ဂိုရာမီလေး ခေါ်  ဘီလားငါး ​ဆေးထိုးသားဖောက်နည်း

07/12/2021 13:30 PM တွင် နှင်းဖြူဖြူ နှင်းဖြူဖြူ မှ ရေးသား

ဂိုရာမီလေး ခေါ် ဘီလား ခေါ် ဂျပန်ငါးမှာ ဆေးထိုးသားဖောက်မွေးမြူ၍ ရသဖြင့် ဆေးထိုးသားဖောက်နည်းကို ဖော်ပြပေးပါမည်။

ဆေးထိုးရန် ဟော်မုန်းဖော်စပ်ခြင်း

ဆူပရီဖက်ဟော်မုန်း ၁ပုလင်းတွင် ဟော်မုန်း ၁၀၀၀၀ မိုက်ခရိုဂရမ်ပါရှိသော ဆေးရည် ၁၀ စီစီ ပါရှိပါသည်။

ဆေးထိုးပြွန်ဖြင့် ဆူပရီဖက်ဟော်မုန်းဆေးရည် ၁စီစီ စုပ်ယူပါ။ အဆိုပါ ဟော်မုန်းဆေးရည် ၁စီစီတွင် ဟော်မုန်း ၁၀၀၀ မိုက်ခရိုဂရမ် ပါဝင်မည်ဖြစ်ပါသည်။ အဆိုပါ ဟော်မုန်းဆေးရည် ၁ စီစီ ကို ပေါင်းခံရည် ၉စီစီ နှင့် ရောစပ်လိုက်ပါက ၁၀ စီစီ ဖျော်စပ်ပြီးသား ဆူပရီဖက်ဟော်မုန်း ဖျော်ရည်တွင် ၁၀၀၀ မိုက်ခရိုဂရမ် ဟော်မုန်းဓါတ် ပါဝင်ပါမည်။ (ဖျော်စပ်ထားသော ဆူပရီဖက်ဟော်မုန်းရည် ၁စီစီ ကို အသုံးပြုမည်ဆိုလျှင် ဟော်မုန်းအား ၁၀၀ မိုက်ခရိုဂရမ် ပါရှိမည် ဖြစ်သည်။)

ဆူပရီဖက်ဖျော်ရည်ကို Motilium M ဆေးပြားဖြင့် ရောစပ်ဖျော်ခြင်း

မိုတီလီယမ်ဆေးပြား ၁ပြားလျှင် ဆေးအလေးချိန် ၁၀ မီလီဂရမ် ပါရှိပါသည်။ ငါးအလေးချိန်ပေါ် မူတည်၍ ငါးအလေးချိန် ၁ကီလိုဂရမ်အတွက် မိုတီလီယမ် ၁၀ မီလီဂရမ် အသုံးပြုပါက ဆေးပြား ၁ပြား အသုံးပြုရပါမည်။

ပေါင်းခံရည် အသုံးပြုဖော်စပ်ခြင်း

များသောအားဖြင့် မျိုးငါးစုစုပေါင်း အလေးချိန် ၁ကီလိုဂရမ်ရှိသော မျိုးငါးအမများအတွက် ပေါင်းခံရည် ၁စီစီ ဖြင့် အသုံးပြု ဆေးထိုးနိုင်ပါသည်။ သို့ဖြစ်၍ မျိုးငါးအလေးချိန်အပေါ် မူတည်ပြီး အသုံးပြုမည့် ဆူပရီဖက်ဟော်မုန်းဖျော်ရည် ပမာဏကို နှုတ်ပါက ကျန်ရှိသော အပိုင်းကို ပေါင်းခံရည်ထပ်မံထည့်ပြီး ဖျော်ရပါမည်။

ဟော်မုန်းဆေးထိုးခြင်း(ပထမအကြိမ်)

