နှမ်းသီးနှံ အာဟာရတန်ဖိုးပါဝင်မှုနှင့် ကျန်းမာရေးအကျိုးပြုချက်များ

နှမ်းသည် မြန်မာ၊ အိန္ဒိယ၊ အင်ဒိုနီးရှား၊ တရုတ်နှင့်အာဖရိကအပူပိုင်းဒေသတို့တွင် ဆီထွက်သီးနှံအဖြစ်စိုက်ပျိုးသည့် အရေးပါသောသီးနှံဖြစ်ပါသည်။ နှမ်းဆီသည်ရနံ့မွှေးကြိုင်ရုံသာမက ဆေးဖက်လည်းဝင်ပါသည်။ နှမ်းကိုသရေစာမုန့်များတွင်သော်လည်းကောင်း၊ တိုင်းရင်းဆေးများတွင်သော်လည်းကောင်းနည်းအမျိုးမျိုးဖြင့်အသုံးပြုကြပါသည်။

နှမ်း ၁၀၀ ဂရမ်တွင်ပါဝင်သော အာဟာရတန်ဖိုးများကို ဖော်ပြလိုပါသည်...

ကယ်လိုရီ -၅၇၂

အဆီဓာတ် -၅၀ဂရမ်

ပြည့်ဝဆီ -၇ ဂရမ်

ပိုတက်ဆီယမ် -၄၆၈ မီလီဂရမ်

ဆိုဒီယမ် -၁၁ မီလီဂရမ်

ကာဘိုဟိုက်ဒရိတ်-၂၃ ဂရမ်

အမျှင်ဓာတ် -၁၂ဂရမ်

ပရိုတိန်း -၁၈ ဂရမ်

သံဓာတ် -၁၄.၆ မီလီဂရမ်

ဗီတာမင် B6 - ၀.၈ မီလီဂရမ်

ကယ်လ်စီယမ်-၉၇၅ မီလီဂရမ်

မဂ္ဂနီဆီယမ် -၂.၄၆ မီလီဂရမ်

နှမ်း၏ကျန်းမာရေးအကျိုးပြုပုံများ

နှမ်းနှင့်နှမ်းဆီသည်အသားအရေကိုဝင်းလက်ပြီးဆံပင်ကိုသန်စွမ်းစေပါသည်။ နှမ်းကိုပုံမှန်စားသုံးပေးပြီးတစ်ပတ်တစ်ကြိမ်ကိုယ်ခန္ဓာပေါ်ပွတ်လိမ်းပေးခြင်းဖြင့် အသားအရေကိုဝင်းမွတ်စေပြီး ဆံပင်အရည်အသွေးကိုပိုမိုကောင်းမွန်လာစေနိုင်ပါသည်။ ထို့ပြင်နှမ်းသည်အရိုးအဆစ်များကိုသန်မာစေပါသည်။ နှမ်းတွင်ခန္ဓာကိုယ်အတွက်လိုအပ်သောကယ်လ်စီယမ်ဓာတ်လုံလုံလောက်လောက်ပါရှိပါသည်။ ထို့ပြင်အရိုးအဆစ်များကိုသန်မာစေသည့်ဇင့်ဓာတ်လည်းပါရှိပါသည်။ လေ့လာချက်များအရ နှမ်းကိုပုံမှန်စားသုံးပေးခြင်းဖြင့် သက်ကြီးရွယ်အိုများတွင်ဖြစ်တတ်သောအရိုးပွရောဂါကို ကာကွယ်ပေးနိုင်ကြောင်းတွေ့ရှိရပါသည်။

နှမ်းသည်သွေးတွင်းသကြားဓာတ်ကိုလည်းထိန်းညှိပေးပါသည်။ နှမ်းနှင့်နှမ်းဆီကိုပုံမှန်စားသုံးပေးပါက ကိုယ်တွင်းသွေးလည်ပတ်မှုကို ကောင်းမွန်စေပါသည်။ အထူးသဖြင့်ဆီးချိုသွေးချိုဝေဒနာရှင်များအတွက်ပိုမိုကောင်းမွန်စေပါသည်။ ကာဘိုဟိုက်ဒရိတ်ပါဝင်မှုနည်းခြင်း၊ ပရိုတိန်းပါဝင်မှုမြင့်မားခြင်း၊ ကျန်းမာရေးနှင့်သင့်လျော်သောအဆီဓာတ်များပါဝင်ခြင်းတို့ကြောင့် ရေရှည်စားသုံးပေးပါက သွေးတွင်းသကြားဓာတ်ထိန်းညှိပေးသောစက်တစ်ခုကဲ့သို့ပင် အထောက်အပံ့ဖြစ်စေပါသည်။ ထို့ပြင်နှမ်းသည်သွေးဖိအားကိုထိန်းညှိပေးပါသည်။ မဂ္ဂနီဆီယမ်ဓာတ်ပါဝင်သောကြောင့် သွေးတိုးခြင်းကိုကာကွယ်ပေးပါသည်။ ဗီတာမင်နှင့်မဂ္ဂနီဆီယမ်များအပြင် အိုမီဂါ ၃ ဓာတ်လည်းပါဝင်သောကြောင့် နှမ်းစေ့သည် နေ့စဉ်လှုပ်ရှားသွားလာရန်အတွက် လိုအပ်သောစွမ်းအင်ကိုပေးနိုင်သည့် ရင်းမြစ်တစ်ခုဖြစ်ပါသည်။

