ဇူလိုင် ၄ ရက်ညနေပိုင်းကစပြီး အလယ်ပိုင်းဒေသများ မိုးဆက်တိုက်ရွာနိုင်

30/06/2022 17:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား

မိုးရွာသွန်းမှုအတော်လေးနည်းပါးနေတဲ့ မြန်မာနိုင်ငံအလယ်ပိုင်းဒေသတွေမှာ ဇူလိုင် ၄ ရက်ညနေပိုင်းကစလို့ မိုးတွေရလာတော့မှာဖြစ်တယ်လို့ အပြည်ပြည်ဆိုင်ရာမိုးလေဝသစောင့်ကြည့်လေ့လာသုံးသပ်သူတစ်ဦးဖြစ်သူ ဦးဝင်းနိုင်က ပြောပါတယ်။

“ ၄ ရက်နေ့ ညနေလောက်ကစမှာ။ ချောက်မြို့နယ်ထဲမှာ။ အာ့ကစပြီး လေလည်းပြင်းမယ်။ ကျွန်တော်ပြောထားဖူးတဲ့ စိုက်ဆင်းလေပြင်းတွေတော့ သတိထားရမယ်။ ၅ ရက်နေ့ကျရင် တိမ်တွေလည်း ပေ ၁၇၀၀ လောက်ထိ နိမ့်ဆင်းလာမယ်။ ပုံမှန်က ပေ ၁၂၀၀၀၊ ၁၆၀၀၀ လောက်ထိရှိတာ။ အာ့ကနေ တိမ်အနိမ့်တွေဖြစ်လာမှာပေါ့” လို့ ဦးဝင်းနိုင်က Green Way ကို ပြောပါတယ်။

အဓိကအကြောင်းရင်းက အိန္ဒိယ-ဘင်္ဂလားဒေ့ရှ်နယ်စပ်က လေဖိအားနည်းဆဲလ်တွေဖြစ် လာနေတာတွေက မုတ်သုံလေအားကို မြန်မာနိုင်ငံထဲ ဆွဲသွင်းနေလို့ မုတ်သုံလေအားကောင်းလာတာကြောင့်ဖြစ်တယ်လို့ ဦးဝင်းနိုင်က ပြောပါတယ်။

“ ငဖဲမြို့နယ်ထဲမှာတော့ မိုးနည်းမယ်။ နည်းမယ်ဆိုတာတောင်မှ ရွာတာတော့ရွာမှာ။ အဲ့ဒီ ငဖဲမြို့နယ်လေးတစ်ခုပဲ။ ကျန်တဲ့နေရာတွေကတော့မိုးများမှာ။ မကွေး၊ မင်းလှ၊ ဆင်ဖြူကျွန်းတို့၊ ညောင်ဦးတို့ ချောက်တို့အကုန်လုံးမိုးရွာမှာ” 

နိုင်ငံတကာမိုးလေဝသဝက်ဘ်ဆိုဒ်တွေရဲ့ လက်ရှိအချိန်ထိ ဖော်ပြချက်တွေအရ အလယ်ပိုင်းဒေသမိုးရနိုင်ချေဟာ ဇူလိုင် ၉ ရက်ထိ ဆက်တိုက်ရှိနေမှာဖြစ်တယ်လို့ သိရပါတယ်။

လက်ရှိမှာ တောင်တရုတ်ပင်လယ်ပြင်မှာ အပူပိုင်းတိုင်ဖွန်းမုန်တိုင်းချဘာ (CHABA) လည်း ဖြစ်နေပြီး လက်ရှိကြိုတင်ခန့်မှန်းချက်များအရ ဟိုင်နန်ကျွန်းကို ဦးတည်ရွေ့လျားနိုင်ကြောင်း၊ ဇူလိုင်လ ၃ ရက် ညပိုင်းမှာ ဟိုင်နန်ကျွန်းအနောက်ဘက် တရုတ်ပြည်ကမ်းရိုးတန်းကို ဖြတ်ကျော်ဝင်ရောက်နိုင်ကြောင်း ခန့်မှန်းထားတယ်လို့ ဦးဝင်းနိုင်က ဆိုပါတယ်။

အဲ့ဒီမုန်တိုင်းရဲ့ အကြွင်းအကျန်တိမ်တိုက်တွေဟာ မြောက် အနောက်မြောက်ဘက်ကို ဆက်လက်ရွေ့လျားပြီး ဇူလိုင်လ ၇ ရက်နေ့ည ၈ ရက်နေ့ မနက်ပိုင်းမှာ ရှမ်းပြည်နယ်အရှေ့ပိုင်း-ရွှေတြိဂံဒေသအထိရောက်မယ်လို့ ခန့်မှန်းထားတာကြောင့် ရှမ်းပြည်နယ်မှာအဲ့ဒီရက်တွေအတွင်း မိုးများလိမ့်မယ်လို့လည်း ဦးဝင်းနိုင်က သုံးသပ်ပါတယ်။

အဲ့ဒီမုန်တိုင်းနောက်ဆက်တွဲအခြေအနေကြောင့်လည်း နောက်လာမယ့် ၅ ရက်မှ ၁၀ ရက်အတွင်း တစ်နိုင်ငံလုံးမှာ နေရာလပ်မကျန် မိုးရွာနိုင်မှာဖြစ်ပြီး အနည်းဆုံးမိုးရေချိန်စုစုပေါင်း ၃ လက်မ မှ အများဆုံး ၁၅ လက်မကျော်အထိ မိုးရွာသွန်းနိုင်မှာဖြစ်ကြောင်း တွေ့ရလို့ ရေကြီးရေလျှံဖြစ်နိုင်မယ့် အခြေအနေ၊ တောင်ကျချောင်းရေရုတ်တရက်ကျဆင်းနိုင်မယ့် အခြေအနေနဲ့ မိုးများပြီး မြေပြိုနိုင်မယ့် အခြားသော သဘာဝဘေးအန္တရာယ်များဖြစ်လာနိုင်တာကြောင့် သတိပြုကြဖို့လည်း ဦးဝင်းနိုင်က သတိပေးထားပါတယ်။

(မိမိဒေသတစ်ခုချင်းစီအလိုက် မိုးလေဝသအခြေအနေများကို ဦးဝင်းနိုင်နဲ့ တိုက်ရိုက်မေးမြန်း လိုသူများအနေနဲ့ Green Way ဆော့ဝဲထဲမှာရှိတဲ့ ‘ မေးကြ၊ ဖြေကြ...ဒေသအလိုက်မိုးလေဝသ’ ဆိုတဲ့ အဖွဲ့လေးမှာ အခမဲ့ဝင်ရောက်ပြီး မေးမြန်းနိုင်ပါတယ်။)😊
 
Photo Crd_Win Naing FB

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်