မျိုးစေ့ဆောင်ရောဂါတွေကာကွယ်ဖို့ ရေနွေး၊ မှိုသတ်ဆေး၊ ဇီဝပိုးများဖြင့် မျိုးစေ့ဆေးစီရင်နည်း

16/02/2022 16:30 PM တွင် Rob G Parker Rob G Parker မှ ရေးသား

တချို့မျိုးစေ့ဆောင်ရောဂါတွေက မျိုးစေ့အဆင့်မှာတင် မဖြစ်မနေ ကာကွယ်ဖို့ လိုအပ်ပါတယ်..။ ဒီလိုမျိုးစေ့က သယ်လာတဲ့ရောဂါတွေကို ဆေးစီရင်ခြင်းတွေနဲ့ ကာကွယ်တဲ့ နည်းလမ်းတွေက ရောဂါအားလုံးကို အပြည့်အဝ တားဆီးပေးနိုင်တာ မဟုတ်ပေမယ့် လုပ်သင့်လုပ်ထိုက်တဲ့ အလေ့အကျင့်ကောင်းတစ်ခုပါ..။ မျိုးစေ့စီရင်ခြင်းနည်းလမ်းတွေမှာတော့ ..

(၁) ရေနွေးဖြင့် မျိုးစေ့စီရင်ခြင်း၊ သန့်ခြင်း

(၂) မှိုသတ်ဆေးဖြင့် မျိုးစေ့စီရင်ခြင်း၊ သန့်ခြင်း

(၃) ဇီဝပိုးအကူအညီဖြင့် မျိုးစေ့စီရင်ခြင်း၊ သန့်ခြင်း။

ဆိုပြီး နည်းလမ်းတွေရှိပါတယ်..။ 

ရေနွေးဖြင့် မျိုးစေ့စီရင်ခြင်း၊ သန့်ခြင်း

ဒီနည်းနဲ့ မုံလာမျိုးရင်းတွေ၊ ခါကျက်ဥ၊ တရုတ်နံနံမျိုးတွေ၊ ခရမ်းပင်၊ ဆလတ်မုံညင်း၊ ကြက်သွန်နီ၊ ငရုတ်၊ ဟင်း နုနယ်၊ ခရမ်းချဉ်မျိုးစေ့တွေကို ရေနွေးသုံးပြီး မျိုးစေ့သန့်နိုင်ပါတယ်။

Alternaria, Fusarium, Verticillium နဲ့ ဘက်တီးရီးယားရောဂါများ Xanthomonas နဲ. Pseudomonas တွေကို နှိမ်နင်းတဲ့ နေရာမှာ အထောက်အကူဖြစ်ပါတယ်။

မုံညင်းမုံလာမျိုးတွေမှာဆိုရင်တော့ မြစ်ဆွေးပုပ် မှိုရောဂါတွေမှာ ထိရောက်မှုရှိတယ်လို့ သိထားကြပါတယ်။ ရေနွေးနဲ့ မျိုးစေ့စီရင်၊ သန့်တဲ့ပုံစံကတော့..

(၁) ရေအပူချိန် ၁၀၀ ဒီဂရီ ဖာရင်ဟိုက်မှာ ၁၀ မိနစ်ခန့်စိမ်ပါ။

(၂) ရေအပူချိန် တသမတ်တည်း ၁၂၂ ဒီဂရီ ဖာရင်ဟိုက်မှာ သတ်မှတ်အချိန်အလျောက် စိမ်ပါ။(ဥပမာ- မုံညင်းမုံလာမျိုးတွေကို မိနစ် ၂၀ ခန့်စိမ်ပေးပါ။)

(၃) ၅ မိနစ်စာမျှရေ အေးအေးဖြင့် လောင်းပေးပါ။

(၄) မျိုးစေ့များကို အခြောက်ခံ ပေးပါ။

သတိပြုစရာများ

(1) မျိုးစေ့ပေါက်နှုန်းကို ထိခိုက်မှု မရှိစေရန် သတ်မှတ်အပူချိန်ထက် မပိုစေရအောင် သတိပြုပါ။

ရောဂါဖြစ်စေသောသက်ရှိများကို အအေးဓာတ်အပူချိန်ဖြင့် သတ်မရပါ။

(2) မျိုးစေ့အတွင်း ရှိနေ၊ တွယ်ကပ်နေသော ရောဂါဖြစ်စေတဲ့ သက်ရှိ အရေအတွက် တော်တော်များများကို သင့်လျော်တဲ့ အပူချိန် ရေနွေးဓာတ်ဖြင့် မျိုးစေ့သန့်ထားခြင်းကနေ သုတ်သင်လိုက်သောကြောင့် မျိုးစေ့ ပေါက်နှုန်းကိုလဲ ထိန်းသိမ်းပေးပါတယ်။

မှိုသတ်ဆေးဖြင့် မျိုးစေ့စီရင်ခြင်း၊ သန့်ခြင်း

(၁) မျိုးစေ့ အနည်းငယ်ကို ဆေးစီရင်ရာမှာ အညွှန်းစာပြည့်စုံသော မှိုသတ်ဆေးကို အသုံးပြုပါ၊ ဖန်ဘူး၊ သံဘူးထဲ တွင် တဝက်မပြည့်တပြည့်ဖြည့်ထားသော မှိုသတ်ဆေး+မျိုးစေ့များကို ၃-၅ မိနစ်ခန်. အဖုံးလုံလုံထားပြီး လှုပ်ပေးပါ။

(၂) အထုပ်ဖြင့်လာပါက အထုပ်ထဲတွင် မှိုသတ်ဆေးအနည်းငယ်ထည့်ပီးမှ လှုပ်ပေးပါ။

(၃) မျိုးစေ့ပမာဏများပြားပါက လှည့်စက်၊ အရောမွှေစက်များဖြင့် သေသေချာချာ အချိန်သတ်မှတ် လှည့်မွှေပေးပါ။

