အစိမ်းရောင်လမ်းလက်ရှိမှာ မွန်ပြည်နယ် ပေါင်မြို့အထက်မှာ အထက်လေဝဲစီးကြောင်းတခုဖြစ်နေပြီး အဲ့ဒါရဲ့သက်ရောက်မှုနဲ့အတူ ဒီနေ့ကနေ ဇူလိုင် ၂၄ ရက်အထိ မွန်ပြည်နယ်၊ ဧရာဝတီ တိုင်း၊ ရန်ကုန်တိုင်း၊ ပဲခူးတိုင်းတို့မှာ မိုးကြီးလေပြင်းကျတာတွေ ရှိလာနိုင်တယ်လို့ အပြည်ပြည်ဆိုင်ရာမိုးလေဝသစောင့်ကြည့်လေ့လာသုံးသပ်သူတစ်ဦးဖြစ်သူ ဦးဝင်းနိုင်က ပြောပါတယ်။
“ ဒီနေ့ညပိုင်းကစပြီး ၂၂ ရက်နဲ့ ၂၃ ရက် တစ်နေ့လုံး၊ ၂၄ ရက်မနက်အထိ သွားလိမ့်မယ်၊ ကရင်ပြည်နယ်ဘက်ပါ ပါတယ်" လို့ ဦးဝင်းနိုင်က Green Way ကို ပြောပါတယ်။
ဒီနေ့ ညနေ ၆ နာရီနောက်ပိုင်းကစလို့ မော်လမြိုင်၊ ဘားအံ၊ ပေါင်၊ သထုံဘက်မှာ တစ်နာရီ ၁၃ မိုင်ကနေ ၂၃ မိုင်လောက်အထိ တိုက်နိုင်တယ်လို့ သိရပါတယ်။ ရန်ကုန်မှာတော့ လေပြင်းက သိပ်မများနိုင်ဘူးလို့ ဆိုပါတယ်။
ဧရာဝတီမှာတော့ ဒီနေ့ညနေပိုင်းကစလို့ လေစတိုက်နေပြီဖြစ်ပြီး ဇူလိုင် ၂၂ ရက်နေ့ ညပိုင်းမှာ လျော့သွားနိုင်ပေမယ့် အရှိန်ကတော့ ၂၄ ရက်နေ့အထိ ရှိနေနိုင်သေးတယ်လို့ သိရပါတယ်။
အဲ့ဒီလေဝဲစီးကြောင်း ဆက်ပြီးရွေ့သွားတဲ့ အရှိန်ကြောင့် မနက်ဖန်ညနေပိုင်းနဲ့ ဇူလိုင် ၂၃ ရက် မနက်ပိုင်းတွေမှာ တောင်ငူတဝိုက်မှာလည်း လေပြင်းကျပြီး မိုးများနိုင်တယ်လို့ ဦးဝင်းနိုင်က သုံးသပ်ပါတယ်။ လေပြင်းကျမှုဟာ တစ်နာရီ ၁၆ မိုင် မှ ၃၀ မိုင်နှုန်းအထိ ရှိနိုင်တယ်လို့ သိရပါတယ်။
ဒါပေမဲ့ ဇူလိုင် ၂၆ ရက် နောက်ပိုင်းကျရင်တော့ တောင်ပိုင်းဒေသတွေမှာ အပူချိန်မြင့်ပြီး မိုးလျော့သွားနိုင်တယ်လို့ အပြည်ပြည်ဆိုင်ရာမိုးလေဝသခန့်မှန်းဝက်ဘ်ဆိုဒ်တစ်ခုဖြစ်တဲ့ Global Tropics Hazards and Benefits Outlook(NOAA- Climate Prediction Center)ရဲ့ ကြိုတင်ခန့်မှန်းထုတ်ပြန်ချက်ကို ကိုးကားပြီး ဦးဝင်းနိုင်က ခန့်မှန်းပါတယ်။
“ တောင်ပိုင်းမှာက ၂၃၊ ၂၄ ရက်လောက်ကစပြီး အပူချိန်က ၃၀ အထက်ကို တက်လာမှာ။ မိုးရွာပြီးရင် ပြန်ကျမယ်။ အဲ့လိုမျိုးဖြစ်နေမှာ။ ၂၆ ရက်လောက်ကစပြီးရင်တော့ ၂၇၊ ၂၈ လောက်ထိက အပူချိန်က တက်နေမှာ။ မိုးကလည်း သိတဲ့အတိုင်းပဲ အပူချိန်က ၃၂ ရှိမယ်၊ Dew point က အဲ့အချိန်မှာ ၂၅ ပဲရှိမယ်ဆိုရင် မိုးက ဘယ်လိုမှ မရွာနိုင်တော့ဘူး” လို့ ဦးဝင်းနိုင်က ဆိုပါတယ်။
မြန်မာနိုင်ငံအလယ်ပိုင်းဒေသတွေမှာလည်း လက်ရှိမှာတင် အပူချိန်မြင့်တက်မှုတွေ ရှိလာနေပြီး ငွေ့ရည်ဖွဲ့မှတ်နိမ့်နေလို့ တိမ်ထုကြီးတွေဝင်လာတာမျိုးမရှိရင် မိုးရွာဖို့ ခက်ခဲ မယ့်အနေအထားမှာရှိနေမယ်လို့ ဦးဝင်းနိုင်က ကြိုတင်ခန့်မှန်းထားပါတယ်။
💌✅(မိမိဒေသတစ်ခုချင်းစီအလိုက် မိုးလေဝသအခြေအနေများကို ဦးဝင်းနိုင်နဲ့ တိုက်ရိုက်မေးမြန်းလိုသူများအနေနဲ့ Green Way ဆော့ဝဲထဲမှာရှိတဲ့ ‘ မေးကြ၊ ဖြေကြ...ဒေသအလိုက်မိုးလေဝသ’ ဆိုတဲ့ အဖွဲ့လေးမှာ အခမဲ့ဝင်ရောက်ပြီး မေးမြန်းနိုင်ပါတယ်။)🌞
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}