မြန်မာပြည်အောက်ပိုင်းဒေသများ ဒီဇင်ဘာ ၁၉ ရက်နောက်ပိုင်းမှ အအေးပိုလာနိုင်

လက်ရှိမှာ အထက်ပိုင်းဒေသအချို့မှာ အအေးဓာတ်တွေ ဝင်နေပြီဖြစ်ပေမဲ့ မြန်မာပြည်အောက်ပိုင်းဒေသ တွေမှာတော့ ဒီဇင်ဘာ ၁၉ ရက်နောက်ပိုင်းကျမှ အအေးပိုလာနိုင်တယ်လို့ နိုင်ငံတကာမိုးလေဝသထုတ်ပြန် ချက်တွေကို ကိုးကားပြီး မိုးလေဝသခန့်မှန်းသူ ဦးဝင်းနိုင်က ခန့်မှန်းပါတယ်။

လက်ရှိမှာ ရှမ်းပြည်နယ်၊ ကချင်ပြည်နယ်၊ ချင်းပြည်နယ်၊ စစ်ကိုင်းတိုင်း အထက်ပိုင်း၊ မန္တလေး တိုင်း အထက်ပိုင်း၊ ရခိုင်ပြည်နယ်နဲ့  ကယားပြည်နယ်တွေမှာ အေးနေပြီဖြစ်ပေမဲ့ မြန်မာနိုင်ငံအောက်ပိုင်းဒေသတွေမှာတော့ အအေးဓာတ်တွေ ထူးထူးခြားခြား မရှိသေးတာ ဖြစ်ပါတယ်။

ပုံ - ဒီဇင်ဘာလ ၁၈၊ ၁၉ ရက်နောက်ပိုင်း ကျဆင်းလာနိုင်သည့် ည/နံနက်အစောပိုင်းအပူချိန်များ

“ အောက်ပိုင်းတွေမှာ အေးမဲ့အနေအထားက လိုသေးတယ်။ ဆိုပါတော့။ ဥပမာ ပဲခူးတိုင်းဆိုရင် ၁၈၊ ၁၉ လောက်ကျတော့မှ ၂၀ ဒီဂရီ (စင်တီဂရိတ်) ရဲ့အောက်ကို ကျနိုင်တယ်။ ၁၉၊ ၂၀ ဝန်းကျင်လောက်ပေါ့။ သိသိသာသာ အေးဖို့ဆိုရင်တော့ ၁၉၊ ၂၀ နောက်ပိုင်းကျမှ ဖြစ်မယ်။ ရန်ကုန်လည်းတူတူပဲ။ မနက်အစောပိုင်းအချိန်တွေပေါ့။ နေ့လယ်ပိုင်းကတော့ ဒီဂရီက ၃၀ ကျော်နေမှာ။ ဆိုတော့ ၁၉ ရက်နောက်ပိုင်းဆိုရင် သိသိသာသာ အေးလာမယ်။ တဖြည်းဖြည်း ပိုပိုပြီးအေးလာမှာ” လို့ ဦးဝင်းနိုင်က ခန့်မှန်းပါတယ်။ 

လက်ရှိမိုးလေဝသအခြေအနေ ထုတ်ပြန်ချက်တွေအရ မြန်မာနိုင်ငံပေါ်မှာ တိမ်တွေရှင်းနေတာကြောင့် ယခုအတောအတွင်း ဖျက်မိုးအန္တရာယ်အနေအထားမျိုးလည်း မရှိဘူးလို့ ဦးဝင်းနိုင်က ပြောပါတယ်။

မိုးလေဝသနှင့်ဇလဗေဒညွှန်ကြားမှုဦးစီးဌာနရဲ့ ထုတ်ပြန်ချက်အရလည်း မြန်မာပြည်အောက်ပိုင်း ဒေသတွေဖြစ်တဲ့ ရန်ကုန်၊ ပဲခူး၊ ပုသိမ်၊ ထားဝယ်၊ မော်လမြိုင်၊ ပုသိမ်တို့မှာ အနိမ့်ဆုံးအပူချိန်အဖြစ် ၁၉ ကနေ ၂၄ ဒီဂရီစင်တီဂရိတ်ကြားတွေမှာသာ ရှိနိုင်တယ်လို့ သိရပါတယ်။

#(ဆရာဦးဝင်းနိုင်အနေဖြင့် Windy App ရှိ ကမ္ဘာလုံးဆိုင်ရာမိုးလေဝသ Model များဖြစ်သည့် ECMWF Model နှင့် GFS Model ခန့်မှန်းချက်များကို အသုံးပြု၍ ကြိုတင်ခန့်မှန်းခြင်း ဖြစ်ပါသည်)

Photos Crd_ U Win Naing

#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more