နဂါးမောက် ဝိုင်

နဂါးမောက်ရာသီရောက်ပြီဆိုတော့ နဂါးမောက်ဝိုင်ပြုလုပ်နည်းလေးကို ညွှန်းချင်ပါတယ်။ ခဏလေးအချိန်ပေးရုံနဲ့ ဝိုင်တစ်မျိုးပြုလုပ်နိုင်ပြီး မိသားစု ဆွေမျိုး မိတ်ဆွေတွေနဲ့ စကားလေးပြောရင်းကိုယ်လုပ်ထားတဲ့ ဝိုင်အကြောင်းကိုလည်းမပါမဖြစ် ပြောလို့ရတာပေါ့။

နည်းလမ်းတွေအမျိုးမျိုးရှိပေမဲ့ လွယ်ကူရိုးရှင်းတဲ့နည်းလမ်းလေးကို ဝေမျှလိုက်ပါတယ်ရှင့်။

ပါဝင်ပစ္စည်းများ-

- နဂါးမောက်သီး (၃) လုံး (နဂါးမောက်ကို အနီသုံးတာများပါတယ်။ အရောင်လေးလှတာပေါ့)

- သံပုရာသီး (၂) လုံး

- သကြားအညို

ပြုလုပ်နည်း-

သံပုရာသီးနှစ်လုံးကို အခွံခွာပြီး ပါးပါးလေးလှီး အစေ့ထုတ်ထားပါ။ နောက် နဂါးမောက်ကိုလည်း အခွံခွာ အစိတ်သေးသေးလေးတွေရအောင် လှီးရပါမယ်။

လှီးပြီးပြီဆိုရင်တော့ ပုလင်း/ဗူး သန့်သန့်ထဲကို နဂါးမောက်တစ်ထပ် သံပုရာသီးလေးငါးစိတ်လောက် တစ်ထပ် ပြီးတော့သကြားတစ်ထပ် ဖြူးထည့်ပါ။ အဲ့တိုင်းကို နဂါးမောက်သီးများကုန်သည်အထိ တစ်ထပ်ချင်းစီထည့်သွားပေးပါရှင့်။

ပြီးပြီဆိုရင်တော့ ပလပ်စတစ်နဲ့လေလုံအောင်ပိတ်ပြီး အမှောင်ကျတဲ့နေရာမှာထားပါ။ နှစ်ရက်သုံးရက်လောက်ကြာရင် ပုလင်း/ဗူး ကိုလှုပ်ပေးပါ။

၄ ပတ်ကြာရင်တော့ အချဉ်ဖောက်လုပ်ငန်းစဉ်ပြီးဆုံးပြီး အရည်စစ်ထုတ်ပေးပါ။ ဒါဆိုရင်တော့ အရသာရှိလှတဲ့ နဂါးမောက်ဝိုင်ကို အိမ်မှာပဲ လွယ်လွယ်ကူကူဖောက်နိုင်ပြီပေါ့။

နဂါးမောက်ကိုလှီးဖြတ်ရမယ့်ပုံစံပါ။ ပုံပါအတိုင်း ပါးပါးလေးလှီးဖြတ်ပေးပါ။

ကျော့နန္ဒာစိုး

ကိုးကား- https://www.youtube.com/watch?v=a1v2ePCEvnA

photo source- shutterstock

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်