သင်မသိသေးတဲ့ ဒိန်ချဥ်ရဲ့ အသုံးဝင်ပုံများ

မနက်ခင်း နိုးထတဲ့အချိန်မှာ ဒိန်ချဉ်တစ်ခွက်သောက်သုံးခြင်းက သင့် ကျန်းမာရေးအတွက်ရော အသားအရေအလှအပအတွက်ပါ အကျိုးဖြစ်ထွန်းစေတယ်ဆိုတာကို သင် သိပြီးပါပြီလား။ ဒိန်ချဉ်ထဲမှာ ပါဝင်တဲ့ ဇင့်ဓာတ်၊ Lactic အက်စစ်ဓာတ်တို့က ဆံကေသာနဲ့ အသားအရေအတွက် အထောက်အပံ့ပေးနိုင်တဲ့ ဓာတ်တွေပဲ ဖြစ်ပါတယ်။

သင့်ရဲ့ ကိုယ်ခံစွမ်းအားကို မြှင့်တင်ပေးဖို့ရန်အတွက် ဒိန်ချဉ်ကို အသုံးပြုပါ

ပြင်ပမှ ရောဂါပိုးမွှားများ ခန္ဓာကိုယ်ထဲ ဝင်ရောက်လာတဲ့အခါ တိုက်ခိုက်ပေးပြီး ကိုယ်ခံစွမ်းအားကို မြှင့်တင်ပေးမယ့်အာဟာရဓာတ်များ ဒိန်ချဉ်ထဲမှာ ကြွယ်ဝစွာပါဝင်ပါတယ်။ ရာသီဥတု အကူးအပြောင်းကြောင့်ပဲဖြစ်ဖြစ် ပင်ပန်းနွမ်းနယ်လွန်းလို့ ကိုယ်ခံအားနည်းသွားပြီး မကြာခဏဖျားနာတတ်တယ်ဆိုရင် ဒိန်ချဉ်ကတော့ သမားတော်ကောင်းတစ်ယောက်ပါပဲ။

သွားများ ဖြူဖွေးတောက်ပအောင် ကူညီပေးခြင်း

သွားဖြူအောင် ပြုလုပ်ရမယ့် ကုသနည်းတွေက ဈေးကြီးလွန်းလှပါတယ်။ ဈေးသက်သာပြီး ကောင်းကျိုးအမြောက်အမြားပေးစွမ်းနိုင်တဲ့ ဒိန်ချဉ်ရှိနေမှတော့ အခြားအရာတွေ လိုပါဦးတော့မလား။ လုပ်နည်းလေးကတော့ မခက်ပါဘူး။ ဒိန်ချဉ်ကို သွားပေါ်မှာ ပွတ်တိုက်ပေးလိုက်ရုံပါပဲ။ နေ့တိုင်းပြုလုပ်ပေးမယ်ဆိုရင် နှစ်ပတ်ကြာတဲ့အခါ သွားလေးက ဖြူဖွေးတောက်ပြောင်သွားမှာပဲ ဖြစ်ပါတယ်။ သွားကြွေလွှာတွေကို မပျက်စီးစေတာကြောင့် အသုံးပြုသင့်တဲ့ နည်းလမ်းလေးတစ်ခုပါပဲ။

ခန္ဓာကိုယ် ကြေးချွတ်ပေါင်းတင်ဆေးအဖြစ် အသုံးပြုနိုင်ခြင်း

အပြင်တွေ သွားရတာများလွန်းလို့ အညစ်အကြေး၊ ဖုန်မှုန့်နဲ့ နေလောင်ဒဏ်တို့ကြောင့် အသားအရေက ညိုညစ်ညစ်ဖြစ်နေလို့ စိတ်ညစ်နေပါသလား။ အုတ်ဂျုံ (သို့) သံပုယိုသီးအခွံကို ဒိန်ချဉ်နဲ့ သမအောင် ရောမွှေပေးလိုက်ပါ။ ထို့နောက် အသားအရေပေါ်မှာ စက်ဝိုင်းပုံသဏ္ဍာန် ပွတ်လိမ်းပေးလိုက်ပါ။ မိနစ်အနည်းငယ်လောက်ကြာမှ ကြက်သီးနွေးရေနွေးလေးနဲ့ ဆေးကြောပေးလိုက်ပါ။ အသားအရေက အစိုဓာတ်ပြည့်ဝသွားတာကြောင့် နူးညံ့ချောမွတ်သွားမှာပဲ ဖြစ်ပါတယ်။

အပူဖုများကို သက်သာစေခြင်း

ပါးစပ်အတွင်းထဲမှာ (သို့) သွားဖုံးပေါ်မှာ (သို့) ပါးစောင်ထဲမှာ အပူဖုတွေ ပေါက်နေရင် အင်မတန် ခံရခက်ပါတယ်။ အဲ့ဒီလိုအပူဖုတွေကို သက်သာပျောက်ကင်းစေချင်တယ်ဆိုရင်တော့ ဒိန်ချဉ်ကိုသာ သတိရလိုက်ပါ။ ဒိန်ချဉ်ကို စားသုံးပေးလို့လည်း ရသလို အပူဖုနေရာပေါ်မှာ သုတ်လိမ်းပေးမယ်ဆိုလည်း ရပါတယ်။

ဝက်ခြံများကို ပျောက်ကင်းသက်သာစေပြီး အရွယ်မတိုင်ခင် အိုမင်းရင့်ရော်ခြင်းကိုလည်း တားဆီးပေးခြင်း

ဝက်ခြံပေါက်တဲ့နေရာပေါ်မှာ ဒိန်ချဉ်ကို လိမ်းကျံပေးလိုက်ပါ။ မိနစ် ၃၀ ခန့်ကြာမှ ကြက်သီးနွေး ရေနွေးလေးနဲ့ ဆေးကြောပေးလိုက်ပါ။ ဒိန်ချဉ်ထဲမှာ ပါဝင်တဲ့ Lactic အက်စစ်က ဆဲလ်သေများကို ပျော်ဝင်သွားအောင် ကူညီပေးပြီး အရွယ်မတိုင်ခင်မှာ ဖြစ်ပေါ်တတ်တဲ့ အရေးအကြောင်းနှင့် ပါးရေတွန့်ခြင်း ရန်မှလည်း ကာကွယ်ပေးပါတယ်။

Source: ba-bamail.com

MyFood Myanmar website မှ ကူးယူဖော်ပြပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...