အစားအသောက်များ တာရှည်ခံမည့်နည်းလမ်းများတီထွင်ခဲ့သူ (သို့) ပန်နင်တန်

စိုက်ပျိုးမွေးမြူရေးနှင့်ကမ္ဘာကြီးကို ပြောင်းလဲခဲ့သောအမျိုးသမီးများ(၂)

ကျွန်တော်တို့ အခုအချိန်မှာ အစားအသောက်တွေ ရက်ပေါင်းများစွာကြာအောင် အထားခံ စားသုံးနိုင်နေတာ၊ နိုင်ငံခြားကအစားအသောက်တွေ၊ အသားငါးတွေကို အလွယ်တကူ မှာယူစားသုံးနိုင်တာတွေရဲ့ ကျေးဇူးရှင်က ဘယ်သူလဲဆိုရင် သိကြမလား?

သူကတော အမျိုးသမီးတစ်ဦးပါ။ တိတိကျကျပြောရရင် အမေရိကန်အမျိုးသမီးတစ်ဦးပါ။ သူ့ရဲ့တီထွင်ဆန်းသစ်နိုင်ခဲ့မှုတွေက အစားအသောက်ကဏ္ဍကြီးကို တစ်ဆစ်ချိုးပြောင်းလဲနိုင်ခဲ့တယ်အထိ ဖြစ်စေခဲ့တယ်လို့ ရည်ညွှန်းမယ်ဆိုရင်တောင် မလွန်ပါဘူး။

ဒီတော့ သူမဟာ ဘယ်လိုတွေကြိုးစားပြီး ဘာတွေတီထွင်ဖန်တီးနိုင်ခဲ့တာလဲ လေ့လာကြည့်ရအောင်...။

အသက် ၈ နှစ်အရွယ်မှာ ဆေးပညာဓာတုဗေဒစာအုပ်တစ်အုပ်ကိုဖတ်မိလိုက်ခြင်းက မေရီအန်ဂဲလ်ပန်နင်တန် ဆိုတဲ့ အမျိုးသမီးလေးတစ်ဦးကို သိပ္ပံပညာက ညှို့ယူဖမ်းစားသွားစေခဲ့တာပါ။ ဒါကပဲ သူမကို ပန်ဆယ်ဗေးနီးယား သိပ္ပံတက္ကသိုလ်မှာ ဓာတုဗေဒနဲ့ ဇီဝဗေဒတွေကို သင်ယူစေဖို့ တွန်းပို့ပေးလိုက်တာပါပဲ။

ဒီလိုဆိုပေမဲ့ ပန်နင်တန်တစ်ယောက် အစပိုင်းမှာတော့ ကျွမ်းကျင်မှုအသိအမှတ်ပြုလက်မှတ်လေးပဲရလိုက်ပါတယ်။ ဘာလို့လဲဆိုတော့ အဲ့ဒီအချိန်တုန်းက တက္ကသိုလ်တွေက အမျိုးသမီးကျောင်းသူတွေဆိုရင် ဘွဲ့ဒီဂရီတွေ မပေးကြလို့ပါပဲ။

ဒီလိုအတားအဆီးက ပန်နင်တန်ကို ရပ်တန့်သွားအောင်တော့ မစွမ်းသာခဲ့ဘဲ သူမ အသက် ၂၂ နှစ်အရွယ်မှာတော့ အဲ့ဒီကျောင်းကနေပဲ Ph.D ဒေါက်တာဘွဲ့ကို ရရှိအောင် စွမ်းဆောင်နိုင်ခဲ့ပါတယ်။

