စစ်တွေဝန်းကျင်မုန်တိုင်းဖြတ်မှု မပြီးဆုံးသေး... အန္တရာယ်အရှိဆုံးအချိန် ကျန်နေသေး..(ဦးဝင်းနိုင်နှင့် ညနေ ၄ နာရီမေးမြန်းချက်)

“ အခုက မုန်တိုင်းဗဟိုကတော့ အတွင်းထဲကို ရောက်သွားပြီ။ ၂ နာရီ ၃ နာရီလောက်က စဝင်သွားတာ။ အခုကတော့ ရန်ကုန်ကောပေါ့နော်။ မုန်တိုင်းရဲ့အမြီးစရိုက်နေပြီ။ ကျွန်တော်ပြောဖူးတယ်။ မုန်တိုင်းရဲ့ အမြီးဟာ မိကျောင်းအမြီးလိုပဲ တအားအားပြင်းတာ။ အဲ့တော့ ဒီမုန်တိုင်းအမြီးမှာက မတူတာက မုန်တိုင်းရဲ့ရှေ့ပိုင်းမှာက မြစ်ဝကျွန်းပေါ်နဲ့ပါဆက်နေတဲ့ ရခိုင်ရိုးမကြီးကိုဖြတ်ရတယ်။ ရှေ့ပိုင်းစဝင်တဲ့ အချိန်မှာ။ အရှေ့တောင်ဘက်ကနေ ညာရစ်လည်ပြီးလာတာ။ ဒါကြောင့် အခု မုန်တိုင်းအရှေ့ပိုင်းတိုက် တဲ့ဟာက ၁၀ နာရီလောက်ထိက အေးဆေးဖြစ်နေတာ။ လေပြင်းတာတောင်မှ ဒီလောက်မပြင်းတာ။ အဲ့ဒီကနေ ၁၂ လောက်မှ စကြမ်းလာပြီး အခုတော့ ပင်လယ်ရေတွေ ဝင်ကုန်ပြီပြောတယ်။ ဒါက ရှေ့ပိုင်းပဲရှိသေးတယ်”

“ အဲ့တော့ မုန်တိုင်းရဲ့အလယ်ဗဟို အတွင်းထဲကို ဝင်သွားပြီဆိုတာနဲ့ စစ်တွေမြို့ကိုတိုက်မယ့်လေစီး ကြောင်းက ပင်လယ်ကနေဖြတ်ပြီး အနောက်မြောက်ဘက်ကနေလာတာ။ အကာအကွယ်၊ အတား အဆီးအခုအခံလုံးဝမရှိတော့ဘူး။ တကယ့်အားပြည့်အင်ပြည့်နဲ့ဝင်လာမယ်။ အဲ့ဒီမှာမှ နောက်ဆုံးရ ထားတဲ့ခန့်မှန်းချက် မုန်တိုင်းဒီလှိုင်း ၁၀ ပေကျော်ကျော်ဆိုတာ အပြည့်တိုက်လိမ့်မယ်။ ဒါဟာ မုန်တိုင်းအမြီးပိုင်း”

“ အဲ့တော့ မုန်တိုင်းရဲ့အမြီးပိုင်းက အားလည်းပိုပြင်းတယ်။ အခု ကျွန်တော်ခန့်မှန်းတာက မိုင် ၁၀၀ လောက်ထိကို တိုက်နိုင်တယ်။ မုန်တိုင်းဒီလှိုင်းအမြင့်က ၁၀ ပေကျော်ကျော်ထိ ရှိနိုင်တယ်။ ဒီအခြေ အနေက ည သန်းခေါင်လောက်ထိသွားနိုင်တယ်ဆိုတော့ တကယ့်ကြောက်စရာအကေောင်းဆုံး အချိန်ပဲ။ နာဂစ်တုန်းကလည်း ဒီတိုင်းပဲ။ အရှေ့ကနေဖြတ်သွားတဲ့လေတုန်းက အေးဆေးပဲ။ နောက်က နေဖြတ်သွားတဲ့ဟာကျမှ အပျက်အစီးများကုန်တာ။ မှောင်ကလည်းမှောင်သွားတာကိုး”

"ဆိုတော့ အခုက မပြီးသေးဘူး။ အပြင်းဆုံးက ခုမှလာမှာ"

ဘယ်လမ်းကြောင်းနဲ့ ဆက်ရွေ့သွားမလဲ...

" ည ၁၁ နာရီကျော်လောက်ဆိုရင်တော့ ဒါကပြီးမယ်လို့ ခန့်မှန်းတယ်။ ည ၁ နာရီလောက်ဆိုရင် ဟားခါး ဘက်ကိုရောက်သွားမှာ။ အဲ့ဒီမှာလည်း ရခိုင်ရိုးမတစ်လျှောက်လုံးနဲ့ ချင်းတောင်တန်းကြီးတစ်ခုလုံးက ၂၄ နာရီအတွင်း မိုးရေချိန် ၁၀ လက်မလောက်ထိဖြစ်နေတယ်။ ကလေးတို့ဘာတို့ ချင်းတွင်းမြစ်ကြားထိပဲ။ လေတိုက်နှုန်းကလည်း ချင်းတောင်တန်းဘက်ဆီထိ လေတိုက်နှုန်းက ၁၀၀ လောက်ထိ ရှိနေဦးမှာ။ ဆိုတော့ မိုးဒဏ်ကော လေဒဏ်ကော ခံရနိုင်တယ်။ လမ်းပန်းဆက်သွယ်ရေး ပျက်စီးတာ၊ မြေပြိုတာ၊ တောင်ပြိုတာတွေဖြစ်နိုင်တယ်။ အဲ့ဒါလေးကိုလည်း သတိပေးပေးပါဗျာ။ ဒီမုန်တိုင်းက ဝင်သွားလို့ရှိရင် ပဲခူးတိုင်းအနောက်ခြမ်း၊ ဧရာဝတီတိုင်းအနောက်ခြမ်း၊ စစ်ကိုင်းတိုင်း၊ မကွေးတိုင်း၊ ကချင်ပြည်နယ်တွေထိဖြတ်သွားမှာ။ ပဲခူးတိုင်းအနောက်ခြမ်း ပြည်နဲ့ အောက်ဘက် ဧရာဝတီခြမ်းကတော့ ဒီလောက်မဆိုးဘူး။ ဟိုးအပေါ်တွေမှာကတော့ မိုးကောလေကော ထိနိုင်တယ်"

Photos Crd_ U Win Naing

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။