ချဉ်ဖတ်စုံ ပြုလုပ်နည်း

ငါးပိရည်ကြိုက်တဲ့သူတိုင်းအတွက်တော့ ချဉ်ဖတ်စုံဆိုတာနဲ့ ထမင်းစားကောင်းတော့မှာပဲဆိုပြီး ပြေးမြင်တတ်ကြ တာမျိုးပါ..။

အဲ့ဒီလို မြန်မာ့ထမင်းဝိုင်းတွေမှာ တို့စရာအနေနဲ့ နှစ်နှစ်ခြိုက်ခြိုက် စားလေ့ရှိတဲ့ ခံတွင်းမြိန်စရာချဉ်ဖတ်ဟာ လုပ်ရတာလည်း လွယ်ကူသလို ကိုယ်တိုင်လုပ်တော့ သန့်သန့်လေးလည်း စားရနိုင်တာမို့ ချဉ်ဖတ်တည်နည်းလေးကို ပြောပြပေးပါမယ် ။

ချဉ်ဖတ်စုံမှာတော့ ပဲတီချဉ်၊ တမာချဉ်၊ကတက်ချဉ်၊ သရက်သီးချဉ်၊ မုန်လာဥပိုးတီချဉ် စသဖြင့် ပါဝင်ပါတယ်..။ သိပ်မကြာခင် ခံတက်ရွက်လေးတွေလည်း နုတော့မှာဆိုတော့ သူပါပါရင်တော့ ပိုကောင်းပေါ့..။

ချဉ်ဖတ်စိမ်မယ်ဆိုရင်တော့ ဆားရည်နဲ့ရိုးရိုးစိမ်တဲ့နည်းနဲ့ ဆန်ဆေးရည်ထည့်ပြီးစိမ်တဲ့နည်းဆိုပြီး နှစ်မျိုးရှိပါတယ်..။

၁။ဆားရည်ဖြင့် ချဉ်ဖတ်စုံစိမ်နည်း

ပါဝင်ပစ္စည်းတွေကတော့ အသီးအရွက်များ၊ ဆား၊ ရေကျက်အေး တို့ပါပဲ..။

ပြုလုပ်နည်းကတော့ -  

(၁) ချဉ်ဖတ်စိမ်မယ့် ပဲတီ၊ တမာ၊ မုန်လာဥ စတဲ့ အသီးအရွက်တွေကို ရေသေချာဆေးပြီး လှီးဖြတ်ထားပါ။

(၂) ပြီးရင် ကျိုချက်ပြီးသား ရေကျက်အေးထဲကို ဆားလက်တစ်ဆုပ်ခန့်ထည့်ပြီး အရည်ပျော်အောင် မွှေပေးပါ။

(၃) မွှေပြီးရင်တော့ နှစ်သက်ရာ အသီးအရွက်များထည့်ပြီး ၃ ရက်လောက် စိမ်ထားပြီးရင် စားလို့ရပါပြီ။ 

၂။ ဆန်ဆေးရည်ဖြင့် ချဉ်ဖတ်စုံစိမ်နည်း

ပါဝင်ပစ္စည်းတွေကတော့ အသီးအရွက်များ၊ ဆန်ဆေးရည်၊ ဆား စတာတွေပါပဲ..။

ပြုလုပ်နည်းကတော့..

(၁) ဆန်ဆေးရည်အသန့်ကို ယူထားပြီး ဆားလက်တစ်ဆုပ်ခန့်ကို ဆန်ဆေးရည်ထဲထည့်ပြီး အရည်ပျော်အောင် မွှေပေးပါ။

(တချို့တွေကတော့ ဆားထမင်းစားဇွန်း ၁ဇွန်းစာခန့်နဲ့ နနွင်းအနည်းငယ်ကို ဆန်ဆေးရည်ထဲထည့်မွှေပြီး ချဉ်ဖတ်စုံ  စိမ်လေ့ရှိပါတယ်။) 

(၂) မွှေပြီးရင် နှစ်သက်ရာ အသီးအရွက်များထည့်ပြီး ၃ရက်လောက် စိမ်ထားပြီးရင် စားလို့ရပါပြီ။ 

နည်းနှစ်နည်းလုံးအတွက် သတိပြုရမှာကတော့ အဖုံးလုံအောင်ပိတ်ထားဖို့နဲ့ ချဉ်ဖတ်ရလို့ ဆယ်ယူ/ခပ်တဲ့အခါ ဇွန်းအသန့်နဲ့ ခပ်ဖို့ပါပဲရှင့်..။

ကဲ.. ကြိုက်နှစ်သက်ရာနည်းနဲ့ ချဉ်ဖတ်လေးတွေစိမ်၊ ငါးပိရည်လေးနဲ့မြှုပ်ပြီး ထမင်းစားမြိန်ကြပါစေနော်..။ 

ရေးသားသူ- နှင်းဖြူဖြူ

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more