မတ် ၁၅ ရက်ကစ၍ မိုးများပြန်လည်ဆုတ်ခွာသွားမည်

မတ် ၁၂ ရက်ကစလို့ ပြည်နယ်အချို့မှာ မိုးရွာသွန်းမှုတွေစတင်ခဲ့ပြီး မတ် ၁၃ ရက်မှာတော့ နေရာအတော် များများမှာ ရွာသွန်းခဲ့တဲ့မိုးတွေဟာ မနက်ဖြန် မတ် ၁၅ ရက်ကစလို့ တဖြည်းဖြည်း ပြန်လည် ဆုတ်ခွာ သွားဖြစ်တယ်လို့ နိုင်ငံတကာ မိုးလေဝသထုတ်ပြန်ချက်များကို ကိုးကားပြီး မိုးလေဝသခန့်မှန်းသူ ဦးဝင်းနိုင်က ပြောပါတယ်။

အရှေ့မြောက်ဘက်က လေဖိအားများရပ်ဝန်းကြီးနဲ့ လေပွေလှိုင်းများရွေ့လျားဝင်ရောက်လာမှုကြောင့် အချိန်အခါမဟုတ်မိုးရွာသွန်းမှုတွေရှိခဲ့တာဖြစ်ပြီး အချို့နေရာတွေမှာတော့ လေပြင်းတိုက်ခတ်မှုတွေပါ ရှိခဲ့တာ ဖြစ်ပါတယ်။ ဒီနေ့ မတ် ၁၄ ရက်မှာတော့ ဒေသအများစုမှာ မိုးရွာသွန်းမှုတွေမရှိတော့ဘဲ ဒီနေ့ညနေပိုင်းကစလို့ နေရာအများစုမှာ တိမ်တွေ ပြန်ရှင်းသွားတော့မယ်လို့ ဦးဝင်းနိုင်က သုံးသပ်ပါတယ်။

“ တိမ်တွေလည်း ဒီနေ့ညပိုင်းဆိုရင် ရှင်းသွားပါလိမ့်မယ်။ တကယ်တမ်း မိုးရွာနိုင်တဲ့နေရာတွေမှာလည်း အပူချိန်နဲ့ ငွေ့ရည်ဖွဲ့မှတ်တွေလေ့လာကြည့်တော့ အတော်ကွာနေလို့ ကျနော်ကတော့ မိုးများများရွာနိုင်မဲ့အခြေအနေ ပြီးသလောက်ဖြစ်သွားပြီလို့ပဲ ကောက်ချက်ချပါတယ်။ ဒါက မုန်တိုင်းတစ်လုံးမဟုတ်ဘဲ ထူးခြားဖြစ်စဉ်တစ်ခုပါပဲ” လို့ ဦးဝင်းနိုင်က ပြောပါတယ်။

နောက်လာမဲ့ ၂၄ နာရီကနေ ၄၈ နာရီအတွင်း ကချင်ပြည်နယ်ကလွဲလို့ ကျန်တဲ့ပြည်နယ်တိုင်းတွေကတော့ ရွာရန်ရာနှုန်း ၂၅% လောက်ပဲ ရှိနိုင်တော့ကာ မိုးရွာနိုင်ခြေရှိဦးမဲ့ဒေသအချို့ဟာလည်း အခြေအနေတွေ အတော်လေးကိုက်ညီမှသာ ခပ်ပါးပါးလောက်ပဲ ရွာနိုင်တော့မယ်လို့ ဦးဝင်းနိုင်က ခန့်မှန်းပါတယ်။

“ကချင်ပြည်နယ်မှာတောင် နောက် ၄၈ နာရီအတွင်း အတော်ကို ပါးပါးလေးပါပဲ။ တစ်လက်မ ၃ ပုံ ၁ ပုံတောင် မပြည့်နိုင်ပါဘူးဗျ။ ဒါကလဲ TEMP vs DEW-Point တွေ အတော်ကို ကိုက်ညီပြီး တိမ်ထုဝင်လာတဲ့ အခြေအနေလည်း ရှိဦးမှပါ။ လက်ရှိမှာတော့ တိမ်တွေဝင်လာနိုင်ချေက မရှိသလောက်ဖြစ်နေပြီး TEMP-DEW POINT ကလည်း တအားကွာဟနေတယ်” လို့ ဦးဝင်းနိုင်က ဆိုပါတယ်။

ဒီနေ့ မတ်လ ၁၄ ရက် မနက် ၉ နာရီခွဲအချိန် တိုင်းထွာချက်များအရ ပြီးခဲ့တဲ့ (၂၄)နာရီအတွင်း ရခိုင်ပြည်နယ်နှင့် ကရင်ပြည်နယ်တို့တွင် နေရာကွက်ကျား၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ ရှမ်းပြည်နယ် (တောင်ပိုင်းနှင့် အရှေ့ပိုင်း)နှင့် မွန်ပြည်နယ်တို့တွင် နေရာကျဲကျဲ၊ ရှမ်းပြည်နယ် (မြောက်ပိုင်း)တွင် နေရာစိပ်စိပ်နှင့် ရန်ကုန်တိုင်းဒေသကြီးနှင့် ဧရာဝတီတိုင်းဒေသကြီးတို့တွင် နေရာအနှံ့အပြား မိုးထစ်ချုန်းရွာခဲ့ပြီး ဧရာဝတီတိုင်းဒေသကြီးတွင် နေရာကွက်၍ မိုးကြီးခဲ့ကာ ကျန်တိုင်းဒေသကြီးနှင့် ပြည်နယ်တို့တွင် တိမ်အသင့်အတင့် ဖြစ်ထွန်းခဲ့တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနက သတင်းထုတ်ပြန်ထားပါတယ်။

Photos Crd_U Win Naing

#(ဆရာဦးဝင်းနိုင်အနေဖြင့် Windy App ရှိ ကမ္ဘာလုံးဆိုင်ရာမိုးလေဝသ Model များဖြစ်သည့် ECMWF Model နှင့် GFS Model ခန့်မှန်းချက်များကို အသုံးပြု၍ ကြိုတင်ခန့်မှန်းခြင်း ဖြစ်ပါသည်)

#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...