အိန္ဒိယနှင့် တရုတ်မှ မုန်တိုင်းနှစ်လုံးကြားရောက်နိုင်မှုကြောင့် ဩဂုတ် ၇ ရက်ခန့်ကစပြီး  ဒေသအများစု မိုးများနိုင်

02/08/2022 17:12 PM တွင် အစိမ်းရောင်လမ်း အစိမ်းရောင်လမ်း မှ ရေးသား

ဘင်္ဂလားပင်လယ်အော်အနောက်အလယ်ပိုင်းမှာ ဖြစ်ပေါ်လာနိုင်မယ့် လေဖိအားနည်းရပ်ဝန်း/မုန်တိုင်းငယ်နဲ့ တောင်တရုတ်ပင်လယ်ပြင်မှာ ဖြစ်လာဖွယ်ရှိတဲ့ မုန်တိုင်းနှစ်လုံးကြား ရောက်ရှိသွားနိုင်တဲ့အခြေအနေကြောင့် ဩဂုတ် ၇ ရက်ခန့်ကစလို့ အလယ်ပိုင်းဒေသတွေ အပါအဝင် မြန်မာနိုင်ငံ ဒေသအများစုမှာ မိုးများနိုင်တယ်လို့ အပြည်ပြည်ဆိုင်ရာမိုးလေဝသစောင့်ကြည့်ခန့်မှန်းသူ ဦးဝင်းနိုင်က ခန့်မှန်းပြောကြားပါတယ်။

ဘင်္ဂလားပင်လယ်အော်အနောက်အလယ်ပိုင်းမှာ ဖြစ်ပေါ်လာနိုင်မယ့် လေဖိအားနည်းရပ်ဝန်း/မုန်တိုင်းငယ်ဟာ အခုဩဂုတ် ၄ ရက်ခန့်မှာ အစပျိုးလာနိုင်ပြီး တောင်တရုတ်ပင် လယ်ပြင်မှာဖြစ်မယ့်မုန်တိုင်းကတော့ ဩဂုတ် ၈ ရက်မှာ အစပျိုးလာနိုင်တယ်လို့ ဦးဝင်းနိုင်က Green Way ကို ပြောပါတယ်။

“ ၈ ရက်၊ ၉ ရက်ဆိုရင် နှစ်လုံးစလုံးရဲ့အားနဲ့ ဘင်္ဂလားပင်လယ်အော်ဘက်က တိမ်တွေလည်းပိုဝင်လာမယ်။ နောက်ပြီးတော့မှ တောင်တရုတ်ပင်လယ်ဆိုတော့ အရှေ့မြောက်ဘက်က တိမ်တွေလည်းဝင်လာမယ်။ မိုးများမယ်။ အလယ်ပိုင်းမှာတောင်မှ ၂ လက်မလောက်ထိ ရွာမယ့်နေရာတွေ ဖြစ်လာမှာ”

ဒီမုန်တိုင်းနှစ်လုံးအရှိန်ကြောင့် ဩဂုတ် ၇ ရက်ကနေ ၁၀ ရက်ဝန်းကျင်အထိ အလယ်ပိုင်း ဒေသတွေအပါအဝင် မိုးတွေများနိုင်ပြီး တောင်ကျချောင်းရေကျနိုင်တဲ့ဒေသတွေကတော့ သတိထားသင့်တယ်လို့ ဦးဝင်းနိုင်က သတိပေးပါတယ်။

“ ကချင်ပြည်နယ်ကလွဲရင် ကျန်တဲ့နေရာတွေ မိုးများမှာ။ ရှမ်းပြည်နယ်တောင်များမယ်။ ရခိုင်ပြည်နယ်များမယ်။ အလယ်ပိုင်းဒေသလည်း မိုးများမယ်ပေါ့နော်။ အဲ့ကျမှ တောင်ကျ ချောင်းရေကျတာတွေဘာတွေလာမှာ။ ၃ နာရီလောက်အတွင်း ၂ လက်မ၊ ၃ လက်မလောက် ရွာရင်ဖြစ်မှာလေ။ ပြင်ဦးလွင်ဖြစ်သလိုမျိုးပေါ့” 

မိုးအများဆုံးက တနင်္သာရီတိုင်းမြောက်ပိုင်း၊ ထားဝယ်နဲ့ရေးကြားဖြစ်နိုင်ပြီး တိုင်းနဲ့ပြည်နယ်အတော်များများလည်း များနိုင်တယ်လို့ ဦးဝင်းနိုင်က ဆိုပါတယ်။

“ အများဆုံးက တနင်္သာရီတိုင်းမြောက်ပိုင်း။ ထားဝယ်နဲ့ရေးကြားပေါ့။ ပဲခူးတိုင်းလည်းများမယ်။ ရန်ကုန်တိုင်းလည်းများမယ်။ ဧရာဝတီတိုင်းလည်းများမယ်။ ရခိုင်လည်းများမယ်။ ရခိုင်ကတော့ အနီးဆုံးဖြစ်မှာကိုး။ မုန်တိုင်းဖြစ်လာတဲ့အနေအထားဖြစ်မယ်ဆိုရင် ကမ်းရိုးတန်းဒေသတွေလည်း လေပြင်းလာမှာပေါ့။ အလယ်ပိုင်းကတော့ အကုန်ပဲ။ အနည်းဆုံးဖြစ်မယ့် ချောက်၊ ညောင်ဦးဝန်းကျင်တောင် ၂ လက်မ၊ ၂ လက်မခွဲလောက်ရှိမှာ။ ကျန်တဲ့နေရာတွေကတော့ သူ့ထက်များမှာ။ မကွေးတောင် ၃ လက်မ၊ ၄ လက်မလောက်ဖြစ်မယ်"

အားအကောင်းဆုံးဖြစ်လာနိုင်မယ့်အချိန် ဩဂုတ်လ ၉ ရက် ညပိုင်းမှာတော့ ရခိုင်ကမ်းရိုးတန်းတစ်ခုလုံး၊ ဧရာဝတီ၊ ရန်ကုန်၊ ပဲခူး၊ မကွေး၊ မန္တလေးနဲ့ စစ်ကိုင်းတိုင်းတွေမှာ တိမ်အနိမ့်တွေ အပြည့်ဖုံးပြီး မိုးသည်းထန်နိုင်မယ်လို့ ဦးဝင်းနိုင်က ခန့်မှန်းပြောကြားပါတယ်။

ပြီးခဲ့တဲ့နှစ်ရက် ဇူလိုင် ၃၁ ရက်ကတော့ ပြင်ဦးလွင်မြို့မှာ မိုးသည်းထန်စွာရွာသွန်းမှုကြောင့် ရေကြီးရေလျှံမှုတွေဖြစ်ပွားခဲ့ပြီး နေအိမ်တွေ၊ ဈေးဆိုင်ခန်းတွေအတွင်းအထိ ရေဝင်ရောက်တာတွေဖြစ်ပေါ်ခဲ့ပါတယ်။

Photo Crd_U Win Naing, Myanmar Fire Service Department

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်