ကမ္ဘာ့ရာသီဥတုကိုပင် ပြောင်းသွားစေနိုင်သည့် ပင်လယ်သမုဒ္ဒရာထဲက စွန့်ပစ်ပလတ်စတစ်များ

မြန်မာနိုင်ငံတွင် ပလတ်စတစ်စွန့်ပစ်အမှိုက်တန် ၁၁၉ တန်ခန့် နေ့စဉ်ထွက်ရှိနေပြီး အဲ့ဒီထဲက တန် ၉၀ ခန့်ဟာ ဧရာဝတီမြစ်အတွင်းသို့ ဝင်ရောက်နေကာ ကျန် ၂၉ တန်ကတော့ ရန်ကုန်မြစ်အတွင်း ဝင်ရောက်နေတယ်လို့ စွန့်ပစ်အမှိုက်လျှော့ချရေးလုပ်ဆောင်နေသည့် သန့်မြန်မာလူထုအခြေပြုအဖွဲ့အစည်း၏ စွန့်ပစ်အမှိုက်စီမံခန့်ခွဲမှုအထူးကျွမ်းကျင်သူ Mr.Friedor Jeske က ၂၀၁၉ ခုနှစ်တုန်းက ပြောကြားထားသည်။

ပလတ်စတစ်ညစ်ညမ်းမှုသည် ကမ္ဘာတစ်ဝန်းတွင်လည်းဖြစ်ပေါ်လျက်ရှိပြီး ပလတ်စတစ်များ၏ လည်ပတ်ပုံသံသရာစက်ဝန်း အဆင့်တိုင်းသည် လူသားများ၊ ကုန်းရေနေရေသတ္တဝါများနှင့် သဘာဝပတ်ဝန်းကျင်ကို ဆိုးဆိုးရွားရွားထိခိုက်စေပါသည်။

ပလတ်စတစ်စွန့်ပစ်ပစ္စည်းများကို စည်းကမ်းမဲ့စွန့်ပစ်ခြင်းသည် ရာသီဥတုပြောင်းလဲမှုကို အဆိုးရွားဆုံးဖြစ်စေသည့် အကြောင်းအရာများ ဖြစ်သည်။ ကျွန်ုပ်တို့ပတ်ဝန်းကျင်သည် ပလတ်စတစ်စွန့်ပစ်ပစ္စည်းများဖြင့် ဝန်းရံနေတတ်ပြီး ကျွန်ုပ်တို့ရှူရှိုက်နေသောလေ၊ သောက်သုံးရေ၊ စားသုံးသော ပင်လယ်စာနှင့် အခြားသော အစားအစာများတွင် ပလတ်စတစ်များသည် အရွယ်အစားမျိုးစုံဖြင့် ပါဝင်နေတတ်သည်ကို တွေ့ရှိရပါသည်။

ထို့ပြင် ရုပ်ကြွင်းလောင်စာများထုတ်ယူခြင်း၊ ထုတ်လုပ်ခြင်း၊ အသုံးပြုခြင်း၊ ပြန်လည်အသုံးပြုခြင်းနှင့် စွန့်ပစ်ခြင်းလုပ်ငန်းစဉ်များ၏ သက်ရောက်မှုများကို ဇီဝမျိုးစုံမျိုးကွဲများ၊ ရာသီဥတုပြောင်းလဲမှု၊ လူ့ကျန်းမာရေးနှင့်လူ့အခွင့်အရေးတို့အပါအဝင် နယ်ပယ်ပေါင်းများစွာတွင် ခံစားနေကြရသည်။