(၄) မျိုးစေ့စီရင်ရန် အရည်ပျစ်များဖြင့်လာပါက မျိုးစေ့ခပ်များများကို ပိုမိုအဆင်ပြေ ပြေ မွှေလှုပ်ပေးနိုင်ပါတယ်။

(၅) မျိုးစေ့စီရင်ပီးသားဖြစ်ပါက ထပ်မံ မျိုးစေ့စီရင်ရန် အကြံမပြုပါ။

သတိပြုစရာများ

(၁) ဆေးစီရင်ပြီး မျိုးစေ့များနဲ့ မှိုသတ်ဆေးအများစုဟာ အဆိပ်သင့်ရန် အလားအလာရှိလို့ ဂရုတစိုက် သတိ ထားကိုင်တွယ်ပါ၊ အညွှန်းစာကို သေချာစွာဖတ်ရှုပါ၊ လိုအပ်ပါက ကျွမ်းကျင်လယ်ယာစိုက်ပျိုးရေး ပညာရှင်များနဲ. တိုင်ပင်ဆွေးနွေးပါ။

(၂) အငွေ့အမှုန်များကို ရှူမိခြင်းကနေ ရှောင်ကြဉ်နိုင်ရန် မျက်နှာဖုံး အကာအကွယ်ပစ္စည်းများ တပ်ဆင်ထားပါ။

ကလေးသူငယ်များ ၊ အိမ်မွေးတိရစ္ဆာန်များ၊ အိမ်မွေး ကြက်ငှက်များ ဝေးရာတွင် ဆေးစီရင်ပြီး မျိုးစေ့များ၊ မှိုသတ် ဆေးများကို ထားသိုရာမှာလည်း လက်လှမ်းမမီအောင် သော့ခတ်ပါ၊ ဆေးစီရင်ပြီး မျိုးစေ့များကို တိရစ္ဆာန်များကို မကျွေးရပါ။

ဇီဝပိုးအကူအညီဖြင့် မျိုးစေ့စီရင်ခြင်း၊ သန့်ခြင်း။

(၁) မျိုးစေ့အနည်းငယ်ကို ဆေးစီရင်ရာမှာ အညွှန်းစာပြည့်စုံသော ဇီဝပိုးမွှားပါ ဆေးမှုန့်များကိုသာ အသုံးပြုပါ။ ဖန်ဘူး၊ သံဘူးထဲမှာ တဝက်မပြည့်တပြည့်ဖြည့်ထားသော ဇီဝပိုးမွှားပါ ဆေးမှုန့် + မျိုးစေ့များကို ၃-၅ မိနစ်ခန့် အဖုံး လုံလုံထားပီး လှုပ်ပေးပါ။

(၂) အထုပ်ဖြင့်လာပါက အထုပ်ထဲမှာ ဇီဝပိုးမွှားပါ ဆေးမှုန့်အနည်းငယ်ထည့်ပီးမှ လှုပ်ပေးပါ။

(၃) မျိုးစေ့ပမာဏများပြားပါက လှည့်စက်၊ အရောမွှေစက်များဖြင့် သေသေချာချာ အချိန်သတ်မှတ် လှည့် မွှေပေးပါ။

(၄) မျိုးစေ့စီရင်ရန် အရည်ပျစ်များဖြင့်လာပါက မျိုးစေ့ခပ်များများကို ပိုမိုအဆင်ပြေ ပြေ မွှေလှုပ်ပေးနိုင်ပါတယ်။

(၅) ဇီဝပိုးမွှားပါ ဆေးများကို မြေပြင်နဲ့ စိုက်သားပြင်တွေကို အသုံးချဖို့ ထုတ်လုပ်ကြတာများပါတယ်။

(၆) ဆေးစီရင်ပြီးသား မျိုးစေ့များဖြစ်ပါက ထပ်မံ မျိုးစေ့စီရင်ရန် အကြံမပြုပါ။

သတိပြုစရာများ

(၁) ဇီဝပိုးမွှားဖြင့် နှိမ်နင်းကြရာတွင် သဘာဝပတ်ဝန်းကျင်အ ခြေ အနေများအတွက် အကဲဆတ် အထိမခံ ဖြစ်တတ် ပါတယ်။ သိုလှောင်ရာမှာ၊ ကိုင်တွယ်ရာမှာ သတိထားပြီး ဂရုတစိုက် ရှိရပါမယ်။ ခပ်ပြင်းပြင်းအပူချိန်များတွင် မထားသိုရပါ။

(၂) အငွေ့အမှုန်များကို ရှူမိခြင်းကနေ ရှောင်ကြဉ်နိုင်ရန် မျက်နှာဖုံး အကာအကွယ်ပစ္စည်းများ တပ်ဆင်ထားပါ။

(၃) ကလေးသူငယ်များ ၊ အိမ်မွေးတိရစ္ဆာန်များ၊ အိမ်မွေး ကြက်ငှက်များ ဝေးရာတွင် ဆေးစီရင်ပြီး မျိုးစေ့များ၊ ဇီဝပိုးမွှားဆေးများကို ထားသိုရာတွင်လည်း လက်လှမ်းမမှီအောင် သော့ခတ်ပါ။ ဆေးစီရင်ပြီး မျိုးစေ့များကို တိရစ္ဆန်များအား မကျွေးရပါ။

(၄) အညွှန်းစာကိုသေချာစွာဖတ်ရှုပါ။ လိုအပ်ပါက ကျွမ်းကျင်လယ်ယာစိုက်ပျိုးရေးပညာရှင်များနဲ့ တိုင်ပင်ဆွေးနွေးပါ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်