တိုင်းနှင့်ပြည်နယ် ၁၁ ခုရှိ နေရာအချို့တွင် အချိန်အခါမဟုတ် မိုးရွာသွန်းနိုင်

မနက်ဖြန် မတ် ၂၉ ရက်မနက်ထိ ခန့်မှန်းချက်တွေအရ တိုင်းနဲ့ပြည်နယ် ၁၁ ခုရှိ နေရာအချို့မှာ နေရာစိပ်စိပ်၊ နေရာကျဲကျဲနဲ့ နေရာကွက်ကျား မိုးထစ်ချုန်းရွာတာတွေရှိနိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနက ထုတ်ပြန်ပါတယ်။ 

မနက်ဖြန်မနက်အထိခန့်မှန်းချက်တွေအရ စစ်ကိုင်းတိုင်းဒေသကြီးအထက်ပိုင်းနှင့် ကချင်ပြည်နယ်တို့မှာ နေရာစိပ်စိပ်၊ စစ်ကိုင်းတိုင်းဒေသကြီးအောက်ပိုင်း၊ တနင်္သာရီတိုင်းဒေသကြီး၊ ရှမ်းပြည်နယ်နှင့် ချင်းပြည်နယ်တို့တွင် နေရာကျဲကျဲနဲ့ နေပြည်တော်၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ရခိုင်ပြည်နယ်၊ ကရင်ပြည်နယ်နှင့် မွန်ပြည်နယ်တို့မှာ နေရာကွက်ကျားမိုးထစ်ချုန်းရွာနိုင်ပြီး ရွာရန်ရာနှုန်း(၈၀) ဖြစ်တယ်လို့ ဒီနေ့မနက် ၉ နာရီခွဲအချိန် တိုင်းထွာချက်အကျဉ်းချုပ်ကို မိုး/ဇလ က ထုတ်ပြန်ရာမှာ ထည့်သွင်းဖော်ပြထားတာပါ။

လွန်ခဲ့သော(၂၄)နာရီအတွင်းက ရှမ်းပြည်နယ်(တောင်ပိုင်း)နှင့် ချင်းပြည်နယ်တို့တွင် နေရာစိပ်စိပ်နှင့် စစ်ကိုင်းတိုင်းဒေသကြီးအထက်ပိုင်းနဲ့ မန္တလေးတိုင်းဒေသကြီးတို့မှာ နေရာကွက်ကျားမိုးထစ်ချုန်းရွာခဲ့တာတွေရှိတယ်လို့လည်း မိုး/ဇလ ထုတ်ပြန်ချက်မှာ ပါရှိပါတယ်။

ပြီးခဲ့တဲ့တစ်ပတ် မတ် ၂၀ ရက်ကနေ ၂၃ ရက်အထိတုန်းကလည်း မြန်မာနိုင်ငံကို ဖြတ်သန်းခဲ့တဲ့ မုန်တိုင်းငယ်အရှိန်ကြောင့် တိုင်းနဲ့ပြည်နယ်အားလုံးရှိ ဒေသအများစုမှာ အချိန်အခါမဟုတ် မိုးရွာသွန်းမှုတွေဖြစ်ပေါ်ခဲ့ပါတယ်။

အဲ့ဒီလို မိုးရွာသွန်းမှုတွေအတွင်း မကွေးတိုင်းဒေသကြီး၊ စလင်းမြို့နယ်ရှိ စလင်းချောင်းအတွင်း ရေကြီးရေလျှံမှုတွေကြောင့် ချောင်းရိုးအနိမ့်ပိုင်းတစ်လျှောက်ရှိ ကြက်သွန်စိုက်ခင်းများ ပျက်စီးခဲ့ရသလို မန္တလေးတိုင်းဒေသကြီး၊ မြင်းခြံမြို့နယ်ရှိ ဆင်တဲဝချောင်းဘက်မှာလည်း ရေကြီးမှုကြောင့် ချောင်းရိုးတစ်လျှောက်ရှိ ကြက်သွန်စိုက်ခင်းအချို့ ရေနစ်မြုပ်မှုတွေရှိခဲ့တယ်လို့ သိရပါတယ်။

ပုံစာ - ပြီးခဲ့သည့်တစ်ပတ်မိုးရွာသွန်းမှုများအတွင်း ချောင်းရေကြီးပျက်စီးခဲ့သည့် မကွေးတိုင်းအတွင်းက ကြက်သွန်စိုက်ခင်းအချို့ (ဓာတ်ပုံ - သားဘုန်း FB)

အခုလို နွေရာသီမှာ အချိန်အခါမဟုတ်မိုးများရွာသွန်းခဲ့ရင် တောင်သူများလုပ်ဆောင်သင့်တဲ့အချက်တွေကိုတော့ ဒီလင့်  https://greenwaymyanmar.com/posts/Depression_Precaution_for_Farmers_in_Agriculture ကနေ ဖတ်ရှုလေ့လာနိုင်ပါတယ်။

ဓာတ်ပုံများခရက်ဒစ် - သားဘုန်းနှင့် Aung Lwin Oo FB

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်