ကမ္ဘာကြီးကိုခြောက်လှန့်လာတဲ့ ဖန်လုံအိမ်ဓာတ်ငွေ့များ

21/01/2021 12:45 PM တွင် စုမြတ်မြတ်မိုး စုမြတ်မြတ်မိုး မှ ရေးသား

    ဖန်လုံအိမ်ဓာတ်ငွေ့ဆိုသည်မှာ အနီအောက်ရောင်ခြည်ခေါ် အလွန်ပူပြင်းသည့်ရောင်ခြည်များကို စုပ်ယူထားပြီး ကမ္ဘာ့လေထုထဲသို့ အပူငွေ့များကို ပြန်လည်ထုတ်လွှတ်ပေးသော ဓာတ်ငွေ့များကို ဆိုလိုပါသည်။ ဖန်လုံအိမ်အာနိသင်ရှိသော အငွေ့များမှာ မီသိန်း(methane)၊ ကာဗွန်ဒိုင်အောက်ဆိုက် (Co2)၊ နိုက်ထရပ်အောက်ဆိုက် (N2O) နှင့် ကလိုရိုဖလူရိုကာဗွန် (CFCs) တို့ဖြစ်ပါသည်။

    မီသိန်းသည် များသောအားဖြင့် ရေဝပ်နေသောစိုက်ပျိုးမြေများ၊ လယ်ကွက်များ၊ ကျွဲ နွားများ အစာချေခြင်းဖြစ်စဥ်များအပါအဝင် အမှိုက်ပုံများ၊ ကျောက်မီးသွေးတွင်းများမှ ထွက်ရှိပါသည်။

    ကာဗွန်ဒိုင်အောက်ဆိုက်သည် အပင်များ၊ စက်ရုံများ၊ ကားများမှထွက်သော မီးခိုးများ၊ အမှိုက်ပုံများမီးရှို့ခြင်း၊ တောင်ယာမီးရှို့ခြင်း၊ သစ်တောများမီးလောင်ရာမှ ထွက်လာပါသည်။

    နိုက်ထရပ်အောက်ဆိုက်သည် စိုက်ခင်းများတွင် နိုက်ထရိုဂျင်မြေဩဇာအလွန်သုံးစွဲခြင်းနှင့် စက်ရုံအလုပ်ရုံများမှထွက်ရှိပါသည်။

    ကလိုရိုဖလူရိုကာဗွန်ဓာတ်ငွေ့မှာ လေအေးပေးစက် aircon များမှထွက်သော အငွေ့များဖြစ်ပါသည်။

