သခွားပင်​​တွေ အရွက်ဝါတာ ဘာ​ကြောင့်လဲ၊ ဘယ်လိုပြုပြင်ရမလဲ?

အစိမ်းရောင်လမ်းဆော့ဖ်ဝဲလ်၊ စိုက်/မွေး အမေးအဖြေကဏ္ဍမှာ အဖွဲ့ဝင်တဦးဖြစ်သူ၊ မအူပင်မြို့က ကိုစိုးမင်းဦးက မေးလာပါတယ်။

"သခွားပင်အရွက်တွေဝါ,ဝါလာပြီး၊ တချို့အပင်တွေ သေသွားပါတယ်။ ဘာဖြစ်တာပါလဲ၊ ဘယ်လို ပြုပြင်ထိန်းသိမ်းရမလဲ?"

ဆိုပြီးမေးလာတော့..

ဖြေဆိုရမယ့် အကြောင်းအရာက...ကျယ်ဝန်းနေပါတယ်။

သခွားမျိုးနွယ်သာမက အခြားသော သစ်သီးဝလံ သီးနှံတွေမှာလည်း၊ အရွက်ဝါရခြင်းအကြောင်းတရားတွေက တခုတည်းကြောင့်မဟုတ်ဘဲ... အကြောင်းအရာ များစွာရှိပါတယ်။

#ပုံမှန် အစိမ်းရောင်ရှိနေရမယ့် အနေအထားမှာ... ဘာကြောင့်အဝါရောင်ဖြစ်နေရသလဲ?

အရိုးရှင်းဆုံးပြောရရင်၊ အစိမ်းရောင်ကလိုရိုဖီး ပျက်စီးဆုံးရှုံးရခြင်းကြောင့်ပဲ ဖြစ်ပါတယ်။

ကလိုရိုဖီးတွေ ဘာကြောင့်ဆုံးရှုံးရတာလဲ?... ဆိုပြန်တော့..

ဖြစ်ရခြင်းအကြောင်းရင်းတွေထဲက...အဖြစ်နိုင်ဆုံးအကြောင်းရင်းများကို ပြောပြချင်ပါတယ်။

အဲဒါတွေကတော့....

၁။မြေဆီလွှာ အာဟာရ ချို့တဲ့ခြင်း ( Deficiencies in the soil)
၂။ ရောဂါတမျိုးမျိုး ကျရောက်နေခြင်း (Diseases that affect cucumber plants)
၃။ ဖျက်ပိုးတမျိုးမျိုး ကျရောက်ခြင်း (Pests that affect cucumber plants)
၄။ ရေပေးသွင်းမှု ပြဿနာ တစုံတခုရှိနေခြင်း (Watering problems )
၅။ နေရောင်ခြည် ရရှိမှု မလုံလောက်ခြင်း (Insufficient sunlight)

ဆိုပြီးတော့... ခွဲခြားနိုင်ပါတယ်။

တချက်ချင်း အသေးစိတ် ပြန်ဆွေးနွေးကြည့်မယ်ဆိုရင်...

မြေဆီလွှာ အာဟာရချို့တဲ့ခြင်း

ဒီပြသနာကတော့... နေရာအနှံ့အပြားမှာ ရှိနေပါတယ်။

မိမိစိုက်ပျိုးနေတဲ့မြေမှာ ဘယ်အာဟာရတွေက...ဘယ်လောက်ပိုနေပြီး...

ဘယ်အာဟာရတွေက ဘယ်လောက်ချို့တဲ့နေတယ်ဆိုတာ... နည်းလမ်းရှိပေမယ့် လက်လှမ်းမမီကြသေးဘူး ဖြစ်နေပါတယ်။

ခေတ်မီနည်း/ကိရိယာများနဲ့ ဓာတ်ခွဲ စမ်းသပ်ကြည့်မှ သိရမှာမို့ပါ။

ဆိုတော့ကား..

မြေပြင်တကယ့်လက်တွေ့မှာ...အာဟာရချို့တဲ့လို့... အရွက်ဝါရခြင်း အကြောင်းအရာ ၃ ခု ရှိပါတယ်။

၁။ နိုက်ထရိုဂျင်ဓာတ် ချို့တဲ့ခြင်းကြောင့် အရွက်ဝါခြင်း (Nitrogen deficiency)

သခွားအပါအဝင် သီးနှံပင်တွေမှာ... အပင်စိမ်းလန်းဖို့၊ ကြီးထွားမြန်ဖို့ လုပ်ဆောင်ရာမှာ... အဓိကဇာတ်လိုက် အာဟာရဓာတ် ဖြစ်ပါတယ်။
နိုက်ထရိုဂျင်ပါတဲ့မြေသြဇာကို...လိုအပ်တဲ့ပမာဏရအောင် မကျွေးလို့ပဲဖြစ်ဖြစ်... ကျွေးလျက်နဲ့ အမြစ်မွှေးအလုပ်မလုပ်နိုင်လို့ မစားနိုင်လို့ဖြစ်စေ..
အောက်အရွက်တွေကစပြီး... ဝါလာတတ်ပါတယ်။

