ဒီနှစ်အပူချိန်တွေ စံချိန်တင်မြင့်တက်သွားနိုင်လား..

ဒီနေ့ ဧပြီ ၁၉ ရက်မှာ စစ်ကိုင်းတိုင်းဒေသကြီး တမူးမှာတိုင်းထွာချက်အရ အပူချိန်ဟာ ၄၃.၈ ဒီဂရီ စင်တီဂရိတ် (၁၁၀.၈ ဒီဂရီဖာရင်ဟိုက်) အထိ စံချိန်သစ်တင်ခဲ့ကြောင်း မိုးလေဝသနှင့် ဇလဗေဒ ညွှန်ကြားမှုဦးစီးဌာနက ကြေညာပါတယ်။ (တမူးမိုးလေဝသစခန်းတည်ထောင်ပြီး ၄၄ နှစ်အတွင်း အမြင့်ဆုံးစံချိန်သစ်ဖြစ်ခဲ့တာပါ)

ပုံမှန်အားဖြင့်တော့ အမြင့်ဆုံးအပူချိန်တွေဟာ မေလဆန်းတွေလောက်မှသာ ကြုံရလေ့ရှိပေမဲ့ ဒီနှစ်မှာတော့ သင်္ကြန်ကာလအပြီး ဧပြီ ၁၉ ရက်မှာပဲ ဒေသတစ်ခုရဲ့အမြင့်ဆုံးအပူချိန်စံချိန်သစ်ကို ကြုံလိုက်ရပါပြီ။

တော်တော်ပူတယ်ဆိုတဲ့အသံတွေလည်း လူတွေကြားမှာ ကျယ်ကျယ်လောင်လောင် ကြားနေကြရ ပါပြီ။

ဆိုတော့ ဒီနှစ်ဟာ ခါတိုင်းနှစ်တွေထက်ပိုပူနိုင်မလား...

နိုင်ငံတကာမိုးလေဝသထုတ်ပြန်ချက်တွေကို ကိုးကားပြီး မိုးလေဝသခန့်မှန်းပေးနေသူ ဦးဝင်းနိုင်က တော့ အခုလို မှတ်ချက်ပြုပါတယ်။

“ ဒီနှစ်ကတော့ အပူချိန် စံချိန်တင်မြင့်သွားနိုင်တယ် ကျနော်ခန့်မှန်းတာတော့ အခု ခန့်မှန်းတဲ့ကာလပါပဲ။ ဧပြီ ၁၉ ကနေ မေ ၁ ကာလက အမြင့်ဆုံး ဖြစ်သွားနိုင်တယ်။ ထပ်ပြီးတော့ စောင့်ကြည့်တာတော့ စောင့်ကြည့်ရဦးမှာပါ”

အပူချိန်တွေမြင့်တက်လာရတဲ့အကြောင်းထဲမှာ ၂၀၂၁-၂၀၂၂ ၂ နှစ်နှစ်ဆက်တိုက် လာနီညာဖြစ်စဉ် ဖြစ်ခဲ့တာကြောင့်လည်းပါတယ်လို့ ဦးဝင်းနိုင်က သုံးသပ်ပါတယ်။

“ ပြီးခဲ့တဲ့နှစ်တုန်းက လာနီညာဖြစ်နေချိန် တံတားဦး အပူချိန်ဆိုရင် ဧပြီ ၁၉ ကနေ မေ ၁ ကြားကာလမှာ အမြင့်ဆုံးက ၃၃ အထိပဲ ရှိခဲ့တယ်။ ဒီနှစ်မှာတော့ ၁၂ ဒီဂရီလောက် မြင့်သွားတယ်” လို့ ဦးဝင်းနိုင်က ဆိုပါတယ်။

ဒီနေ့ ဧပြီ ၁၉ ရက် မိုး/ဇလ ထုတ်ပြန်ချက်ထဲမှာတော့ ‘နေ့အပူချိန်များမှာ စစ်ကိုင်းတိုင်း ဒေသကြီး အထက်ပိုင်းနှင့် ကချင်ပြည်နယ်တို့တွင် ဧပြီလ၏ ပျမ်းမျှအပူချိန်တို့ထက် (၅)ဒီဂရီစင်တီဂရိတ်မှ (၆)ဒီဂရီစင်တီဂရိတ်အထိ၊ စစ်ကိုင်းတိုင်းဒေသကြီးအောက်ပိုင်း၊ မန္တလေးတိုင်းဒေသကြီး၊ ရှမ်းပြည်နယ်၊ ချင်းပြည်နယ်နှင့် ကယားပြည်နယ်တို့တွင် ဧပြီလ၏ ပျမ်းမျှအပူချိန်တို့ထက် (၃)ဒီဂရီစင်တီဂရိတ်မှ (၄)ဒီဂရီစင်တီဂရိတ်အထိနှင့် နေပြည်တော်၊ မကွေးတိုင်းဒေသကြီး၊ ပဲခူး တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ရခိုင်ပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် ဧပြီလ၏ ပျမ်းမျှအပူချိန်တို့ထက် (၂)ဒီဂရီစင်တီဂရိတ် ပိုခဲ့ပြီး ရန်ကုန်တိုင်းဒေသကြီးတွင် ဧပြီလ၏ ပျမ်းမျှအပူချိန်ခန့်သာရှိခဲ့ပါသည်’ လို့ ဖော်ပြထားပါတယ်။

