မြန်မာနိုင်ငံကိုဖြတ်မယ့် လေပွေလှိုင်းများရဲ့ နောက်ဆုံးအခြေအနေ

30/09/2022 16:01 PM တွင် အစိမ်းရောင်လမ်း အစိမ်းရောင်လမ်း မှ ရေးသား

အင်အားပြင်း နိုရူးမုန်တိုင်းရဲ့အကြွင်းအကျန်တွေကနေဖြစ်လာတဲ့ လေပွေလှိုင်းအရှိန်တွေက မြန်မာနိုင်ငံကို ရောက်ရှိနေပြီဖြစ်ပြီး အဲ့ဒါတွေက ဘင်္ဂလားပင်လယ်အော်မှာဖြစ်နေတဲ့ လေဖိအားနည်းရပ်ဝန်းနဲ့ ပေါင်းသွားမှာဖြစ်တယ်လို့ နိုင်ငံတကာမိုးလေဝသ ထုတ်ပြန်ချက်တွေကို ကိုးကားခန့်မှန်းသူ ဦးဝင်းနိုင်က ကြိုတင်ခန့်မှန်းပါတယ်။ 

ဒီအခြေအနေနဲ့ပတ်သက်လို့ လေပွေလှိုင်းတွေရဲ့နောက်ဆုံးအခြေအနေ၊ ဘင်္ဂလားပင်လယ်အော်ထဲက လေဖိအားနည်းရပ်ဝန်းအခြေအနေတွေနဲ့ လာမယ့် ၂၄ နာရီကနေ ၃ ရက်အတွင်း မိုးများနိုင်တဲ့ဒေသတွေအပေါ် ဦးဝင်းနိုင်ထံ Green Way က ဆက်သွယ်မေးမြန်းထားတာကို ဖော်ပြ ပေးလိုက်ပါတယ်။

လေပွေလှိုင်းတွေ အခုဘာဖြစ်သွားပြီလဲ

" လေပွေလှိုင်းက အခု အရင်လို ကျဉ်းကျဉ်းလေးမဟုတ်တော့ဘဲနဲ့ ကျယ်ထွက်သွားတယ်။ ဘယ်လောက်အထိတောင်ဖြစ်သွားလဲဆိုတော့ အခု ဒီနေ့မှာဆိုရင် ချင်းမိုင်နဲ့ ဇင်းမယ်နဲ့ မဲဆောက် ကြားထဲ ကရင်ပြည်နယ် နယ်စပ်မှာ ကပ်ပြီးတော့ ရှိနေတယ်။ ပြီးတော့မှ ဒီနေ့ည ရောက်သွားတဲ့အခါ ကျတော့ ဒီလေပွေလှိုင်းကြီးက ကျယ်သွားတဲ့ဟာက ထိုင်းနိုင်ငံဘက်အခြမ်းမှာကော၊ မြန်မာနိုင်ငံဘက် ခြမ်းက တောင်ငူ၊ ဟင်္သာတ အဲ့ဒီဘက်တွေအထိမှာပါ လေပွေလှိုင်း အကျယ်ကြီး ဖြစ်သွားတာပေါ့။ ပြောမယ်ဆိုရင် လေတိုက်တဲ့ဦးတည်ချက်တွေ အမျိုးမျိုးပြောင်းပြီးတော့ နယ်စပ်ကို ကျော်ပြီးသွားတာနဲ့ အကုန်လုံး မြန်မာနိုင်ငံရဲ့ နေပြည်တော်ကနေ ရန်ကုန်ကြားထဲမှာ လေပွေလှိုင်းက အကျယ်ကြီးဖြစ်သွားမယ်။ ပြီးရင် ကျွန်တော်တို့ ပထမ ခန့်မှန်းထားတဲ့လမ်းကြောင်းအတိုင်းပဲ မကွေးဘက်ကို ဆက်ရွေ့တယ်။ ပြီးတော့ အောက်တိုဘာ ၁ ရက်နေ့ မနက် ၅ နာရီလောက်မှာ သူက ပြည်နဲ့ ကျောက်ဖြူနဲ့ ကြားထဲထိ ရောက်သွားပြီးတော့ ဘင်္ဂလားပင်လယ်အော် အနောက် အလယ်ပိုင်းက လေဖိအားနည်းရပ်ဝန်းနဲ့ ပေါင်းသွားမှာပေါ့" 

နှစ်ခုပေါင်းသွားပြီးရင် ဘာတွေဖြစ်သွားမှာလဲ

" လေပွေလှိုင်းတွေက အထက်ကို သိပ်မတက်ဘဲ ဂွလောက်ကနေဖြတ်ပြီးတော့ အခုဘာဖြစ်သွားလဲ ဆိုတော့ ဘင်္ဂလားပင်လယ်အော် အနောက်အလယ်ပိုင်းမှာဖြစ်နေတဲ့ အထက်လေဝဲစီးကြောင်း ပေါ့နော်။ သူက ပင်လယ်မှာဖြစ်နေတဲ့ လေပွေလှိုင်း အကြီးကြီးပေါ့။ အဲ့ဒါကြီးနဲ့ ပေါင်းသွားမှာ" 