ဒါပေမဲ့ အလုပ်ရှာတဲ့အချိန်မှာကျ ပန်နင်တန်တစ်ယောက် အခက်အခဲတွေ ဖြစ်ရပြန်ကော။ ဒါကြောင့် သူမဟာ ပန်ဆယ်ဗေးနီးယားဆေးပညာဓာတ်ခွဲခန်းဆိုတဲ့ ဓာတ်ခွဲခန်းတစ်ခုကို ကိုယ်ပိုင်တည်ထောင်လိုက်ပြီး ဘက်တီးရီးယားဆိုင်ရာ ဓာတ်ခွဲစမ်းသပ်မှုတွေ ပြုလုပ်ပါတော့တယ်။ ၁၉၀၅ ခုနှစ်မှာတော့ သူမဟာ အမေရိကန်စိုက်ပျိုးရေးဓာတုဗေဒ ဗျူရိုဌာန (လက်ရှိတွင် အစားအသောက်နှင့်ဆေးဝါးကွပ်ကဲမှုဌာနဟု သိကြသည့်ဌာန) မှာ အလုပ်ရခဲ့ပြီး တောင်သူတွေအနေနဲ့ နို့အစိမ်း(မကျိုချက်ရသေးတဲ့) တွေ ကိုင်တွယ်အသုံးချခြင်းနဲ့ပတ်သက်ပြီး ပညာပေးမှုတွေမှာ တိုးတက်အောင် လုပ်ဆောင်နိုင်ခဲ့ပါတယ်။

ဒီလိုမျိုး သူမတူအောင်စွမ်းဆောင်နိုင်မှုတွေက တစ်နှစ်အကြာမှာပဲ သူမကို အဲ့ဒီဌာနရဲ့အစားအသောက် သုတေသနဆိုင်ရာဓာတ်ခွဲခန်းမှူး ဖြစ်လာစေပါတော့တယ်။

ပန်နင်တန်ရဲ့လမ်းညွှန်ဦးဆောင်မှုတွေအောက်မှာ သူမရဲ့ ဓာတ်ခွဲခန်းဟာ ကြက်သားတွေကိုအန္တရာယ်ကင်းဘေးရှင်းစွာသိမ်းဆည်းသိုလှောင်နိုင်ရေး၊ လတ်ဆတ် တဲ့အစားအသောက်တွေ မပုပ်မသိုးစေရေးနဲ့ နို့တွေ ဘက်တီးရီးယားတွေကြောင့် ပျက်စီးမသွားဖို့အရေး စတာ တွေကို ကိုယ်တွယ်ထိန်းချုပ်နိုင်မဲ့ နည်းလမ်းသစ်တွေ ဖော်ထုတ်ချမှတ်ပေးနိုင်ခဲ့ပါတယ်။ ဒါ့အပြင် ဒါတွေကို အစားအသောက်တွေ ကိုင်တွယ်အသုံးချရေးနယ်ပယ်ကြီးနဲ့ ကိုက်ညီအသုံးချနိုင်အောင်လည်း လုပ်ဆောင်ပေးနိုင်ခဲ့ပါတယ်။

၁၉၁၉ ခုနှစ်မှာတော့ အအေးခန်းဆိုင်ရာနဲ့ပတ်သက်လို့ ဖွံ့ဖြိုးတိုးတက်အောင် လုပ်ချင်တဲ့ဆန္ဒတွေကြောင့် ပြည်သူ့ဝန်ထမ်းဘဝကနေ ထွက်ခွာဖို့ သူမဆုံးဖြတ်ခဲ့ပါတယ်။ ဒီ့နောက် နှစ်နှစ်အကြာမှာတော့ ပန်နင်တန်ဟာ ကိုယ်ပိုင်အကြံပေးလုပ်ငန်းအဖွဲ့တစ်ခုတည်ထောင်ပြီး မပျက်စီးမပုပ်သိုးနိုင်အောင်ထိန်းထားနိုင်တဲ့ စတိုခန်းတွေ ဖန်တီးရေး၊ ပျက်စီးပုပ်သိုးလွယ်တဲ့အစားအသောက်တွေကို သင်္ဘောနဲ့တင်ပို့နိုင်ရေး စတာတွေကို လုပ်ဆောင်နိုင်မဲ့ အမျိုးသားအဆင့်စံနှုန်းသတ်မှတ်ချက်တွေကို တီထွင်ဖော်ထုတ်ခဲ့ပါတော့တယ်။

