ရန်ကုန်တိုင်းဘက် မိုးရွာရန်မရှိသေး၊ ဒေသအချို့ အပူချိန်စံချိန်သစ်တင်

ဒီနေ့ မွန်းလွဲပိုင်း/ညနေနဲ့ ညဘက်တွေမှာ တနင်္သာရီတိုင်း၊ ကရင်ပြည်နယ်နဲ့ မွန်ပြည်နယ်တွေမှာ မိုးရွာနိုင်ပြီး ရန်ကုန်တိုင်းအပါအဝင် ကျန်တဲ့ပြည်နယ်နဲ့တိုင်းဒေသတွေမှာတော့ နေ့အပူချိန်တွေမြင့်နေသေးတာကြောင့် မိုးရွာနိုင်မဲ့ အခြေအနေမရှိသေးဘူးလို့ နိုင်ငံတကာမိုးလေဝသထုတ်ပြန်ချက်တွေကို ကိုးကားပြီး မိုးလေဝသ ခန့်မှန်းပေးနေသူ ဦးဝင်းနိုင်က ပြောပါတယ်။

လက်ရှိမှာတော့ ဒေသအချို့မှာ မိုးရွာသွန်းတာ၊ လေပြင်းတိုက်တာ၊ မိုးသီးကြွေတာတွေဖြစ်ပြီး အပူချိန် အတိုင်းအတာတစ်ခုထိ လျော့ကျခဲ့ကြပေမဲ့ ရန်ကုန်တိုင်းမှာတော့ ဦးဝင်းနိုင်ရဲ့ခန့်မှန်းချက်အရကော၊ မိုးလေဝသနှင့် ဇလဗေဒညွှန်ကြားမှုဦးစီးဌာနရဲ့ထုတ်ပြန်ချက်အရကော မနက်ဖြန်အထိ မိုးရွာနိုင်ခြေ မရှိသေးတာဖြစ်ပါတယ်။

မိုး/ဇလရဲ့ ဒီနေ့ ဧပြီ ၂၆ ရက် မွန်းလွဲ ၂ နာရီအချိန် တိုင်းထွာချက်ထုတ်ပြန်ချက်မှာတော့ ‘ လွန်ခဲ့သော(၂၄)နာရီအတွင်းက တနင်္သာရီတိုင်းဒေသကြီးတွင် နေရာအနှံ့အပြား၊ ကချင်ပြည်နယ်တွင် နေရာစိပ်စိပ်၊ စစ်ကိုင်းတိုင်းဒေသကြီးအောက်ပိုင်းနှင့် ကယားပြည်နယ်တို့တွင် နေရာကျဲကျဲနှင့် စစ်ကိုင်းတိုင်းဒေသကြီးအထက်ပိုင်း၊ မကွေးတိုင်းဒေသကြီး၊ ပဲခူးတိုင်းဒေသကြီးနှင့် ရှမ်းပြည်နယ်(မြောက်ပိုင်း)တို့တွင် နေရာကွက်ကျား မိုးထစ်ချုန်းရွာခဲ့ပြီး၊ ကျန်တိုင်းဒေသကြီးနှင့် ပြည်နယ် တို့တွင် တိမ်အသင့်အတင့် ဖြစ်ထွန်းခဲ့ပါသည်’ လို့ ဖော်ပြထားပါတယ်။

အပူချိန်တွေကတော့ ဒေသအများစုမှာ ဆက်လက်မြင့်တက်နေပြီး ရန်ကုန်တိုင်းအပါအဝင် နေရာအများစုမှာ ဧပြီလရဲ့ ပျမ်းမျှအပူချိန်တွေထက် ပိုမိုခဲ့တယ်လို့ သိရပါတယ်။

