ဖောလိတ်ကြွယ်ဝသောအစားအစာများနှင့် ချို့တဲ့ခြင်း၏ဆိုးကျိုးများ

18/10/2022 11:00 AM တွင် အစိမ်းရောင်လမ်း အစိမ်းရောင်လမ်း မှ ရေးသား

ဖောလိတ်၊ ဖောလစ်အက်စစ် (ဗီတာမင် B 9)

မျိုးပွားနိုင်သောအရွယ်ရှိသည့် အမျိုးသမီးတိုင်းသည် ဖောလိတ် ၊ ဖောလစ်အက်စစ်သောက်သုံးရန် အရေးကြီးသည်။

ဖောလိတ်၏အသုံးဝင်ပုံ

  • ဖောလိတ်သည် သန္ဓေသားဖွံ့ဖြိုးရန်၊ ကျန်းမာစွာ ကိုယ်ဝန်ဆောင်နိုင်ရန်နှင့် ကလေးအသက်ရှင်နှုန်း မြင့်မားရန် အရေးပါသည်။ အဆိုပါ ဗီတာမင်သည် ကိုယ်ဝန်ဆောင်ချိန်နှင့် နို့တိုက်ချိန်များတွင် လိုအပ်သော သွေးနီဥများ ပြုလုပ်ရန်အတွက်လည်း အသုံးပြုသည်။
  • အထူးသဖြင့် ဖောလိတ်သည် ကိုယ်ဝန်ဆောင် ပထမ ၂၈ ရက်အတွင်း အစောပိုင်းကာလ သန္ဓေ ̈သား၏ ပင်မအာရုံကြောဖွံ့ဖြိုးစဉ်ကာလတွင် အရေးပါသည်။

ချို့တဲ့ခြင်း၏နောက်ဆက်တွဲ ဆိုးကျိုးများ

  • ဖောလိတ်ချို့တဲ့မှုသည် အာရုံကြောမ ချို့ယွင်းမှုကို ဖြစ်စေနိုင်သည်။ ပင်မကျောရိုးမှာ ကောင်းစွာ ပြန်မပိတ်သဖြင့် ကျောရိုးအာရုံကြောနှစ်ခွဖြစ်ခြင်းများ ဖြစ်ပေါ်သည်။ အဆိုပါချို့ယွင်းမှုသည် အမျိုးသမီးများအနေဖြင့် မိမိကိုယ်မိမိ ကိုယ်ဝန်ရှိပြီဟု သတိမထားမိချိန် ကိုယ်ဝန်ဆောင်ကာလ ပထမ ၂၈ ရက်အတွင်းတွင် ဖြစ်လေ့ ရှိသည်။
  • ထို့အတူ သံဓာတ်ချို့တဲ့ သွေးအားနည်းရောဂါရသကဲ့သို့ သွေးအားနည်းရောဂါ ဖြစ်ပေါ်ပေမည်။ ထိုသို့ သွေးအားနည်းခြင်းကြောင့် ပင်ပန်းခြင်း၊ အားနည်းခြင်း မောပန်းလွယ်ခြင်းနှင့် အာရုံစူးစိုက်မှု မပြုနိုင်ခြင်းများ ဖြစ်ပေါ်ပေမည်။

ချို့တဲ့ခြင်းမှ ရှောင်ကြဉ်ရန်

အာရုံကြောမချို့ယွင်းမှုသည် အမျိုးသမီးများအနေဖြင့် မိမိကိုယ်မိမိ ကိုယ်ဝန်ရှိပြီဟု သတိမထားမိချိန် ကိုယ်ဝန်ဆောင်ကာလအတွင်းတွင် ဖြစ်လေ့ရှိသဖြင့် ကလေးမွေးဖွားနိုင်သည့် အမျိုးသမီးများအားလုံးသည် ဖောလိတ်ကြွယ်ဝသော အစားအစာများ နေ့စဉ်စားသုံးရန် လိုအပ်သည်။

 

