လာမည့် ၅ ရက်အတွင်း ဒေသအများစု မိုးများနေဦးမည်ဖြစ်ပြီး ရေကြီးရေလျှံ၊ တောင်ပြိုမှုများ သတိထားရန်လို

12/08/2022 16:50 PM တွင် အစိမ်းရောင်လမ်း အစိမ်းရောင်လမ်း မှ ရေးသား

လာမယ့် ၅ ရက်အတွင်း တိုင်းနဲ့ပြည်နယ်အများစုရှိ ဒေသအများစုမှာ မိုးများနေဦးမှာဖြစ်လို့ တောင်ကျချောင်းရေတွေဆင်းနိုင်တဲ့နေရာတွေမှာ ရေကြီးရေလျှံမှုတွေ၊ တောင်ပြိုမှုတွေကို သတိထားဖို့လိုတယ်လို့ အပြည်ပြည်ဆိုင်ရာမိုးလေဝသစောင့်ကြည့်ခန့်မှန်းသူ ဦးဝင်းနိုင်က ခန့်မှန်းပြောကြားပါတယ်။

မနက်ဖြန် ဩဂုတ်လ ၁၃ ရက်နေ့ ညနေပိုင်းမှာ ဘင်္ဂလားပင်လယ်အော် အနောက်မြောက်ပိုင်းမှာ အားကောင်းတဲ့လေဖိအားနည်းရပ်ဝန်းတစ်ခု ဖြစ်လာမယ်လို့ WINDY ရဲ့ ECMWF Model forecast မှာ အဲ့ဒီအရှိန်ကြောင့် ဩဂုတ်လ ၁၃ ရက်နဲ့ ၁၄ -၁၅ ရက်နေ့တွေအထိ မြန်မာတစ်နိုင်ငံလုံးမှာ မိုးဆက်ရွာနေပြီး နေ့အပူချိန်တွေ ကျဆင်းနေနိုင်ဦးမယ်လို့ ECMWF Model ကြိုတင်ခန့်မှန်းချက်များမှာ တွေ့ရတယ်လို့ ဦးဝင်းနိုင်က သူ့ရဲ့ Facebook account ကနေလည်း ခန့်မှန်းပြောကြားထားတာဖြစ်ပါတယ်။

“ အလယ်ပိုင်းမိုးနည်းရေရှားဒေသတွေမှာလည်း မိုးရွာမယ်။ ပဲခူးတိုင်းတစ်ခုလုံးနီးပါးလည်း များမယ်။  စစ်တောင်းမြစ်ဝှမ်းတစ်လျှောက်လုံးနီးပါးကတော့ မိုးပိုများမယ်။ ရခိုင်ပြည်နယ် တစ်ခုလုံးနီးပါး၊ ရခိုင်ကမ်းရိုးတန်းတစ်ခုလုံးပေါ့။ ဟိုးအောက်ကနေ ချောင်းသာတို့၊ ဂွတို့အထိပါတယ်။ ဂေါ်ရင်ဂျီကျွန်းအထိရောက်တယ်။  ပြီးရင် ဧရာဝတီတိုင်း၊ ရန်ကုန်တိုင်းတွေလည်း မိုးများမယ်။ အလယ်ပိုင်းကတော့ မကွေးတိုင်း အောက်ဘက်ကနေ မန္တလေးတိုင်းတစ်ခုလုံးပါမယ်။ ရှမ်းပြည်နယ်တစ်ခုလုံးပါမယ်။ စစ်ကိုင်းတိုင်း အထက်ပိုင်းပါမယ်။ အဲ့ဒီနေရာတွေကတော့ နေရာကွက်မိုးကြီးနိုင်တယ်။ မြစ်ကြီးနားပတ်ဝန်းကျင်များနိုင်တယ်။ မြစ်ကြီးနားမြောက်ဘက် ဆွမ်ပရာဘွမ်၊ ပူတာအို အဲ့ဒီနေရာတွေလည်း မိုးများမယ်” လို့ ဦးဝင်းနိုင်က Green Way ကို ပြောပါတယ်။ 

အဲ့ဒီလို မိုးရွာသွန်းမှုတွေကြောင့် တောင်ပြိုနိုင်တဲ့အခြေအနေတွေကိုလည်း အနားဝန်းကျင်နေထိုင်သူတွေ သတိထားဖို့လိုတယ်လို့ ဦးဝင်းနိုင်က သတိပေးပြောကြားပါတယ်။

“ တောင်ကျချောင်းရေနဲ့ တောင်ပြိုနိုင်တဲ့နေရာတွေ သတိထားသင့်တယ်။ အထူးသဖြင့် မွန်ပြည်နယ်ပေါ့။ ဇင်းကျိုက်တို့ ပေါင်တို့က တောင်ပြိုနိုင်တဲ့နေရာတွေအများကြီးရှိတယ်။ ရှမ်းပြည်နယ်ဘက်ကတော့ တောင်ပြိုနိုင်တဲ့အနေအထား သိပ်မတွေ့ဘူး။ ဖြစ်ခဲ့တာလည်း သိပ် မတွေ့ဘူး။ မွန်ပြည်နယ်၊ ကရင်ပြည်နယ်ကတော့ ထုံးကျောက်တောင်တွေများတယ်၊ မြေသားကလည်း သက်နုမြေသားတွေများတော့ ပြိုနိုင်တယ်။ ဖြစ်တဲ့ပြဿနာက ရာသီဥတုအစွန်းရောက်တာလည်းပါသလို တောင်အခြေတွေမှာ မြေကြီးတွေတူးရောင်းတာကြောင့်လည်းပါတယ်။ ဆိုတော့ အောက်ဘက်က တောင့်မခံနိုင်ဘဲ မြေသားအိပြီး ပြိုကျတာပေါ့” 

လက်ရှိမှာလည်း မိုးရွာသွန်းမှုတွေကြောင့် မွန်ပြည်နယ် ပေါင်မြို့နယ်အတွင်းရှိ ကျေးရွာအချို့မှာ ရေကြီးရေလျှံမှုတွေရှိနေတယ်လို့ မြန်မာနိုင်ငံမီးသတ်တပ်ဖွဲ့ရဲ့သတင်းထုတ်ပြန်ချက်တွေအရ သိရပါတယ်။

Photos Crd_U Win Naing, Myanmar Fire Service Department

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။  


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်