(နိုက်ထရိုဂျင်ဓာတ်ပါသောဓာတ်မြေသြဇာ၊ သဘာဝမြေသြဇာ ကျွေးပေးပါ၊ သို့မဟုတ် အရွက်ဖျန်းမြေသြဇာ ကျွေးပါ)

၂။ ပိုတက်စီယမ် ချို့တဲ့ခြင်းကြောင့် ဝါရခြင်း (Potassium deficiency)

သီးနှံပင်တွေမှာ၊ အပွင့်အဖူးဝင်ချိန်ကစပြီး၊ ပိုတက်စီယမ် အထူးလိုအပ်ပါတယ်။
ဒါကြောင့် အပွင့်ဖူးဆင်ချိန်မှာ၊ အရွက်အနားလေးတွေ (အရွက်နှုတ်ခမ်းနားတွေ)အဝါရစ်လေးတွေ စတွေ့ရင်၊ပိုတက်စီယမ် ချို့တဲ့လက္ခဏာလို့ မှတ်ပါ။
တဖြည်းဖြည်းကြာလာရင် နှုတ်ခမ်းနားလေးတွေ ခြောက်လာတတ်ပါတယ်။

(NPK နောက်အချိုးများတဲ့ မြေသြဇာ ကျွေးပေးရပါတယ်။ သို့မဟုတ် ပိုတက်စီယမ် နိုက်ထရိတ် အရွက်ဖျန်းမြေသြဇာ ဖျန်းပေးနိုင်ပါတယ်။)

၃။ သံဓာတ်ချို့တဲ့ခြင်းကြောင့် ဝါခြင်း (Iron deficiency)

သင့်စိုက်ခင်းမြေမှာ... သံဓာတ်ချို့တဲ့နေလျှင် ဖြစ်စေ၊
မြေကြီးပီအိပ်ချ် နိမ့်လွန်း(မြေချဉ်လွန်း)ရင် ဖြစ်စေ

သံဓာတ်ချို့တဲ့လက္ခဏာ တွေ့ရပါမယ်။

အရွက်နုလေးတွေ အဝါရောင် သမ်းနေလိမ့်မယ်။
အလယ်ရွက်တွေမှာ အရွက်ကြောပဲစိမ်းပြီး... ရွက်ကြောကြားတွေ ဝါနေရင်...သံဓာတ်ချို့တဲ့နေလို့ပါ။

(အိုင်းရွန်းပါတဲ့ အရွက်ဖျန်းမြေသြဇာ သို့မဟုတ် အိုင်းရွန်းဆာလဖိတ်ကို... ကျွေးပေးနိုင်ပါတယ်။)

အထက်မှာပြောခဲ့သလို... မြေကြီးကို ဓာတ်ခွဲစမ်းသပ်နိုင်ရင်တော့ အကောင်းဆုံးပါ။

အပင်ရောဂါ တမျိုးမျိုးကျရောက်နေခြင်း (Diseased infected in plant)

၁။ မိုဇိတ် ဗိုင်းရပ်ရောဂါ ကျရောက်ခြင်း (Cucumber mosaic virus )

မိုဇိတ်ဗိုင်းရပ်ရောဂါ ဆိုတာကတော့...

အရွက်တွေပေါ်မှာ အဝါပြောက်လေးတွေ တွေ့ရမယ်။ အရွက်ပုံသဏ္ဌာန် မမှန်တာတွေ့ရမယ်။
တဖြည်းဖြည်း တပင်လုံး ဝါသွားမယ်။ အပင်လည်းမကြီးနိုင်၊ မသီးနိုင်ဖြစ်မယ်။
ဒီဗိုင်းရပ်ရောဂါမှာ... ကုစရာ ဆေးမရှိသေးပါဘူး။
ပျ(Aphic)တမျိုးမှတဆင့် တပင်မှတပင် ကူးစက်ပျံ့နှံ့စေပါတယ်။

(အပင်ငယ်ကတည်းက၊ ပျကာကွယ်ဆေး(အဆီတာမီပရစ်/အဆက်-20) ၇ ရက်ခြား ဖျန်းပေးပါ။

လက္ခဏာတွေ့ရတဲ့အပင်ကို... နုတ်ယူဖယ်ရှားပါ)

၂။ ဖျူဆေရီယံ ပင်ညှိုးရောဂါ (Fusarium wilt)

Fusarium oxysporum မှိုကြောင့်ဖြစ်ပြီး မြေကြီးထဲမှာ၊ ပင်ကြွင်းကျန်တွေထဲမှာ နှစ်များစွာ ခိုအောင်းနေပါတယ်။

အပင်ငယ်စဉ် ခါးရိ ပင်ညှိုးလက္ခဏာတွေ့ရပြီး၊
အပင်ကြီးလာရင် အရွက်တွေ ဝါလာတာတွေ့ပါတယ်။
(Vascular system)အပင်ရဲ့ အစာရေကြောစနစ်ကို ဖျက်ဆီးတဲ့မှိုရောဂါမို့လို့ အပင်ဝါမယ်၊ အပင်တန့်မယ်၊ အပင်ညှိုးပါမယ် ။