ဂိုရာမီလေးမျိုးငါး အထီး ၅ကီလိုဂရမ် နှင့် မျိုးငါးအမ ၅ကီလိုဂရမ်ကို ချိန်တွယ်ပါ။ (၁ကီလိုဂရမ်လျှင် ၁၀ ကောင် အရွယ်တို့အား အထီး ၁ကောင်လျှင် အမ ၁ကောင် အချိုးနှုန်းဖြင့်) ပထမအကြိမ်ဆေးထိုးရန် ငါးအလေးချိန် ၁ကီလိုဂရမ်အတွက် ဆူပရီဖက်ဟော်မုန်း ၁၀ မိုက်ခရိုဂရမ် အသုံးပြု၍ မိုတီလီယမ် ၅မီလီဂရမ် အသုံးပြုပြီး ဖော်စပ်ရပါမည်။ ပထမ အကြိမ်တွင် မျိုးငါးအထီးရော အမပါ ထိုးရပါမည်။ ဆေးထိုးရာ၌ ငါး၏ ကျောရေယက်အရင်း နေရာကို ထိုးရပါမည်။ 

ဟော်မုန်း ဒုတိယအကြိမ် ဆေးထိုးခြင်း (ပထမအကြိမ် ဆေးထိုးပြီး ၁၄-၁၆ နာရီ ကြာပြီးနောက်)

ငါးအလေးချိန် ၁ကီလိုဂရမ်အတွက်ဆူပရီဖက်ဟော်မုန်း ၁၅-၂၀ မိုက်ခရိုဂရမ် အသုံးပြု၍ မိုတီလီယမ် ၅-၁၀ မီလီဂရမ် အသုံးပြုပြီး ဖော်စပ်ရပါမည်။

အထက်ဖော်ပြပါတို့ကို အားလုံးရောစပ်၍ ဒုတိယအကြိမ်တွင် မျိုးငါးအမ ကိုသာ ထိုးပေးရပါမည်။ ဆေးထိုးပြီးသော မျိုးငါးများအား အသင့်ပြင်ထားသော သားဖောက်ကန်အတွင်းသို့ လွှတ်ပေးရပါမည်။

အုတ်ကန်သားဖောက်ကန် အကျယ်အားဖြင့် ၅၀ စတုရန်းမီတာ၌ မျိုးငါးအထီးနှင့်အမ (၁း၁) ဖြင့် စုံတွဲ (၁၀၀-၂၀၀)တွဲနှုန်း ထည့်ပြီး သားဖောက်နိုင်ပါသည်။ မျိုးငါးများ လွတ်ပြီး ၂၄ နာရီ ကြာပြီးနောက် သားဖောက်ပြုစုကန်အတွင်းမှ သန္ဓအောင် ဥများကို ဆယ်ယူစုဆောင်းနိုင်ပါသည်။ စုဆောင်း ရယူထားသော သန္ဓေအောင်ဥများကို သန့်စင်ပြီးနောက် ပြုစုကန်သို့ ပြောင်းရွှေ့ပြုစုရပါမည်။

။ 

မျိုးသန္ဓေအောင်ဥများ (ရေပေါ် ပေါ်သောဥများ)

ရေအပူချိန် (၂၈-၃၂ ဒီဂရီဆဲလ်စီးရပ်စ်) တွင် သန္ဓေအောင်ဥများသည် (၁၈- ၂၄) နာရီ အကြာတွင်အကောင် ပေါက်ပါသည်။ အကောင်ပေါက်ပြီး(၁-၂)ရက်အတွင်း ငါးသားပေါက်ကလေးများသည် ရေပေါ်ပေါ်နေပြီး စုစည်းလျက်ရှိကြောင်း တွေ့ရမည်ဖြစ်၍ ပြုစုကန်သို့ ခပ်ယူပြောင်းရွှေ့ရပါမည်။ သားပေါက်ပြုစုမည့် ကန်ကို သားပေါက်များ မပြောင်းရွှေ့မီ ၁ရက်ကြိုတင်ပြီး ပြင်ဆင်ရပါမည်။ သားပေါက်သည် ၃ရက် ကြာပြီးနောက် ပြင်ပအစာများဖြစ်သော Rotifer (သို့မဟုတ်) Moina တို့ကို စတင်စားလာနိုင်ပြီး ဖြည့်စွက်စာအနေဖြင့် ကြက်ဥနှစ်ပြုတ်ဖျော်ရည်ကို ၃ရက်မှ ၅ရက်အထိ ကျွေးရပါမည်။