‘ နေ့အပူချိန်များမှာ ကချင်ပြည်နယ်၊ ရှမ်းပြည်နယ်(အရှေ့ပိုင်း)နှင့် မွန်ပြည်နယ်တို့တွင် ဧပြီလ၏ ပျမ်းမျှ အပူချိန်တို့ထက် (၅)ဒီဂရီစင်တီဂရိတ်၊ စစ်ကိုင်းတိုင်းဒေသကြီးအထက်ပိုင်း၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ရှမ်းပြည်နယ်(တောင်ပိုင်း)၊ ရခိုင်ပြည်နယ်နှင့် ကရင်ပြည်နယ်တို့တွင် ဧပြီလ၏ ပျမ်းမျှအပူချိန်တို့ထက် (၃)ဒီဂရီစင်တီဂရိတ်မှ (၄)ဒီဂရီစင်တီ ဂရိတ်အထိနှင့် နေပြည်တော်၊ စစ်ကိုင်းတိုင်းဒေသကြီးအောက်ပိုင်း၊ ရှမ်းပြည်နယ်(မြောက်ပိုင်း)နှင့် ကယားပြည်နယ်တို့တွင် ဧပြီလ၏ ပျမ်းမျှအပူချိန်တို့ထက် (၂)ဒီဂရီစင်တီဂရိတ်ပိုခဲ့ပြီး ကျန်တိုင်းဒေသကြီးနှင့် ပြည်နယ်တို့တွင် ဧပြီလ၏ ပျမ်းမျှအပူချိန်ခန့်သာရှိခဲ့ပါသည်’ လို့ မိုး/ဇလရဲ့ ဒီနေ့ မွန်းလွဲ ၂ နာရီအချိန် တိုင်းထွာချက်ထုတ်ပြန်ချက်မှာ ဆိုထားပါတယ်။

‘ထူးခြားသည့် နေ့အပူချိန်များအဖြစ်တော့ ဘော်လခဲမြို့နှင့် မြဝတီမြို့တို့တွင် (၄၄)ဒီဂရီစင်တီဂရိတ်စီနှင့် ရွှေကျင်မြို့နှင့် သိမ်ဇရပ်မြို့တို့တွင် (၄၃)ဒီဂရီစင်တီဂရိတ်စီတို့ ဖြစ်ကြပါသည်’ လို့လည်း မိုး/ဇလရဲ့ ထုတ်ပြန်ချက်မှာ ထည့်သွင်းဖော်ပြထားပါတယ်။

ဒေသအချို့မှာတော့ အပူချိန် စံချိန်သစ်တွေ တင်နေပါတယ်။ ပုံမှာ ကြည့်နိုင်ပါတယ်။

အခုအချိန် ဒေသအချို့မှာ မိုးရွာတာ မိုးသီးကြွေတာတွေကတော့ အမြင့်ပေ ၃၀၀၀၀ ကျော်မှာ ဖြစ်နေတဲ့ မိုးတိမ် တောင်တွေကြောင့် ဖြစ်တယ်လို့ ဦးဝင်းနိုင်က သုံးသပ်ပါတယ်။

“ အမြင့်ပေ ၃၀,၀၀၀ ကျော်မှာ မိုးတိမ်တောင်တွေဖြစ်တယ်၊ အဲ့ဒီအမြင့်မှာ အပူချိန်နဲ့ ငွေ့ရည်ဖွဲ့မှတ်တွေ သွားတူတဲ့အချိန် အရည်အဖြစ်ပြောင်းလာတဲ့အခါ နေရာအနှံ့ကို လေစီးကြောင်းအခြေအနေပေါ်လိုက်ပြီး ကျတာပါပဲ။ ဖြစ်တဲ့နေရာမှာတော့ မိုးသီးကျချင်မှကျမှာ။ အမြင့်ပေ ၃ သောင်းက ကျလာရတာဆိုတော့”

မိုးသီးကြွေတာကတော့ လေစီးကြောင်းနောက်လိုက်ပြီး ရွေ့ပြီးကျမှာဆိုတော့ မိုးရွာနိုင်တဲ့နေရာတွေမှာ မိုးသီးပါ ကျနိုင်မကျနိုင်ဆိုတာက အဲ့ဒီအချိန် လေတိုက်ရာအရပ်နဲ့ လေစီးကြောင်းပေါ်မူတည်ပြီး ဘယ်နေရာဖြစ်ဖြစ် ကျသွားနိုင်တယ်လို့လည်း ဦးဝင်းနိုင်က ပြောပါတယ်။

Photos Crd_U Win Naing, မိုး/ဇလ

#(ဆရာဦးဝင်းနိုင်အနေဖြင့် Windy App ရှိ ကမ္ဘာလုံးဆိုင်ရာမိုးလေဝသ Model များဖြစ်သည့် ECMWF Model နှင့် GFS Model ခန့်မှန်းချက်များကို အသုံးပြု၍ ကြိုတင်ခန့်မှန်းခြင်း ဖြစ်ပါသည်)

#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...