" ဆိုတော့ ဘာဖြစ်သွားလဲဆိုတော့ ဘင်္ဂလားပင်လယ်အော်မှာဖြစ်နေတဲ့ အထက်လေဝဲစီးကြောင်းက အောက်တိုဘာ ၄ ရက်နေ့ကျရင် လေဖိအားနည်းရပ်ဝန်း မုန်တိုင်းငယ်အဆင့်ကို ရောက်လာမယ်။ သူ့ကို အားဖြည့်ပေးလိုက်တာက နိုရူးရဲ့အကြွင်းအကျန်တိမ်တိုက်တွေပေါ့။ ဒီတော့ ဘင်္ဂလားပင် လယ်အော်တစ်ခုလုံး၊ ကပ္ပလီပင်လယ်ပြင်ကြီးတစ်ခုလုံးမှာ တိမ်တိုက်တွေက လည်ပြီးတော့ တဖြည်းဖြည်းနဲ့ ထုထည်ကော၊ လေစီးကြောင်းအားကော နှစ်ခုလုံးအားကောင်းလာမှာ" 

"အဲ့ဒီအားကောင်းလာတဲ့အခြေအနေအရ ကျွန်တော်အခုခန့်မှန်းတာက အောက်တိုဘာ ၄ ရက်နေ့ ကျရင်တော့ လေဖိအားနည်းရပ်ဝန်း သို့မဟုတ် မုန်တိုင်းငယ်အဆင့်ကို ရောက်လာနိုင်တယ်" 

မုန်တိုင်းငယ်အဆင့်ရောက်သွားရင် ဘာတွေဖြစ်လာနိုင်လဲ 

" ဆိုတော့ လေတိုက်နှုန်းတွေဆိုရင်လည်း ကရင်ပြည်နယ်၊ မွန်ပြည်နယ်၊ ပဲခူးတိုင်း၊ ရန်ကုန်တိုင်း ၊ ဧရာဝတီတိုင်း၊ ရခိုင်ပြည်နယ် ဟိုး စစ်တွေအထိပေါ့နော်။ တစ်နာရီကို ၁၂ မိုင်ကနေ ၂၅ မိုင်လောက် အထိကို လေတိုက်နှုန်းတွေ တက်လာမှာပေါ့။ ဘင်္ဂလားပင်လယ်အော် အနောက်အလယ်ပိုင်းမှာ လေဖိအားနည်းရပ်ဝန်းတစ်ခုခုဖြစ်တယ်ဆိုရင် ညာဘက်ခြမ်းမှာရှိတဲ့ကျွန်တော်တို့ နိုင်ငံရဲ့ ခုနပြောလိုက်တဲ့ ဒေသတွေမှာ လေတိုက်တဲ့အရပ်က အရှေ့တောင်ဘက်ကနေ တိုက်တယ်။ ပုံမှန် ဆိုရင်တော့ မုတ်သုံလေအားကောင်းတယ်ဆိုရင် အနောက်တောင်ဘက်ကနေ လေပြင်းပြင်း တိုက်တာ ပေါ့။ အခုလိုမျိုး လေဖိအားနည်းရပ်ဝန်း၊ မုန်တိုင်း တစ်ခုခု အနောက်အလယ်ပိုင်းမှာဖြစ်တယ်ဆိုရင် လက်ဝဲရစ်လည်နေတဲ့ လေဝဲစီးကြောင်းကြီးက တနင်္သာရီတိုင်းမှာဆိုရင် သူက တောင်ဘက်ကနေ ထောင်ပြီးတော့တိုက်တယ်။ ပြီးတော့မှ သူက ဘယ်ဘက်ကို ချိုးသွားပြီးတော့ ခုနကပြောတဲ့ ဧရာဝတီ၊ ရခိုင်၊ ပဲခူး အဲ့လိုဒေသတွေကျရင် အရှေ့တောင်ဘက်ကနေပြီးတော့ လေတိုက် Direction ပြောင်းသွားတာပေါ့" 

လက်ရှိမိုးလေဝသအနေအထားတွေအရ လာမယ့် ၂၄ နာရီအတွင်းနဲ့ ၃ ရက်အတွင်း မိုးများနိုင်မယ့် ဒေသတွေကိုတော့ ပုံတွေထဲမှာ ကြည့်ရှုနိုင်ပါတယ်။

( ဆရာဦးဝင်းနိုင်အနေဖြင့် Windy App ရှိ ကမ္ဘာလုံးဆိုင်ရာမိုးလေဝသ Model များဖြစ်သည့် ECMWF Model နှင့် GFS Model ခန့်မှန်းချက်များကို အသုံးပြု၍ ကြိုတင်ခန့်မှန်းခြင်း ဖြစ်ပါသည်)

Photos Crd_ U Win Naing

 (မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်