သားပေါက်များသည် အသက်အားဖြင့် ၈ ရက် အရွယ်ရောက်ရှိသောအခါ ပြင်ပအစာ(စပ်စာ ဖွဲနုနှင့် ငါးကြေမှုန့် ၂ အချိုး ၁ အရော)ကို စတင်ကျွေးရပါမည်။ 

သားပေါက်များသည် ၂၅ ရက်သားတွင် ပျှမ်းမျှအားဖြင့် ၂စင်တီမီတာအရွယ်ခန့် ရှိလာပြီးဖြစ်၍ သားပေါက်များကို ပြုစုကန်မှ ပိုက်ဆွဲဖမ်းယူသောအခါ ပထမတစ်ခေါက်တွင် ကန်တစ်ဝက်ကိုသာ ပိုက်သားနုသော ဆွဲပိုက်ဖြင့် ဖမ်းယူစုဆောင်းနိုင်ပြီး ၄င်းနောက် ကန်အပြည့် ပိုက်ဆွဲ ဖမ်းယူခြင်းဖြင့် ငါးသားပေါက်များ ပျက်စီးဆုံးရှုံးခြင်းမှ ကာကွယ်နိုင်ပါသည်။

Ref; ငါးလုပ်ငန်းဦးစီးဌာန။

 

                  

 