• ဖောလိတ်ကြွယ်ဝသည့် အကောင်းဆုံးအရင်းမြစ်မှာ အစားအသောက်များဖြစ်သော်လည်း ကိုယ်ဝန်ဆောင်နှင့် နို့တိုက်မိခင်များသည် ၎င်းတို့၏ သန္ဓေသားများ ကောင်းစွာဖွံ့ဖြိုး ကြီးထွားစေရန်အတွက် ဖောလစ်အက်ဆစ်အားဆေးကို နေ့စဉ်သောက်သုံးသင့်သည်။ တစ်နည်းဆိုသော် ကလေးမွေးဖွားနိုင်သော အမျိုးသမီးအရွယ်များသည် ကိုယ်ဝန်ရနိုင်ခြေရှိသည်နှင့် တစ်ပြိုင်နက် ဖောလစ်အက်ဆစ်ကို ကြိုတင်သောက်သုံးခြင်းသည် ကောင်းမွန်သော အကြံဖြစ်သည်။

ဖောလိတ်ကြွယ်ဝသော အစာများ

  • ကြယ် ၄ ပွင့် အစာအုပ်စုတွင် ပါဝင်သော မုန်ညင်း၊ ပန်းကော်ဖီစိမ်း၊ ဘရိုကိုလီခေါ် ပန်းပွင့်စိမ်းနှင့် အခြားအစိမ်းရင့်ရောင်ရှိ အသီးအရွက်များ။
  • ဖောလိတ်ကြွယ်ဝသော အခြားအစားအစာများမှာ အသည်းများ အထူးသဖြင့် ကြက်အသည်း၊ ပဲအမျိုးမျိုးနှင့် အစေ့အဆံများ။

ကြယ်ပွင့်အစားအစာများအကြောင်းသိလိုပါက အောက်ပါလင့်များတွင် ဝင်ရောက်ဖတ်ရှုနိုင်ပါသည်။

ကိုယ်ဝန်ဆောင်နှင့်နို့တိုက်မိခင်များ စားပေးသင့်သည့် ကြယ်လေးပွင့်အစားအစာများ (၁)

https://bit.ly/3TnRBp0

ကိုယ်ဝန်ဆောင်နှင့်နို့တိုက်မိခင်များ စားပေးသင့်သည့် ကြယ်လေးပွင့်အစားအစာများ (၂)

https://bit.ly/3MuCnwi

#LEARN Program မှ ထုတ်ဝေထားသည့် ‘စားနပ်ရိက္ခာဖူလုံရေးနှင့် အသက်မွေးဝမ်း ကျောင်းဖွံ့ဖြိုးရေး ကွင်းဆင်းလုပ်သားများအတွက် သင်တန်းပံ့ပိုးသူလက်စွဲလမ်းညွှန်’ စာအုပ်မှ ကောက်နုတ်ဖော်ပြခြင်း ဖြစ်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 


Natural Cure Co.,Ltd ကြော်ငြာ

ကျေးဇူးရှင်တောင်သူဦးကြီးများအားလုံးမင်္ဂလာပါရှင့် ခုမိတ်ဆက်ပေးချင်တာကတော့ အန်စီကွန်ပေါင်းဓာတ်မြေဩဇာလေးတွေဖြစ်ပါတယ် တောင်သူကြီးများအနေဖြင့် သီးပင်စားပင်စိုက်ပြီဆိုတာနဲ့ မြေဩဇာကျွေးလေ့ရှိကြတယ်မဟုတ်လား မြေဩဇာဆိုတာနဲ့ (NPK)အချိုးအစုံရှိတဲ့ အန်စီဓာတ်မြေဩဇာလေးတွေကို သတိရလိုက်ပါရှင့် အောက်မှာ အချိုးတစ်ခုချင်းစီအလိုက် ပုံလေးတွေနဲ့ အတူတူ ဖော်ပြပေးလိုက်ပါတယ်ရှင့် အသေးစိတ်သိလိုပါက 09958457742 ကို ဆက်သွယ်မေးမြန်းနိုင်ပါတယ်
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်