‘ ထူးခြားသည့် နေ့အပူချိန်များမှာတော့ ချောက်မြို့တွင် (၄၅)ဒီဂရီစင်တီဂရိတ်နှင့် ကလေးဝမြို့၊ တမူးမြို့၊ မင်းကင်းမြို့၊ မုံရွာမြို့၊ မြင်းမူမြို့၊ မန္တလေးမြို့၊ မြင်းခြံမြို့၊ ညောင်ဦးမြို့၊ ဘော်လခဲမြို့နှင့် ဖားဆောင်းမြို့တို့တွင် (၄၄)ဒီဂရီစင်တီဂရိတ်စီတို့ ဖြစ်ကြပါသည်’ လို့လည်း မိုး/ဇလလ ဆိုထားပါတယ်။

လက်ရှိမှာတော့ လာနီညာကနေ ကြားအခြေအနေ (Neutral) သို့ ရာသီဥတုပြောင်းလဲနေချိန်ဖြစ်ပြီး ဒီလို လာနီညာကနေ Neutral ပြောင်းချိန်၊ အယ်နီညိုက လာနီညာပြောင်းချိန်တွေမျာ အခုလို အစွန်းရောက် ရာသီဥတုအခြေအနေတွေ ကြုံရတတ်တယ် လို့ ဦးဝင်းနိုင်က ပြောပါတယ်။

“ သင်္ကြန်မိုးမရွာနိုင်တာလည်း Neutral ENSO ဖြစ်သွားလို့လို့ ပြောနိုင်တယ်။ မုတ်သုံဝင်တာလဲ ပုံမှန်ချိန် ဖြစ်သွားမယ်။ ဇွန်လထဲပေါ့” လို့ ဦးဝင်းနိုင်က ခန့်မှန်းပါတယ်။

အခုချိန် အပူချိန်မြင့်တက်နေတာတွေဟာ မြန်မာနိုင်ငံတစ်ခုတည်းတင်တော့ မဟုတ်ပါဘူး။ အိန္ဒိယ ဒေသတစ်ခုလုံးနဲ့ အင်ဒိုချိုင်းနားကျွန်းဆွယ်ကြီး တစ်ခုလုံးလည်းပါတယ်လို့ ဦးဝင်းနိုင်က ပြောပါတယ်။ (ပုံမှာကြည့်နိုင်ပါတယ်)

အခုအချိန်အထိ မိုးလေဝသ ထုတ်ပြန်ချက်တွေအရတော့ ဧပြီလ ၂၇ ရက်အထိပဲ ကြည့်လို့ ရနိုင်သေးပေမဲ့ မေလ ဇွန်လတွေမှာ မိုးခေါင်နိုင်မဲ့ အခြေအနေ(ဆည်ရေတွေခန်းတာ၊ မြေဆီလွှာစိုထိုင်းဆတွေ ကျသွားတာ စသည်ဖြင့်) တွေက အလယ်ပိုင်း/အထက်အညာဒေသတွေမှာ ဆိုးလာနိုင်လို့ သောက်ရေ သုံးရေအတွက် ကြိုတင်ပြင်ဆင်တာတွေ လုပ်ထားကြဖို့လိုလိမ့်မယ်လို့လည်း ဦးဝင်းနိုင်က သတိပေးပါတယ်။

ဧပြီလ ၁၉ ရက်မှ မေလ ၁ ရက်အထိကာလအတွင်း မြို့များအလိုက်ဖြစ်နိုင်သည့် အပူချိန်များကိုတော့ ပုံမှာကြည့်နိုင်ပါတယ်။ (ဦးဝင်းနိုင်ရဲ့ခန့်မှန်းချက်တွေဖြစ်ပါတယ်)

Photos Crd_ U Win Naing

#(ဆရာဦးဝင်းနိုင်အနေဖြင့် Windy App ရှိ ကမ္ဘာလုံးဆိုင်ရာမိုးလေဝသ Model များဖြစ်သည့် ECMWF Model နှင့် GFS Model ခန့်မှန်းချက်များကို အသုံးပြု၍ ကြိုတင်ခန့်မှန်းခြင်း ဖြစ်ပါသည်)

#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...