အဏ္ဏဝါအတွင်းရှိ စွန့်ပစ်အမှိုက်များ

ပလတ်စတစ်အမှိုက်ထရပ်ကားတစ်စီးစာကို သမုဒ္ဒရာထဲသို့ မိနစ်တိုင်းစွန့်ပစ်ခြင်းသည် အဏ္ဏဝါတွင်း ညစ်ညမ်းမှုကို ဆိုးရွားစွာဖြစ်ပေါ်စေနိုင်သည်။ ပင်လယ်ထဲသို့ရောက်ရှိသွားသော ပလတ်စတစ်များသည် မိုက်ခရိုပလတ်စတစ်များအဖြစ်သို့ပြိုကွဲသွားပြီးနောက် ရာသီဥတုပြောင်းလဲမှုကို တိုက်ရိုက်အကျိုးသက်ရောက်မှုဖြစ်စေသော ဖန်လုံအိမ်ဓာတ်ငွေ့ထုတ်လွှတ်မှုကို ဖြစ်စေပါသည်။ ၄င်းဖန်လုံအိမ်ဓာတ်ငွေ့ များသည် သမုဒ္ဒရာအတွင်းရှိ ရေနေသတ္တဝါများကိုတိုက်ရိုက်ဖြစ်စေ၊ သွယ်ဝိုက်၍ဖြစ်စေ အကျိုး သက်ရောက်မှုဖြစ်စေသည်ကို တွေ့ရသည်။

ခန့်မှန်းချက်များအရ ပလတ်စတစ်များမှ ဖန်လုံအိမ်ဓာတ်ငွေ့ထုတ်လွှတ်မှုသည် ၂၀၅၀ ပြည့်နှစ်တွင် ၁၃ ရာခိုင်နှုန်းခန့်ထိ ရောက်ရှိနိုင်ပါသည်။ သမုဒ္ဒရာတွင်း ပြန့်ကျဲနေသောပလတ်စတစ်များသည် သမုဒ္ဒရာများ၏ ကာဗွန်ဒိုင်အောက်ဆိုဒ်စုပ်ယူနိုင်စွမ်းကို အနှောင့်အယှက်ဖြစ်စေနိုင်သည့်အပြင် ရာသီဥတုပြောင်းလဲမှုကို အရှိန်မြှင့်နေသကဲ့သို့ ဖြစ်နေသည်ကို လေ့လာတွေ့ရှိရပါသည်။

ရေမျောပင်များနှင့် ရေမျောပင်များတွင်ကပ်နေသော ရေမျောကောင်များသည် ပင်လယ်များအတွင်း၌ရှိသော ကာဗွန်ဒိုင်အောက်ဆိုဒ်ဓာတ်ငွေ့၏ ၃၀ ရာခိုင်နှုန်းမှ ၅၀ ရာခိုင်နှုန်းကို စုပ်ယူပေးထားနိုင်သော် လည်း ၄င်းတို့သည် မိုက်ခရိုပလတ်စတစ်များ၏ဂေဟစနစ်ကို နှောင့်ယှက်ခြင်းခံရပြီးနောက်တွင် ရေထုထဲမှ ကာဗွန်ဒိုင်အောက်ဆိုဒ်ကို ဖယ်ရှားနိုင်စွမ်း လျော့နည်းသွားသည်။

သမုဒ္ဒရာများ၊ ကုန်းမြေများနှင့် တောင်တန်းများကဲ့သို့သော အမျိုးမျိုးသော ဂေဟစနစ်များအတွက် ပလတ်စတစ်များသည် ရာသီဥတုပြောင်းလဲမှုနှင့် ရေထု၊လေထု၊မြေထု ညစ်ညမ်းမှုများကို ဖြစ်စေနိုင် သည်။

ထို့ပြင်ပလတ်စတစ်များသည် သဘာဝပတ်ဝန်းကျင်ကိုလည်း ဆိုးရွားစွာထိခိုက်စေနိုင်ကာ ဇီဝမျိုးစုံမျိုးကွဲများကိုလည်း မျိုးသုဉ်းစေနိုင်သည်ကို လေ့လာတွေ့ရှိခဲ့ရသည့်အတွက် ပလတ်စတစ်နှင့်ပတ်သက်၍ သတိပြုဆင်ခြင်သုံးစွဲခြင်းဖြင့် သဘာဝပတ်ဝန်းကျင်ကို ထိန်းသိမ်းသင့်ပါကြောင်း လေ့လာရေးသားလိုက်ရပါသည်။