(ဓာတုမှိုသတ်ဆေးထက် ထရိုင်ကိုဒါးမားကို လူးနယ်စိုက်ခြင်း၊ မြေကြီးထဲထည့်ပေးခြင်း ပြုလုပ်သင့်ပါတယ်။)

၃။ ဒေါင်းနီးမှိုရောဂါ ကျရောက်ခြင်း(Downy mildew)

(Pseudoperonospora cubensis) မှိုရောဂါကြောင့် သခွားရွက်အကြောကြား ထောင့်ကွက်တွေမှာ အဝါကွက်လေးတွေ တွေ့ရပါတယ်။
တဖြည်းဖြည်း ဝါရာကနေ ကြွပ်ခြောက်တတ်ပါတယ်။

(အရွက်အောက်ဖက်မှာ မှိုဖြူဖြူအကွက်လေးတွေ တွေ့ရင် မှိုသတ်ဆေးဖျန်းပါ

အဇိုဇီစထရိုဘင်၊ ဒိုင်မီသိုမော့၊ ဖို့စီတိုင်းအလူမီနီယံ၊ ဆိုင်မောက်ဇနေးလ် တမျိုးမျိုး ဖျန်းပါ။

ပင်ကြား၊ တန်းကြားမှန်အောင်စိုက်ပြီး... လေဝင်လေထွက်ကောင်းသောနေရာမှာ စိုက်ပါ။)

ဖျက်ပိုးတမျိုးမျိုး ကျရောက်ခြင်း (Pests infested in plant)

သစ်ရည်စုပ်ပိုးများဖြစ်ကြတဲ့ ပျ၊ ဖြုတ်၊ ယင်ဖြူ၊ မွှားပင့်ကူ၊ လှေး စတဲ့ ပိုးများ ကျရောက်ခဲ့လျှင်လည်း အရွက်များ အဝါစက်များဖြစ်ပေါ်လာပြီး နိုက်ထရိုဂျင်ချို့တဲ့သလိုမျိုး အဝါရောင် တွေ့ရတတ်ပါတယ်။

(ပေါင်းမြက်များ စောစီးစွာရှင်းပါ။

-အဆီတာမီပရစ်/ အက်ဆီဖိတ်/ သိုင်ယာမိသိုဇင် စသော ဆေးအုပ်စုများကို အလှည့်ကျ ဖျန်းပါ)

ရေပေးသွင်းမှုပြဿနာ ရှိနေခြင်း (Watering problem)

ရေကြိုက်ပြီး ရေဝပ်ခြင်းကို မကြိုက်တဲ့ အပင်မျိုးထဲမှာ သခွားမျိုးနွယ်လည်း ပါပါတယ်။
ရေငတ်ရင်ဝါတတ်သလို ရေများ/အစိုများရင်လည်း အရွက်ဝါတတ်ပါတယ်။

(ရေမြောင်းစနစ်နဲ့ ရေသွင်းခြင်းထက်၊ ရေပိုက်စနစ်(drip irrigation system)နဲ့ ရေပေးခြင်းက ပြဿနာ နည်းနိုင်ပါတယ်)

နေရောင်ခြည်ရရှိမှု မလုံလောက်ခြင်း (Insufficient sunlight)

သခွားပင်တွေဟာ နေရောင်ခြည်နဲ့ အစာချက်မှသာ အစိမ်းရောင် ကလိုရိုဖီးလ်အရွက်တွေ ဖြစ်နိုင်ပါတယ်။
ဒါကြောင့် တနေ့တာအတွင်း နေရောင်ခြည် ၈ နာရီ ပြည့်ဝစွာ ရရှိရပါတယ်။

(နွေရာသီမှာ ပလပ်စတစ်နဲ့ ဘောင်အုပ်စိုက်ပြီး အပူချိန်မြင့်လွန်းရင်လည်း အပင်တွေမှာ heat stressဖြစ်ပြီး ဝါ/ညှိုးတတ်ပါတယ်)

အခုဖော်ပြပါအချက်တွေအပြင် အရွက်ဝါစေတဲ့ နောက်ထပ်အကြောင်းရင်းများ ရှိနိုင်ပါသေးတယ်။

ဒါတွေကတော့ ဖြစ်လေ့ဖြစ်ထအများဆုံးကို ရွေးချယ်ဖော်ပြခြင်းဖြစ်ပါတယ်..ဆိုတာ ဖြေကြားရင်း၊ မအူပင်မြို့က ကိုစိုးမင်းဦးနဲ့တကွ... အစိမ်းရောင်လမ်း အဖွဲ့ဝင်များအားလုံး ဗဟုသုတ ရလိမ့်မယ်လို့ မျှော်လင့်ပါတယ်။

ဒို့ဦးလေး

Source>>Reasons Your Cucumber Leaves Are Turning Yellow And How To Fix It Vegetable Garden

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...