်ဆိုရင်တော့ ဒီpost က အကိုတို့အမတို့တွေအတွက်ဆိုတာ သေချာပါတယ်။

အဲ့ဒါကြောင့် အဆုံးထိဆက်ဖတ်ကြည့်ပေးပါဦးရှင်။

ငါးမွေးမြူကြတဲ့သူတော်တော်များများအမေးခံရဖူးတဲ့စကား/မေးဖူးကြတဲ့စကားတစ်ခု ရှိပါတယ်။

"ငါးတစ်ဧက ဘယ်လောက်နှုန်းထည့်ရမလဲ? " ဆိုတဲ့စကားပါ။

ဒီအချက်က မွေးမြူရေးမှာ အရမ်းကိုအရေးကြီးတဲ့အချက်ဖြစ်ပါတယ်။

ကျမတို့ ငါးထည့်နှုန်းကို မေးကြတဲ့အခါ တော်တော်များများက ၁၀၀၀/၁၅၀၀ စတဲ့ကိန်းဂဏန်းမျိုးတွေကိုပဲ တန်းမြင်ကြတာများပါလိမ့်မယ်။

ကျမအနေနဲ့ကတော့ ဒီနေ့မှာ ဘယ်ငါးအမျိုးအစားဆို တစ်ဧကဘယ်နှစ်ကောင်ဆိုတာမျိုးကို ပြောပြသွားမှာမဟုတ်ဘဲ ငါးထည့်နှုန်းဟာ...

၁။ ဘယ်အချက်တွေပေါ်မူတည်ပြီး ဘယ်လိုတွက်ချက်ရတာလဲ ?

၂။ ငါးထည့်နှုန်းများသွားတဲ့ပြဿနာဟာ ဘယ်လောက်ထိ အန္တရာယ်များသလဲ/ ဒီပြဿနာကိုလက်ရှိကြုံနေရပြီဆိုရင် ဘယ်လိုဖြေရှင်းရမလဲ?

ဆိုတဲ့အချက်တွေကို ပြောပြသွားမှာပဲ ဖြစ်ပါတယ်။

(၁) ငါးထည့်နှုန်းဟာ ဘယ်အချက်တွေကိုထည့်သွင်းစဉ်းစားပြီး တွက်ချက်ရတာလဲ?

အမှန်တော့ ကျမတို့တွေ ကန်ထဲကိုမျိုးငါးလေးတွေထည့်တဲ့အခါ တစ်ဧက ဘယ်နှစ်ကောင်နှုန်းဆိုတာမျိုး တစ်သမတ်တည်းထားပြီး ထည့်လို့မရပါဘူး။

ကျမတို့မွေးမြူမယ့်ငါးအမျိုးအစား / အရွယ်အစားတွေအပြင် အဓိကအကျဆုံးအချက်ဟာ ကျမတို့ စျေးကွက်ထဲကိုပို့မယ့် ငါးရဲ့ size ဖြစ်ပါတယ်။

နေကြာ/ မျိုးကွာ/ သေးပေါက် /2 /3 ဒီလိုမျိုး..

( နေကြာ - ၉၀၀ - ၁၁၀၀ ဂရမ်)

မျိုးကွာ - ၁၃၀၀ - ၁၈၀၀ ဂရမ်

သေးပေါက် - ၁၈၀၀ - ၂၄၀၀ ဂရမ်

2 - ၂၅၀၀ - ၃၅၀၀ ဂရမ်

3 - ၃၅၀၀ - ၄၅၀၀ ဂရမ်

4 - ၄၅၀၀ ဂရမ်အထက်)

အထက်ပါအမျိုးအစားတွေထဲက ကိုယ်ကန်ဖော်မယ့် ငါးအရွယ်ပေါ်မူတည်ပြီး ကိုယ့်ထည့်မယ့်ငါးအရေအတွက်ကို တွက်ချက်ရမှာ ဖြစ်ပါတယ်။ ( ၁ ကီလို= ၁၀၀၀ ဂရမ်, ၁ ကီလို - ၆၂ ကျပ်သားခန့်)

ကျမတို့တွေသေချာလေးတွက်ကြည့်မယ်ဆိုရင်..

ကျမတို့နိုင်ငံမှာအမွေးအများဆုံးဖြစ်တဲ့ ငါးမြစ်ချင်းအတွက်ထည့်ရမည့်နှုန်းဟာ..