ဒါ့အပြင် သူမဟာ စက်မှုနိုင်ငံတွေဆီခရီးထွက်ခဲ့ပြီး အအေးခန်းကားတွေ၊ အအေးခန်းအဆောက်အဦတွေနဲ့ ရေခဲသေတ္တာအကာတွေအတွက် စံနှုန်းသတ်မှတ်ချက်တွေကိုပါ ထုတ်ဖော်ဖန်တီးခဲ့ပါတယ်။

အစားအသောက်တွေ တာရှည်ခံအောင်ထိန်းသိမ်းခြင်းနဲ့ အေးခဲခြင်းလုပ်ငန်းတွေမှာ ကျွမ်းကျင်ပညာရှင်တစ်ဦးအဖြစ် ချီးကျူး ဂုဏ်ပြုမှုတွေရလာတဲ့ ပန်နင်တန်ဟာ သူမရဲ့တီထွင်မှုတွေဖြစ်တဲ့ အသားတိုးကြက်အအေးခံစင်၊ စားသောက်ကုန်တွေပိုးသတ်ခြင်းနည်းလမ်းနဲ့ ဥတွေကို တာရှည်ခံစားသုံးနိုင်အောင် ဆေးစီရင်တဲ့နည်းလမ်းတွေကို မူပိုင်ခွင့် မှတ်ပုံတင်ခဲ့ပါတယ်။ ဥတွေကို ဆေးစီရင်တဲ့နည်းလမ်းကတော့ သူမရဲ့အကောင်းတကာ့အကောင်းဆုံး တီထွင်နိုင်မှုဖြစ်ပြီး နိုင်ငံရဲ့ ‘ထင်ပေါ်ကျော်ကြားတီထွင်ပညာရှင်များခန်းမ’မှာ ထည့်သွင်းဂုဏ်ပြုခံရတဲ့အထိ ဖြစ်သွားစေတာပါ။

ပန်နင်တန်ရဲ့တီထွင်မှုတွေဟာ အစားအသောက်ထောက်ပံ့ရေးနဲ့ ဖြန့်ဝေရေးစနစ်ကြီးအတွက် တော်လှန်ပြောင်းလဲမှုကြီးဖြစ်စေခဲ့ပြီး ဒီအတွက်လည်း သူမဟာ အသိအမှတ်ပြုဆုပေါင်းများစွာ ရရှိခဲ့ပါတယ်။ ဒါပေမဲ့ သူမရဲ့တီထွင်ဖန်တီးနိုင်ခဲ့မှုတွေနဲ့ယှဉ်မယ်ဆိုရင်တော့ ဂုဏ်ပြုခံရမှုတွေက လုံတောင်မလုံလောက်ခဲ့ဘူးလို့ ဆိုနိုင်ပါတယ်။

ဒီနောက်မှာတော့ ပန်နင်တန်ဟာ သူမရဲ့ နောက်ဆုံးနေ့အထိတိုင်အောင် အမေရိကန်အအေးခန်းဆိုင်ရာသိပ္ပံအဖွဲ့ ရဲ့ အကြံပေးနဲ့ ဒုဥက္ကဋ္ဌအဖြစ် တာဝန်ထမ်းဆောင်သွားခဲ့ပါတယ်။

ဒီတော့ ဆောင်းပါးအဖွင့်မှာပြောခဲ့သလို ကျွန်တော်တို့ အခုအချိန်မှာ အစားအသောက်တွေ ရက်ပေါင်းများစွာကြာအောင် အထားခံစားသုံးနိုင်နေတာ၊ နိုင်ငံခြားကအစားအသောက်တွေ၊ အသားငါးတွေကို မှာယူစားသုံးနိုင်တာတွေရဲ့ ကျေးဇူးရှင်က ဘယ်သူလဲဆိုရင်တော့ မေရီအန်ဂဲလ်ပန်နင်တန်ဆိုတဲ့ ဒီအမျိုးသမီးကြီးကို ညွှန်ပြပြောဆိုဖို့ကလွဲပြီး တခြားမရှိနိုင်တော့ပါဘူး။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...