နှမ်းတွင် စွမ်းအင်ကိုတိုးမြှင့်စေသောအမျှင်ဓာတ်၊ သံဓာတ်၊ ဖော့စဖောရပ်စ် ဓာတ်များလည်းပါရှိပါသည်။ နှမ်းဆီတွင်ဒဏ်ရာများ၊ ကိုက်ခဲနာကျင်မှုများကိုသက်သာစေသော ဓာတ်များလည်းပါဝင်ပါသည်။ သိုင်းရွိုက်၏ကျန်းမာရေးကိုလည်းကောင်းမွန်စေပါသည်။ နှမ်းတွင် ကမ်လ်စီယမ်ဓာတ် ၁၈ရာခိုင်နှုန်းအပြင် သံဓာတ်၊ ကော့ပါးဓာတ်၊ ဇင့်၊ B6 များပါဝင်သောကြောင့် သိုင်းရွိုက်ဟော်မုန်းများဖြစ်ပေါ်မှုကိုပိုမိုတိုးတက်စေပါသည်။

ထို့ပြင်နှမ်းစေ့သည်ခန္ဓာကိုယ်၏ခုခံနိုင်စွမ်းအားကိုတိုးမြင့်စေပါသည်။ ၎င်းတွင်ပါဝင်သောဓာတ်များက ခန္ဓာကိုယ်၏ခုခံနိုင်စွမ်းအားကိုတိုးမြင့်စေပြီး အဏုဇီဝပိုးများကိုလည်းတိုက်ထုတ်ပေးပါသည်။ နှမ်းဆီတွင်ပါဝင်သော အမိုင်နိုအက်ဆစ်နှင့် ဆိုင်ရိုင်စင်းဓာတ်များသည် စီရိုတိုနင်၏လုပ်ဆောင်ချက်များကို အကျိုးသက်ရောက်မှုရှိစေပါသည်။ စီရိုတိုနင်သည် စိတ်ခံစားမှုများကိုထိန်းချုပ်ထားသောဓာတ်တစ်မျိုးဖြစ်ပါသည်။ စီရိုတိုနင်ဓာတ်များ မညီမျှပါက စိတ်ဓာတ်ကျလွယ်ခြင်းများဖြစ်ပေါ်တတ်ပါသည်။ နှမ်းစေ့သည်စီရိုတိုနင်ဓာတ်ထုတ်လုပ်ခြင်းကို အထောက်အကူပြုစေပြီးစိတ်ကျရောဂါဖြစ်ပေါ်မှုကိုလျော့နည်းစေကာ အကောင်းမြင်စိတ်များဖြစ်ပေါ်လာစေရန် အထောက်အကူပြုပါသည်။ နှမ်းတွင်ပါဝင်သောအမျှင်ဓာတ်များနှင့် fatty acid များသည်ဝမ်းချုပ်ခြင်းကိုကာကွယ်ပေးပါသည်။ နှမ်းဆီသည်အူလမ်းကြောင်းတွင်ချောဆီအဖြစ် ဆောင်ရွက်ပေးပါသည်။ အမျှင်ဓာတ်များက အူမကြီး၏ရွေ့လျားမှုကို အဆင်ပြေချောမွေ့စေရန် ဆောင်ရွက်ပေးပါသည်။ နှမ်းဆီတွင်ကျန်းမာရေးကို

အထောက်အကူပြုစေသော vsesamolနှင့်sesaminol ဟူသော အန်တီအောက်စီဒင့်များပါရှိပါသည်။၎င်းဓာတ်များသည် ဆဲလ်၏ထိခိုက်မှုများကိုလျော့နည်းစေပြီး အဆစ်အမြစ်ယောင်ရမ်းခြင်းများ၊သွားကိုက်ခြင်းများ၊ ဒဏ်ရာများကိုလျှင်မြန်စွာပျောက်ကင်းစေနိုင်ပါသည်။ ထို့ကြောင့်လည်း မြန်မာ့တိုင်းရင်းဆေးတော်တော်များများတွင် နှမ်းဆီကိုအသုံးပြုခြင်းဖြစ်ပါသည်။

အချုပ်အားဖြင့် နှမ်းသည်ကျန်းမာရေးအတွက် လွန်စွာအထောက်အကူပြုသော သီးနှံတစ်မျိုးဖြစ်ပါသည်။ သို့သော် တချို့သောသူများတွင် ဓာတ်မတည့်မှုများဖြစ်ပေါ်တတ်သည်ကိုတွေ့ရှိရပါသည်။မည်သို့ပင်ဆို‌‌စေကာမူ ကျန်းမာ‌ရေးအတွက်ကောင်းကျိုးများသောနှမ်းကို ပုံမှန်စားသုံးပေးသင့်ပါသည်ဟုအကြံပြုတိုက်တွန်းလိုက်ရပါသည်။

Source - https://www.healthifyme.com/blog/sesame-seeds-top-11-benefits-healthy-recipes-and-more/

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...