0.5 kg / 1 m square

တစ်မီတာပတ်လည်ရှိတဲ့ ဧရိယာမှာ ကိုယ်မွေးမြူမယ့် ငါးအလေးချိန်ဟာ 0.5 kg ဖြစ်ရပါမယ်။

ကျပ်သားနဲ့ပြောမယ်ဆိုရင်တော့ ၃၂ ကျပ်ခွဲသားဝန်းကျင်ပေါ့ (၁ ဧက = 4000m square ရှိပါတယ်)

အဲ့တော့ တစ်ဧကကိုထည့်ရမယ့် ငါးမြစ်ချင်းကုန်ချိန်ကို တွက်လိုက်ရင်..

0.32 x 4000 = 1280 ပိဿာလို့ ထွက်လာပါလိမ့်မယ်။

ခုကစပြီး ကျမတို့ တစ်ဧကမှာထည့်ရမယ့် ငါးအကောင်ရေဆိုတာကို မေ့ထားလိုက်ပါ။

တစ်ဧကမှာ ငါးကုန်ချိန် ၁၂၈၀ ပိဿာပဲ ထည့်လို့ရတယ်လို့ပဲ မှတ်ကြရအောင်နော် (မွေးမြူရေးလောကထဲမှာ ပြောနေကျအကောင်ရေနဲ့ တိုက်ကြည့်မယ်ဆိုရင်လည်း သိပ်မကွာပါဘူး။ ( ၁ ပိဿာ အရွယ်နဲ့တွက်ပြီး လွယ်ကူအောင်မှတ်ယူထားမိကြတာ နေပါလိမ့်မယ် )

ဒီတော့ ခုပဲတစ်ချက်တွက်ကြည့်ကြည့်ရအောင်နော်..

၅၀ သားနဲ့ ကန်ဖော်မယ့်သူက အကောင်ရေ ၂၅၆၀ ထည့်လို့ရပေမဲ့...

၁ ပိဿာ ၂၀ (သေးပေါက်) size ဖော်မယ့်သူတွေကျတော့ အကောင်ရေ ၁၀၄၁ ပဲ ထည့်လို့ရမယ်ရှင့်..။

အဲ့လိုကွာသွားပါတယ်။ ခုလောက်ဆို အကောင်ရေကိုပုံသေယူလို့မရဘူးလို့...ဘာလို့ ပြောခဲ့လဲဆိုတာ သေချာလေးသဘောပေါက်လောက်ပီထင်ပါတယ်ရှင့်။

2/3 size မွေးမယ်ဆိုရင်လည်း ဒီလိုပဲတွက်ကြည့်လိုက်ပါနော်။ တွက်ပြီးရင် အကောင်ရေကို comment မှာ ရေးပေးခဲ့ပါဦး။

ဒီစာကိုရေးရတဲ့ရည်ရွယ်ချက်ကတော့ တစ်ဧကမှာ ငါး ၁၀၀၀ နှုန်းထည့်လို့ရတယ်ဆိုတဲ့ သမားရိုးကျဆန်တဲ့ အသိတစ်ခုထက်ပိုပြီး ကိုယ်မွေးမြူမယ့် ငါး size အလိုက် တွက်ချက်တတ်သွားဖို့ရည်ရွယ်တာပါ။

"ငါကတော့အကြီးမွေးမယ် 2/3 ထုတ်မယ်" ဒါမှမဟုတ် "ငါကတော့သေးပေါက်လောက်ပဲမွေးမယ်" ဒါဆို ငါထည့်ရမယ့် ငါးအကောင်ရေက ဒီလောက်ပေါ့....ဆိုတာမျိုးလေးမြင်သွားပြီး တွက်တတ်သွားတယ်ဆို ရပါပြီ။

ဒီ post လေးထဲမှာ တွက်ချက်တာတွေပါလို့ မရှင်းလင်းတာရှိရင် Comment မှာ မေးလို့ရပါတယ်နော်။

#ငါးထည့်နှုန်းများသွားတဲ့ပြဿနာဟာ ဘယ်လောက်ထိအန္တရာယ်များသလဲ / ဒီပြဿနာကိုလက်ရှိကြုံနေရပြီဆိုရင် ဘယ်လိုဖြေရှင်းရမလဲ?

ဆိုတဲ့အချက်တွေကိုတော့ အပိုင်း(၂ ) အနေနဲ့ဆက်လက်မျှဝေပေးသွားပါမယ်ရှင့်။

(Sharing by Dr.AQUAs FB page မှ ကူးယူဖော်ပြပါသည်)

မူရင်းလင့် >>> https://www.facebook.com/Dr.AQUAs/posts/pfbid02ijUtN1A6QxLhL2zj68Q3Vxk1qh8Sw5uHwoM3jqfAXZVdzZ5mqyk7sm589VLYxpt5l

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...