ဆိတ်သားဖောက်ခြင်းနှင့် စပ်စာပြုလုပ်နည်းများ အပိုင်း (၁)

ဆိတ်သည် ယဉ်ပါးသောအိမ်မွေးတိရစ္ဆာန်ဖြစ်ပြီး ကြက်၊ ဘဲ၊ ငုံးတို့ကဲ့သို့ များစွာဂရုစိုက်စရာ မလိုပေ။ ကျွဲ၊ နွားများကဲ့သို့လည်း ခြံကိုနည်းစနစ်တကျ တည်ဆောက်ပေးဖို့ မလိုပေ။ ဆိတ်နေရန် တဲခပ်ကျယ်ကျယ်တည်ဆောက်ပေးရုံသာ ဖြစ်ပါသည်။

သို့သော် ဆိတ်သည် ခုန်လွှားသွားနိုင်သောသတ္တဝါဖြစ်သည့်အတွက် ခြံကိုလေဝင်လေထွက်ကောင်းပြီး ခပ်မြင့်မြင့် တည်ဆောက်ပေးဖို့လိုပါသည်။ ဆိတ်သည် အအေးကြောက်သောသတ္တဝါ ဖြစ်သည့်အတွက် ဆိတ်တဲဆောက်ရာတွင် မိုးမယိုစေရန်နှင့် ဆောင်းတွင်းအအေးဒဏ်ခံနိုင်စေရန် လုံလုံခြုခြုံတည်ဆောက်ပေးဖို့လည်း လိုသည်။ ခြောက်သွေ့ပြီး လေဝင်လေထွက်ကောင်းဖို့လည်း လိုပါသည်။

ဆိတ်မျိုးများနှင့် သားဖောက်ခြင်း

ဆိတ်မွေးမြူမည်ဆိုပါက မိမိမွေးမြူမည့်ဆိတ်မျိုးအား ရွေးချယ်ရပါမည်။ ထိုသို့ရွေးချယ်ရာတွင်-

(က) အကောင်ပေါက်နှုန်းကောင်းသောမျိုး၊
(ခ) အကောင်ထွားပြီး အသားထွက်နှုန်းကောင်းသောမျိုးနှင့်
(ဂ) ရာသီဥတုဒဏ်ကိုခံနိုင်ရည်ရှိသောမျိုးများကို ရွေးချယ်မွေးမြူသင့်ပါသည်။

အရည်အသွေးကောင်းသောဆိတ်မျိုးမှာ ဘင်္ဂလားဆိတ်မျိုးဖြစ်သည်။ ယင်းဆိတ်မျိုးသည် ရာသီဥတုဒဏ်ခံနိုင်ပြီး အသားထွက်လည်းကောင်းပါသည်။

နောက်ထပ်ဆိတ်မျိုးစိတ်ကောင်း(၂)မျိုးမှာ အိန္ဒိယနိုင်ငံရှိ နားရွက်ဖားရှည်ဆိတ်မျိုးနှင့် မြန်မာပြည်တွင်(ဂျန်မူရာပါရီ) ဆိတ်မျိုးပင် ဖြစ်သည်။

ဆိတ်ကိုသားဖောက်မည်ဆိုပါက ဆိတ်မအသက်သည် ၆ လမှ ၈ လအတွင်းအနည်းဆုံးရှိရမည်ဖြစ်ပြီး သားစပ်မည့်ဆိတ်မ၏ ကိုယ်အလေးချိန်မှာ ၄၀ မှ ၄၅ ကီလိုဂရမ် ရှိရပါမည်။ သားပေါက်ရာတွင်၂ ကောင်မှ ၃ ကောင်အထိ ပေါက်တတ်သည်။ တစ်ခါတလေ တစ်ကောင်တည်းလည်း ပေါက်တတ်ပါသည်။

အစာကျွေးခြင်း

ဆိတ်သည် အစုံစားသတ္တဝါဖြစ်သည်။ အသက်သေစေနိုင်သော အသီးအရွက်မှလွဲ၍ အခြားအသီးအရွက်အားလုံးကို စားသုံးလေ့ရှိပါသည်။ ထို့ကြောင့် လူတစ်ဦးအစားမျိုးစုံစားနေပါက ထိုသူ၏ပါးစပ်ကို ဆိတ်ပါးစပ်ဟု ခိုင်းနှိုင်းကျီစယ်ကြခြင်းဖြစ်သည်။

ထို့ပြင်ဆိတ်သည် အကြမ်းခံနိုင်သောသတ္တဝါမျိုးဖြစ်ပြီး ကူးစက်ရောဂါဖြစ်ပွားမှု နည်းပါးပါသည်။အစုံစားသတ္တဝါဖြစ်သောကြောင့် အစာကိုလည်း ရွေး၍ကျွေးစရာမလိုပေ။

ဆိတ်သည် မြေပြင်ပေါ်တွင်ပေါက်လေ့ရှိသော မြက်ပင်အပါအဝင် သစ်ပင်အခေါက်အရွက်အားလုံးကို စားကြသည်။

သို့သော်လည်း စီးပွားဖြစ်မွေးမြူသူများကတော့ မြက်ပင်အပါအဝင် သဘာဝအပင်များ၊ စပ်စာများကိုလည်း ကျွေးကြပါသည်။

အစာကျွေးရာတွင် သားပေါက်ပြီးသားဆိတ်မဆိုလျှင် ဖြည့်စွက်စာကျွေးပါက နို့ထွက်ပိုကောင်းသည်။

ဆိတ်စာကျွေးတော့မည်ဆိုပါက ယခင်အစာခွက်ဟောင်းအတွင်းမှ အစာဟောင်းများကို သေချာရှင်းလင်းပြီးမှ ကျွေးသင့်ပါသည်။

ဆိတ်များကျန်းမာပြီး အသားထွက်ကောင်းစေရန် အစာနှင့်ရေကို အချိန်မှန်မှန်နှင့် ဝဝလင်လင်ကျွေးပေးရပါမည်။ ထို့ပြင် စပ်စာများကိုလည်း ကျွေးသင့်ပါသည်။ ဆီးသီးပေါသောဒေသများနှင့် ကုက္ကိုသီးပေါသောဒေသများတွင် ဆီးသီးနှင့် ကုက္ကိုသီးကို ဖြည့်စွက်စာအဖြစ် ကျွေးသင့်ပါသည်။

ဖြည့်စွက်စာကို ဆိတ်တစ်ကောင်လျှင် တစ်နေ့ ၁၅ ကျပ်သားခန့် ကျွေးပေးသင့်သည်။ဆိတ်များ သည် သစ်သီးသစ်ရွက်သစ်ခက်များအပြင် အစာစုံစားကြသဖြင့် အစာကြေလွယ်ကူစေရန် ဆိတ်တစ်ကောင်လျှင် ဆားငါးမူးသားမှ တစ်ကျပ်သားကို လျှာဖြင့်လျက်နိုင်စေရန်ဆန်ကော(သို့မဟုတ်) ဗန်းများဖြင့် ဆိတ်ခြံအတွင်း ထည့်ပေးထားရပါမည်။

(အပိုင်း - ၂ တွင် စပ်စာပြုလုပ်နည်းများ၊ ခြံတည်ဆောက်နည်းများကို ဆက်လက်ဖော်ပြပေးပါမည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