ဘင်္ဂလားပင်လယ်အော်ထဲက လေဖိအားနည်းရပ်ဝန်း နောက်ဆုံးအခြေအနေ..

06/12/2022 15:22 PM တွင် အစိမ်းရောင်လမ်း အစိမ်းရောင်လမ်း မှ ရေးသား

ဘင်္ဂလားပင်လယ်အော်ထဲက လေဖိအားနည်းရပ်ဝန်းဟာ မနက်ဖြန်ဆိုရင် ဆိုင်ကလုန်းမုန်တိုင်းအဆင့်ထိ ဖြစ်လာနိုင်ပေမဲ့ မြန်မာနိုင်ငံကိုတော့ သက်ရောက်မှုမရှိသလောက်ဖြစ်သွားပြီလို့ နိုင်ငံတကာမိုးလေဝသ ထုတ်ပြန်ချက်တွေကို ကိုးကားပြီး မိုးလေဝသခန့်မှန်းသူ ဦးဝင်းနိုင်က ပြောပါတယ်။

ဒီလေဖိအားနည်းရပ်ဝန်းဟာ လက်ရှိမှာ ဘယ်အခြေအနေထိ ဖြစ်နေပြီလဲ၊ မြန်မာနိုင်ငံဘယ်ဒေသတွေကို သက်ရောက်မှုရှိမလဲဆိုတာတွေကို ဦးဝင်းနိုင်ထံ Green Way က ဆက်သွယ်မေးမြန်းထားတာကို ဖော်ပြ ပေးလိုက်ပါတယ်။

လေဖိအားနည်းရပ်ဝန်း အခုနောက်ဆုံးအခြေအနေ ဘယ်လိုဖြစ်နေပြီလဲ ? (ယနေ့ မွန်းလွဲ ၂ နာရီ အခြေအနေ)

“ဘင်္ဂလားပင်လယ်အော်တောင်ပိုင်းရဲ့အလယ်လောက်ကိုတော့ ရောက်သွားပြီ။ အခုလောလေ ာဆယ်ဆိုရင် ဟိုး ကိုးလ်ကတ္တားရဲ့ အောက်ဘက် သီရိလင်္ကာကျွန်းရဲ့ အနောက်ဘက်တည့်တည့်အထိ ရောက်လာပြီ။ ကော့သောင်းနဲ့ဆိုရင်တော့ တော်တော်ကြီးကိုဝေးသွားပြီ။ မော်တင်စွန်းနဲ့ဆိုရင်လည်း တော်တော်ကြီးကို ဝေးသွားပြီ” 

“ သူရဲ့ ဗဟိုလေတိုက်နှုန်းက တစ်နာရီကို ၂၉ မိုင်နှုန်းရှိနေတယ်။ ဖိအားကတော့ ၁၀၀၃ ဟက်တိုပါ စကယ်ထိ ကျသွားတယ်။ JTWC ကတော့ ၂၄ နာရီကနေ ၃၆ နာရီအတွင်းမှာ မုန်တိုင်းဖြစ်လာနိုင်မယ်လို့ အမြင့်ဆုံး ခန့်မှန်းချက်ထွက်ထားပြီ။ နောက်တစ်ခုက အိန္ဒိယမိုးလေဝသဌာနကလည်း ၂၄ နာရီအတွင်း ဖြစ်နိုင်တယ်လို့ ပြောထားပြီးပြီ။ လက်ရှိဆိုရင်ကို သူက အားကောင်းတဲ့လေဖိအားနည်းရပ်ဝန်း သို့မဟုတ် မုန်တိုင်းငယ် အဆင့်ကို ရောက်ပြီလို့ ပြောထားတယ်။ မနက်ဖြန် ၇ ရက်နေ့ ညနေပိုင်းကျရင်တော့ ဆိုင်ကလုန်းမုန်တိုင်းအဆင့် ဖြစ်မယ်လို့ ပြောထားတယ်။ အားကောင်းတဲ့ဆိုင်ကလုန်းမုန်တိုင်းအဆင့်ထိတော့ ဖြစ်ဖို့မရှိဘူး။ လမ်းကြောင်းကတော့ အရင်ပြောထားတဲ့အတိုင်းပဲ။ တမီလ်နာဒူး၊ ပူဒူချယ်ရီနဲ့ အန်ဒရာပရာ ဒေ့ရှ် နယ်စပ်နားကိုပဲ ဝင်မှာ” 

