ဝက်ဆားအဆိပ်သင့်ခြင်း(သို့) ဝက်ရေငတ်ရောဂါ

ဝက်များဆားအဆိပ်သင့်ရောဂါ (Salt Poisoning) သည် ဝက် အသက်အရွယ်မရွေး ဖြစ်ပွားနိုင်ပါသည်။ အထူးသဖြင့် ဝက်သောက်ရေ ပြတ်လပ်ခြင်း၊ ဝက်များသယ်ဆောင်ရာတွင် ခရီးလမ်းကြာရှည်ကာ သောက်ရေပေးရန်ပျက်ကွက်ခြင်းနှင့်လည်း ဆက်စပ်နေသည်။

ဤရောဂါသည် ဆရာဝန်အများစု ပြောလေ့ပြောထနည်းသောကြောင့် အမေ့ခံရောဂါလည်းဖြစ်သည်။ ဝက်များ သောက်ရေလုံလောက်စွာ မရချိန်တွင်ဖြစ်တတ်သောကြောင့် ဝက်ရေငတ်ရောဂါ ( water deprivation ) ဟုလည်း ခေါ်ဆိုပါသေးသည်။

ဖြစ်ပွားရသောအကြောင်းရင်း

၁။ ပုံမှန်အားဖြင့်ဝက်စာအစာတွင် ဆား ဝ.၄-ဝ.၅ % ထည့်သွင်းစပ်ကြခြင်းသည် ပုံမှန်ဖြစ်သည်။ အဆိပ်အတောက်မဖြစ်ပါ။ သို့သော် ဝက်ကသောက်ရေပြတ်လတ်ခြင်းဖြစ်လျှင် ဆားအဆိပ်သင့်ပါသည်။ အချို့ဝက်မွေးတောင်သူတို့သည် ဝက်များ နာမကျန်းသည့်အသွင်တွေ့ရလျှင် ဆားကျွေးခြင်း၊ ဂျင်း ငရုတ် ဆားကျွေးခြင်းဖြင့် ကုသလေ့ရှိပြီး ယင်းကဲ့သို့ ကုသပြီး ရေတိုက်ကျွေးခြင်း မရှိပါကလည်း ဆားအဆိပ်သင့်နိုင်ပါသည်။
၂။ အစာစားနှုန်းကောင်းအောင် အစာတွင် ငါးပိထည့်ကျွေးခြင်း၊ သို့မဟုတ် စပ်စာတွင် ဆားအလွန်များခြင်း ၊ အငန်ဓာတ်များသော ငါးခြောက်တို့နှင့်ရောစပ်ကျွေးခြင်းတို့ကလည်း ဆားအဆိပ်သင့်ခြင်းကို ဖြစ်စေပါသည်။
၃။ Nipple ပိုက်ဖြင့် ရေတိုက်သောဝက်ခြံတွင် ရေပိုက်ပိတ်ဆို့ခြင်း၊ ကန်တွင်းရေကုန်သည်ကို မစစ်ဆေးခြင်းတို့ကလည်း ဤရောဂါဖြစ်ပွားမှုဆီ ဦးတည်စေနိုင်သည်။

ဆားအဆိပ်သင့်ခြင်းကြောင့်တွေ့ရသည့်လက္ခဏာများ

အစောပိုင်းအဆင့်တွင် အစာစားပျက်ခြင်း
ဝက်အုပ်လိုက် အစာလုံးဝမစားခြင်း
Nipple ပိုက်ဖြင့်ရေတိုက်သော ခြံတွင် nipple ခေါင်းကို မကြာမကြာကိုက်ခြင်း
လမ်းသွားလျှင် ဒယီးဒယိုင်ဖြစ်ခြင်း၊ အာရုံကြောလက္ခဏာများဖြစ်သည့် အသားတဆတ်ဆတ်တုန်ခြင်း
မျက်မမြင်ကဲ့သို့ ဟိုဟိုဒီဒီ လျှောက်နေခြင်း
အလွန်သိသာသည့် လက္ခဏာမှာ ခွေးကဲ့သို့ ဖင်ထိုင်ခြင်း
ဦးနှောက်အမြှေးရောင်ခြင်း ( menigitis )
သွက်ချာပါဒဖြစ်ခြင်း( လဲနေခြင်း၊ လျှာကိုကိုက်ဝါးခြင်း၊ သွားရည်ကျခြင်း)။
နားရွက်ထိပ်နီခြင်း၊ ဝမ်းဗိုက်နီခြင်း (ထိုအခါ နားရွက်ပြာ၊ အာဖရိကန်ဝက်အပြင်းဖျားရောဂါတို့နှင့် ဆင်တူနေတတ်သည်)

ရံဖန်ရံခါ သေနှုန်းမြင့်မားတတ်ပါသည်။

ကာကွယ်ကုသခြင်း

ဤရောဂါအတွက် ဆေးကုသခြင်းသည် သိပ်မထိရောက်လှ၊ ကြိုတင်ကာကွယ်ခြင်းသည်သာ ထိရောက်သည်။

ရောဂါဖြစ်ပွားမှုကိုတွေ့ရှိပါက..

ပါးစပ်မှ ဓာတ်ဆားရေတိုက်ပါ။ ပိုက်ပျော့ဖြင့်လည်း ပါးစပ်မှ တိုက်နိုင်သည်။ ပြင်းထန်ပါက အစက်ချတိုက်ပါ။ ချိုငန် အကြောဆေးအရည်( 5 % ) အကြောဆေးပေးနိုင်သည်။
Corticosteroid ထိုးဆေးပေးခြင်းကလည်း အကူအညီ ဖြစ်စေပါသည်။
သောက်ရေစံနစ်တစ်လျှောက်လုံး စစ်ဆေးပါ။ ပိုက်များပိတ်ဆို့နေပါက အမြန်ပြုပြင်ပါ။
သောက်ရေပေးစံနစ်ကို ပုံမှန် နေ့စဉ်စစ်ဆေးသင့်သည်။
ခရီးရှည်သွားလျှင် အနားပေး၍ ရေတိုက်ပါ။

ယခုအချိန်လို အစာဈေးကြီးပြီး ဝက်ဈေးကောင်းချိန်တွင် မွေးမြူရေးတောင်သူများအနေဖြင့် သာမန်ဂရုစိုက်မှုထားရုံဖြင့် ကာကွယ်နိုင်သည့် ဒီဆားအဆိပ်သင့်ရောဂါကြောင့် ပျက်စီးဆုံးရှုံးမှု မကြုံစေရန် တင်ပြပေးလိုက်ခြင်းဖြစ်ပါသည်။

Dr. ညွှန့်ရွှေ ( မွေးမြူဆေးကု )

Reference: The Pigsites

Salt intoxication

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...