    အဆိုပါဓာတ်ငွေ့များ ပမာဏများလာလျှင် ကမ္ဘာ့အပူချိန် မြင့်တက်လာရုံမျှမက ​အဆမတန်မြင့်လာသောအပူရှိန်ကြောင့် အပူလှိုင်းများဖြစ်ကာ လူသားတို့ ဦးနှောက်သွေးကြောပြတ်ခြင်း၊ အပူရှပ်ခြင်း၊ သက်ကြီးရွယ်အိုများ အပူဒဏ်ကြောင့်သေဆုံးခြင်း၊ အပူချိန်မြင့်၍ သီးနှံများစိုက်ပျိုး၍မရခြင်း၊ မျိုးညှောင့်မပေါက်ခြင်း၊ အသီးမတင်ခြင်း၊ မြေအောက်ရေများကျဆင်းလာကာ ရေရှားပါးလာခြင်း၊ မိုးခေါင်ခြင်း၊ အက်စစ်မိုးများရွာ၍ သီးနှံများပျက်စီးခြင်း၊ ကာဗွန်ဒိုင်အောက်ဆိုက်မြင့်မားလာမှုကြောင့် အသက်ရှူလမ်းကြောင်းဆိုင်ရာ ရောဂါများဖြစ်ခြင်း၊ ပင်လယ်မှ ကာဗွန်ဒိုင်အောက်ဆိုက်ကို စုပ်ယူမှုများလာသောအခါ ပင်လယ်ရေတွင် အယ်ကာလိုင်းဓာတ် (အငံဓာတ်) ပိုလာသဖြင့် ရေနေသက်ရှိများ (ငါးအပါအဝင် ရေညှိ​ရေမှော်များ) ပျက်စီးကာ မျိုးတုံးခြင်း၊ ​အပူချိန်မြင့် ၍ ရေခဲတောင်များ ရေခဲ​မြစ်များ အရည်ပျော်ကျခြင်းကြောင့် ပင်လယ်ရေမြင့်တက်လာကာ ရေကြီးရေလျှံခြင်း၊ ကမ်းရိုးတန်းဒေသများတွင် မှီတင်းနေသော လူသားတို့ အိုးအိမ်များဆုံးရှုံးရခြင်း၊ မြို့ရွာများပျောက်ကွယ်ခြင်း၊ ကလိုရိုဖလူရိုကာဗွန်ဓာတ်ငွေ့များသည် အိုဇုန်းလွှာကို ပျက်စီးစေကာ အိုဇုန်းလွှာပါးလာသောကြောင့် အရေပြားကင်ဆာများ၊ မျက်စိတိမ်စွဲခြင်းများ ဖြစ်လာခြင်းစသော ဆိုးကျိုးများစွာကို အကျိုးဆက်ဖြစ်စေပါသည်။

    အဆိုပါဓာတ်ငွေ့များကိုဖြစ်စေသော လုပ်ငန်းတွင် စိုက်ပျိူးရေးသည်လည်း ပါဝင်နေသောကြောင့် တောင်သူများအနေဖြင့်လည်း ရေအမြဲလွှမ်းနေသော လယ်ကွက်များတွင် ရေကို ရေသွင်းရေထုတ်စနစ်သုံးပေးခြင်း၊ နိုက်ထရိုဂျင်ကိုလျော့သုံးခြင်းနှင့် တတ်နိုင်သမျှ အမှိုက်သရိုက်မီးရှို့ခြင်းနှင့် တောင်ယာမီးရှို့ခြင်းကို ရှောင်ရှားပေးသင့်ပါသည်။ ကားများမှထွက်သော မီးခိုးငွေ့ကို လျှော့ချရန်အတွက်လည်း တတ်နိုင်သမျှ ကားစီးခြင်းလျှော့ချကာ စက်ဘီးစီးခြင်း၊ လမ်းလျှောက်နိုင်သောအကွာအဝေးကို လမ်းလျှောက်ခြင်း၊ aircon များကို မဖြစ်မနေသုံးသင့်မှသာ သုံးခြင်းတို့ ပြုလုပ်ရပါမည်။ တစ်ခါသုံးလူသုံးကုန်များအစား အခါခါသုံးနိုင်သောအရာများ သုံးခြင်း၊ မီးမရှို့ရဘဲ ဆွေးမြေ့သော လူသုံးကုန်များသုံးခြင်းကိုလည်း လုပ်ဆောင်ရပါမည်။

    လူသားအားလုံးတို့သည် မိမိ၏ပင်ကိုယ်အသိစိတ်ဖြင့် တတ်နိုင်သမျှဆင်ခြင်ကြပါလျှင် ဖန်လုံအိမ်ဓာတ်ငွေ့ထွက်ရှိမှုသည် ရာခိုင်နှုန်းအတော်တန်လျော့ကျမည်ဖြစ်ကာ အားလုံးသောသက်ရှိတို့သည် ကျန်းမာပျော်ရွှင်စွာဖြင့် သက်တမ်းစေ့ရှင်သန်နိုင်မည်မှာ မလွဲပင်ဖြစ်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်” ဟုထည့်ပေးပါရန် မေတ္တာရပ်ခံအပ်ပါသည်။


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်