ဒီမုန်တိုင်းအရှိန်က မြန်မာနိုင်ငံ ဘယ်ဒေသတွေကို ဘယ်လိုသက်ရောက်နိုင်ချေရှိမလဲ?

“ ကျွန်တော်တို့ မြန်မာပြည်ဘက်ကိုတော့ ထူးခြားတာမရှိဘူး။ သူ့ရဲ့သက်ရောက်နိုင်မှုက တနင်္သာရီတိုင်း တောင်ပိုင်းအစွန်းနဲ့ ကိုကိုးကျွန်းပဲ ရှိတော့တယ်။ (မိုးရွာနိုင်ချေ) မနက်ဖြန်မုန်တိုင်းဖြစ်လာပြီးတဲ့အထိကို ထူးထူးခြားခြား မတွေ့ဘူး။ ကော့သောင်းနဲ့ ကိုကိုးကျွန်းရယ်ပဲ။ ဒါတောင် ၂၄ နာရီအတွင်းဆိုရင် နည်းနည်းလေးတွေပဲရှိဦးမှာ။ နောက် ၇၂ နာရီအတွင်းဆိုမှ ကိုကိုးကျွန်းမှာ ၁.၁၄ လက်မ၊ ကော့သောင်းမှာ ၁.၁ လက်မ လောက် ဒါပဲ။ မြိတ်အထိတောင်မရောက်တော့ဘူး။ နောက်ထပ်ဆိုရင် ဧရာဝတီတိုင်းရဲ့အနောက်ဘက်ခြမ်း မော်တင်စွန်း၊ ဟိုင်းကြီးကျွန်းနဲ့ ငပုတောမြို့နယ်တွေဘက်မှာလည်း မိုးတော့ရွာနိုင်ချေရှိတယ်။ ဒါပေမဲ့ အရမ်းနည်းတယ်။ ရွာရင်တောင် တော်တော့်ကို ပါးပါးပဲ။ ရန်ကုန်တိုင်း၊ ပဲခူးတိုင်းတို့ကတော့ မရှိသလောက်ဖြစ်သွားပြီ”

#ဒါပေမဲ့ လက်ရှိအခြေအနေမှာ ပြီးခဲ့တဲ့ ၅ ရက်ခန့်က ရန်ကုန်တိုင်းနဲ့ ဧရာဝတီတိုင်းမြို့နယ်အချို့မှာ ဖြစ်ပွားခဲ့တဲ့ မိုးတိမ်တောင်တွေ ရုတ်တရက်ဖြစ်လာပြီး စိုက်ဆင်းလေပြင်းတွေကတဆင့် မိုး/လေပြင်းတဲ့ အခြေအနေမျိုးတွေတော့ ဘယ်နေရာမှာမဆိုဖြစ်နိုင်လို့ မိုးတိမ်တောင်တွေတက်လာတာကို သတိထားကြဖို့တော့ လိုမယ်လို့ ဦးဝင်းနိုင်က သတိပေးပါတယ်။

#(ဆရာဦးဝင်းနိုင်အနေဖြင့် Windy App ရှိ ကမ္ဘာလုံးဆိုင်ရာမိုးလေဝသ Model များဖြစ်သည့် ECMWF Model နှင့် GFS Model ခန့်မှန်းချက်များကို အသုံးပြု၍ ကြိုတင်ခန့်မှန်းခြင်း ဖြစ်ပါသည်)

Photos Crd_ U Win Naing

#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်