ကိုယ်ဝန်ဆောင်နှင့်နို့တိုက်မိခင်များ စားပေးသင့်သည့် ကြယ်လေးပွင့်အစားအစာများ (၂)

03/10/2022 10:55 AM တွင် အစိမ်းရောင်လမ်း အစိမ်းရောင်လမ်း မှ ရေးသား

ကိုယ်ဝန်ဆောင်နှင့် နို့တိုက်မိခင်များသည် အစာအုပ်စု စုံလင်စွာစားသုံးရန် အရေးကြီးသည်သာမက စား သုံးသည့် အစားအစာအရည်အသွေးနှင့် အမျိုးအမည်သည်လည်း အရေးကြီးပေသည်။ 

ကိုယ်ဝန်ဆောင်အမျိုးသမီးများ၊ နို့တိုက်မိခင်များနှင့် အသက် (၆) လနှင့်အထက်ကလေးများ အနေဖြင့် စားသည့်အစာနပ်တိုင်းတွင် အာဟာရပြည့်ဝပြီး ညီညွတ်မျှတသော အစားအစာတစ်ခုဖြစ်စေရန် အရေးကြီးသည်။

ယင်းအတွက် စားပေးသင့်သည်များထဲမှ ကြယ်တစ်ပွင့်နှင့် ကြယ်နှစ်ပွင့် အစားအစာများကို အပိုင်း (၁) တွင် ဖော်ပြပေးခဲ့ပြီးဖြစ်ပါသည်။

အောက်ပါလင့်တွင် ဖတ်ရှုနိုင်ပါသည်။ 

https://greenwaymyanmar.com/posts/food_for_pregnant_women_and_mother

ယခု အပိုင်း (၂) တွင် ကြယ်သုံးပွင့်အစားအစာများနှင့် ကြယ်လေးပွင့်အစားအစာများအကြောင်းကို ဆက်လက်ဖော်ပြပေးသွားပါမည်။

ကြယ်သုံးပွင့် *** (တတိယကြယ်ပွင့်)

အပင်မှရသော အသားဓာတ်ပါဝင်သောအစားအစာ (ကိုယ်ခန္ဓာကြီးထွားစေသည့်အစားအစာများ) 

ပဲစေ့၊ ပဲနီလေး၊ ပဲပိစပ်(တို့ဟူး) စသည့် ပဲစေ့များ၊ ကုလားပဲ၊ မြေပဲ၊ နှမ်းနှင့် နေကြာစေ့ စသည့် အစေ့အဆန်များ။

ပဲများသည် ကိုယ်ဝန်ဆောင်ကာလတွင် ခန္ဓာကိုယ်မှ ပိုမိုလိုအပ်သော အပင်အခြေခံ အမျှင်ဓာတ်၊ အသား၊ သံဓာတ်၊ ကယ်လ်စီယမ်၊ မဂ္ဂနီစီယမ်၊ ပိုတက်စီယမ်နှင့် ဖော့လိတ်ဓာတ်များ အားလုံး၏ ရင်းမြစ်ကောင်းများဖြစ်သည်။

ဖော့လိတ်ဓာတ် (B9) သည် ဗီတာမင်ဘီအုပ်စုများထဲမှ တစ်ခုဖြစ်သည်။ ထိုဖော့လိတ်ဓာတ်သည် ကိုယ်ဝန်ပထမသုံးလတာကာလအတွင်း မိခင်နှင့် သန္ဓေသား၏ ကျန်းမာရေးအတွက် အလွန်အရေးကြီးသည်။ အထူးသဖြင့် ကိုယ်ဝန်ပထမသုံးလတာကာလအတွင်း ဖော့လိတ်ဓာတ်ချို့တဲ့လျှင် သန္ဓေသား၏ ဦးခေါင်းခွံနှင့် ဦးနှောက်တို့မှာ ပုံသဏ္ဍာန်မမှန်သော ဖွံ့ဖြိုးမှုကို ဖြစ်စေခြင်းနှင့် ပေါင်မပြည့်သည့်ကလေးမွေးဖွားခြင်းအန္တရာယ်ပိုမိုတိုးလာစေခြင်း စသည်တို့နှင့် ဆက်နွှယ်နေသည်။ 

(ကုလားပဲလက်တစ်ဆုပ်စာသည် နေ့စဉ်လိုအပ်သော ဖော့လိတ်ပမာဏ၏ ၆၅-၉၀ ရာခိုင်နှုန်းကို ပေးနိုင်သည်)

ကြယ်လေးပွင့်**** (စတုတ္ထကြယ်ပွင့်)

သစ်သီးများနှင့် ဟင်းသီးဟင်းရွက်များ (ရောဂါကာကွယ်စေသည့် အစားအစာများ)

သရက်သီး၊ သင်္ဘောသီး၊ ပင်မှည့်သီး၊ ထောပတ်သီး၊ မုန်လာဥနီ၊ ရွှေဖရုံသီး၊ ခရမ်းချဉ်သီး၊ ဂေါ်ဖီထုပ်၊ ဟင်းနုနွယ်၊ ချဉ်ပေါင်ရွက်၊ ကိုက်လန်၊ သခွားသီးနှင့် အခြားသစ်သီးများနှင့် ဟင်းသီးဟင်းရွက်များစွာ။ 

သစ်သီးများနှင့် ဟင်းသီးဟင်းရွက်များသည် အရောင်အသွေးစုံလင်သည်။ ကလေးငယ်၏ ပထမရက် ၁၀၀၀ အတွင်းတွင် အဝါရောင်၊ လိမ္မော်ရောင်နှင့် အစိမ်းရင့်ရောင်ရှိသည့် သစ်သီးများနှင့် ဟင်းသီးဟင်းရွက်များကို စားသုံးရန် အထူးအရေးကြီးသည်။