PROBIO ကြော်ငြာ
ကြက်/ဝက် မွေးမြူရေးလုပ်ငန်းတွေမှာ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) များအစား၊ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) များကို ဘာကြောင့်အစားထိုး အသုံးပြုသင့်တာလဲ။ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) ဆိုတာကတော့ လူ၊ တိရစ္ဆာန်တွေမှာကပ်တွယ်ပြီး ကျန်းမာရေးကို အန္တရာယ်ပြုနိုင်တဲ့ အဏုဇီဝပိုးမွှားတွေကို ကြီးထွားပြန့်ပွားမှု့လျော့ကျအောင် ရှင်းလင်းသုတ်သင်ပေးတဲ့ ဆေးတစ်မျိုးဖြစ်ပြီး အထူးသဖြင့် မွေးမြူရေးကဏ္ဍမှာ ၇၀-၈၀% အထိ အသုံးပြုလျက်ရှိကြပါတယ်။ ကြက်မွေးမြူရေးကဏ္ဍမှာဆိုရင် အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေဟာ ကြက်တွေမှာဖြစ်ပွားတတ်တဲ့ အသက်ရှုလမ်းကြောင်းရောဂါ၊ အူလမ်းကြောင်းရောဂါ၊ အခြားသောဘက်တီးရီးယားများကြောင့်ဖြစ်တဲ့ ရောဂါတွေကိုကုသရာမှာ အလွန်ထိရောက်ပါတယ်။ သို့သော်ငြားလည်း ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေကိုအသုံးပြုတဲ့အခါ ဆေးမတိုးတော့တဲ့ အန္တရာယ်ရှိ အဏုဇီဝပိုးမွှားဗီဇပေါ်ထွက်လာနိုင်ပြီး ထိုမှတဆင့် အရေအတွက်အများအပြားအဖြစ်သို့ ပြန်လည်ပွားများလာကာ ပဋိဇီဝဆေးဆေးယဉ်ပါးမှု (𝐀𝐌𝐑) ကိုဦးတည်နိုင်စေပါတယ်။ ဒီနေရာမှာ အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေအစား အစားထိုးအသုံးပြုသင့်တဲ့ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) အကြောင်းကို ထပ်မံအကြံပြုဝေမျှပေးပါရစေ။ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ဆိုတာကတော့ မွေးမြူရေးတိရစ္ဆာန်တွေ ကျန်းမာရေးကောင်းမွန်စေဖို့အတွက် ရည်ရွယ်ပြီးထုတ်လုပ်ထားတဲ့ အကျိုးပြု အဏုဇီဝပိုးမွှားများဖြင့် ထုတ်လုပ်ထားတဲ့ဆေး (တနည်းအားဖြင့်) အစာ လို့လည်းဆိုနိုင်ပါတယ်။ ၂၀၀၂ ခုနစ်မှာ 𝐖𝐇𝐎 နဲ့ 𝐅𝐀𝐎 ကနေပြီးတော့မှ ပရိုဘိုင်အိုတစ်ဆိုတာ သက်ရှိအဏုဇီပိုးတွေပါဝင်သောဆေးဖြစ်ပြီး လုံလောက်တဲ့ ပမာဏ အထိ တိုက်ကျွေးမယ်ဆိုရင် ပဋိဇီဝဆေးတိုက်ကျွေးစရာမလိုပဲ မွေးမြူရေးတိရစ္ဆာန်တွေရဲ့ ကျန်းမာရေးကို ကောင်းမွန်စေကြောင်း အကြံပြုထားတာတွေရှိပါတယ်။ ဒါကြောင့် မွေးမြူရေးလုပ်ငန်းတွေမှာ အဆိုပါ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ကို ပဋိဇီဝဆေးဝါးများအစား၊ အစားထိုးအသုံးပြုခြင်းက အန္တရာယ်ရှိအဏုဇီဝပိုးမွှားတွေရဲ့ ဆေးယဉ်ပါးမှု (𝐀𝐌𝐑) ဖြစ်ပွားနိုင်ချေ ရာခိုင်နှုန်းကိုလျော့ချနိုင်ပြီး မွေးမြူရေးတိရစ္ဆာန်တွေရဲ့ဇီဝကမ္မဖြစ်စဉ်များကို အနှောက်အယှက်ပြုခြင်းမှ ကာကွယ်နိုင်မှာဖြစ်ပါတယ်။ "စာရေးသားသူဒေါက်တာညွန့်ရွှေ (မွေးမြူ/ဆေးကု) " Myanmar Innovative Life Sciences Co., Ltd မှ ထုတ်လုပ်ဖြန့်ချိပြီး မြန်မာ 𝐅𝐃𝐀 ၏ ခွင့်ပြုချက်လိုင်စင်နဲ့အညီ ပြည်တွင်း၌ထုတ်လုပ်ကာ မြန်မာနိုင်ငံမွေးမြူရေးလုပ်ငန်းရှင်များကို အဆင်သင့်ကူညီပေးမယ့် အရည်အသွေးမြင့် အစာလမ်းကြောင်းအားဖြည့်ဆေး PROBIO က အသင့်ရှိနေပါတယ်။ အခုပဲဒီလင့်မှာ ပြည့်စုံစွာဖောင်ဖြည့်ပြီးဆက်သွယ်လိုက်ပါ- https://tinyurl.com/MILS-PROBIO 𝐏𝐑𝐎𝐁𝐈𝐎 မှ မွေးမြူရေးဆိုင်ရာကျွမ်းကျင်ဝန်ထမ်းတွေကနေ တိုက်ရိုက်ဆက်သွယ်ပြီး အကူအညီပေးမှာဖြစ်ပါတယ်။ 𝐏𝐑𝐎𝐁𝐈𝐎 ဖြန့်ချိရေးနှင့်ကိုယ်စားလှယ်ယူလိုသူများ တိုက်ရိုက်ဆက်သွယ်ရန်ရုံးချုပ်လိပ်စာ- အမှတ် (၁၆၅)၊ အောင်ဇေယျလမ်းသွယ် (၁) ၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။ Hotline: 09 263 709 553, 09 267 287 608, Email: enquiries@milsciences.com #MILS #PROBIO
Read more မွေးမြူရေး အကူအညီရယူရန် နှိပ်ပါ

ဆွေးနွေးချက်များ

ဆွေးနွေးရန်