ရေးသားသူ-ပင်လယ်ပြာ(ငါးဦးစီး)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ရောဂါပိုးမွှားတွေ ဝင်မလာနိုင်ဖို့ဆို အားရှိနေမှဖြစ်မှာနော်.. ဒါက လူတွေမှာတင်မဟုတ်ပါဘူး..မွေးမြူထားတဲ့ တိရစ္ဆာန်လေးတွေမှာလည်း အလားတူပါပဲ။ ဆိုတော့ ငါး၊ ပုစွန်မွေးမြူသူတွေအတွက်လည်း.. သူတို့လေးတွေ အားရှိနေဖို့ အားဆေးလေးတွေ ကျွေးပေးဖို့ လိုပါတယ်ရှင့်။ ဒီအတွက် အခက်အခဲလေး ရှိမယ်ဆိုရင်… ‘ဗွေဆော်ဦး’ မှာရှိတဲ့ ‘Aqua Booster’ လေးက ဖြေရှင်းပေးနိုင်ပါတယ်ရှင့်။ Aqua Booster ဆိုတာ… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝ ကမ္မဆိုင်ရာ အာဟာရအားတိုးဆေးမျိုးပါ။ သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်ပြီး ပုစွန်တွေရဲ့ ကျန်းမာ ရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်။ ဇီဝနည်းဖြင့် ဆွေးမြည့်ပျက်စီးပြီး ရေရှည်တည်တံ့တဲ့စွမ်းအင်မျိုးရှိတာကြောင့် ဘယ်လို ရေလုပ်ငန်း မျိုးနဲ့မဆို သင့်တော်ပြီး အမြတ်အစွန်းတိုးပွားစေနိုင်ပါတယ်။ ဘယ်လိုအကျိုးကျေးဇူးတွေ ရှိစေနိုင်လဲ… ပုစွန်များရဲ့ ကျန်းမာရေးကောင်းမွန်စေလို့ အူလမ်းကြောင်းထဲက pH ကို လျှော့ချပေးပြီး ရောဂါဖြစ်စေဘတ်တီးရီးယားများ လျော့ပါးစေ နိုင်ပြီး သဘာဝအကျိုးပြုဘက်တီးရီးယားများ တိုးပွားစေလို့ ကြီးထွားနှုန်းနှင့် ရှင်သန်နှုန်း မြင့်တက်စေခါတယ်။ ဘက်တီးရီးယားဒဏ်ကို အကောင်းဆုံးခံနိုင်ရည်ရှိစေပြီး အစာမှအသားဖြစ်စေနှုန်းနဲ့ ပရိုတင်း ချေဖျက်မှုကို မြှင့်တင်ပေးလို့ အထွက်နှုန်းကိုလည်းတိုးစေနိုင်ပါတယ်။ (ပဋိဇီဝဆေး မဟုတ်လို့ နောက်ဆက်တွဲပြဿနာများလည်းမရှိသောကြောင့် ထုတ်ကုန်တန်ဖိုးလျော့ကျစေမဲ့ ဓာတ်ကြွင်းအာနိသင်များမရှိပါ။) ကဲ...ဘာစဉ်းစားနေဦးမလဲ...ကိုယ့်ရဲ့ ငါး၊ ပုစွန်လေးတွေကို ‘ Aqua Booster’ နဲ့ အားတွေ မြှင့်ပေးလိုက်တော့လေ...။

မှာယူရန် နှိပ်ပါ

ဆွေးနွေးချက်များ

ဆွေးနွေးရန်

ကမ္ဘာ့ရာသီဥတုကိုပင် ပြောင်းသွားစေနိုင်သည့် ပင်လယ်သမုဒ္ဒရာထဲက စွန့်ပစ်ပလတ်စတစ်များ

ဗွေဆော်ဦး ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ကမ္ဘာ့ရာသီဥတုကိုပင် ပြောင်းသွားစေနိုင်သည့် ပင်လယ်သမုဒ္ဒရာထဲက စွန့်ပစ်ပလတ်စတစ်များ

ဗွေဆော်ဦး ကြော်ငြာ

ဆွေးနွေးချက်များ

ဆက်စပ်ဆောင်းပါးများ

နို့ညှစ်ပုံးနှင့်နို့ညှစ်ရာတွင် အသုံးပြုသည့် ပစ္စည်းများကို ဆေးကြောခြင်း

နို့သယ်ပုံးများကို နို့ကောက်စခန်းတွင် ဆေးကြောခြင်း

နို့ကောက်ယူစုဆောင်း သယ်ယူပို့ဆောင်ခြင်းနှင့် သိုလှောင်ခြင်း

{{ post.title }}