ထိုအသီးအရွက်များတွင် မိခင်နှင့်ရင်သွေးတို့၏ ကျန်းမာသောအသားအရေ၊ အမြှေးပါးများ၊ ကိုယ်ခံစွမ်းအားစနစ်၊ မျက်လုံးကျန်းမာရေးနှင့် အမြင်အာရုံကောင်းမွန်မှုတို့အတွက် မရှိမဖြစ် လိုအပ်သော ဗီတာမင်အေ တို့ ကြွယ်ဝစွာပါဝင်သည်။ ဘီတာကယ်ရိုတင်းသည် လိမ္မော်နီရောင်အဆင်းရှိပြီး သရက်သီးများနှင့် မုန်လာဥနီကဲ့သို့သော အဝါရောင်နှင့် လိမ္မော်ရောင်အပင်များနှင့် သစ်သီးများတွင် တွေ့ရသည်။

မွေးပြီး ၂ ရက်အတွင်းထွက်သည့် မိခင်နို့(နို့ဦးရည်) တွင် ဗီတာမင်အေ များစွာပါဝင်သည်။ ဘီတာကယ်ရိုတင်းသည် အဝါရောင်နှင့် လိမ္မော်ရောင်ရှိ အသီးများဖြစ်သော သရက်သီးနှင့် မုန်လာဥနီများတွင်ရှိသော အနီရောင်ချယ်ဖြစ်သည်။ ဘီတာကယ်ရိုတင်းကို ခန္ဓာကိုယ်အတွင်းတွင် ဗီတာမင်အေအဖြစ် ပြောင်းလဲလိုက်သည်။ ကိုယ်ဝန်ဆောင်အမျိုးသမီးများသည် ဗီတာမင်အေရရှိမှု ၁၀-၄၀ ရာခိုင်နှုန်းထိ တိုးမြှင့်ရရှိသင့်ကြောင်း အကြံပြုထားသည်။

ရွှေဖရုံသီးများသည် အကောင်းဆုံး ဘီတာကယ်ရိုတင်းဓာတ် ရင်းမြစ်တစ်ခုဖြစ်သည်။

ရွှေဖရုံသီး စားသုံးခြင်းသည် နေ့စဉ် ဗီတာမင်-အေ လိုအပ်ချက်ပမာဏအားလုံးကို ဖြည့်ဆည်းနိုင်လိမ့်မည်။ ရွှေဖရုံသီးတွင် ဗိုက်ပြည့်လွယ်စေသည့် အမျှင်ဓာတ်လည်းပါဝင်ကာ သွေးတွင်းသကြားဓာတ်ကို လျော့နည်းစေပြီး အစာကြေလွယ်စေသည်။ 

ကိုက်လန်၊ ဟင်းနုနွယ်၊ ကန်စွန်းရွက်နှင့်ချဉ်ပေါင် စသည့် အစိမ်းရင့်ရောင် ဟင်းရွက်များတွင် ဗီတာမင်-အေ၊ သံဓာတ်၊ ဖော့လိတ်၊ ကယ်လစီယမ်၊ ပိုတက်စီယမ်နှင့် ဗီတာမင်-စီ စသည့် အာဟာရဓာတ်များ ပါဝင်သည်။

ဤအာဟာရဓာတ်များသည် ပေါင်မပြည့်သည့်ကလေးမွေးဖွားမှုနှုန်း လျော့နည်းစေသည်။ အမျှင်ဓာတ်ကြွယ်ဝမှုကြောင့် ဤအသီးအရွက်များ စားသုံးခြင်းသည် ကိုယ်ဝန်ဆောင်အမျိုးသမီးများ ခံစားရလေ့ရှိသည့် ဝမ်းချုပ်ခြင်းကို ကာကွယ်ပေးနိုင်သည်။

(ကြယ်လေးပွင့်ပါသော အစားအစာများအားလုံးတွင် အသားဓာတ်၊ ကစီဓာတ်နှင့် အဆီဓာတ် စသည့် အများလိုအာဟာရ ၃ မျိုး ပါဝင်သည်။ ထိုအစားအစာများတွင် အနည်းလိုအာဟာရဓာတ်များလည်း ပါဝင်သည်။ ထိုအနည်းလိုအာဟာရများမှာ လူသားများ အနည်းငယ်သာလိုအပ်သော ဗီတာမင် သို့မဟုတ် သတ္တုဓာတ်များဖြစ်သည်။ ကမ္ဘာ့ကုလသမဂ္ဂမှ ၎င်းတို့ကို မှော်ဆန်သော အရာများဟု ခေါ်သည်။ အဘယ့်ကြောင့်ဆိုသော် ၎င်းတို့သည် ခန္ဓာကိုယ်ကြီးထွားဖွံ့ဖြိုးမှုအတွက် မရှိမဖြစ် လိုအပ်သောကြောင့် ဖြစ်ပါသည်။)

#LEARN Program မှ ထုတ်ဝေထားသည့် ‘စားနပ်ရိက္ခာဖူလုံရေးနှင့် အသက်မွေးဝမ်းကျောင်းဖွံ့ဖြိုးရေး ကွင်းဆင်းလုပ်သားများအတွက် သင်တန်းပံ့ပိုးသူလက်စွဲလမ်းညွှန်’ စာအုပ်မှ ကောက်နုတ်ဖော်ပြခြင်း ဖြစ်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်