လေပွေလှိုင်းအရွေ့နှင့် ၂၄ နာရီအတွင်း မိုးရွာနိုင်သည့်ဒေသများ

ထိုင်းပင်လယ်ကွေ့ကနေ ကပ္ပလီပင်လယ်ပြင်ထဲကို ဖြတ်ဝင်နေတဲ့ လေပွေလှိုင်းအရှိန်ကြောင့် ဒေသအချို့မှာ မိုးရွာသွန်းမှုတွေရှိနေသလို လာမယ့် ၂၄ နာရီအတွင်းမှာလည်း မိုးရွာနိုင်မဲ့ဒေသတွေ ပိုမိုများပြားလာတော့မှာ ဖြစ်တယ်လို့ နိုင်ငံတကာမိုးလေဝသထုတ်ပြန်ချက်တွေကို ကိုးကားပြီး မိုးလေဝသခန့်မှန်းပေးနေသူ ဦးဝင်းနိုင်က ပြောပါတယ်။

ဒီအခြေအနေတွေနဲ့ပတ်သက်လို့ လာမယ့် ၂၄ နာရီအတွင်း ဘယ်ဒေသတွေမှာ မိုးတွေထပ်ရွာလာမလဲ၊ နောက် ၃ ရက်အတွင်း ဘယ်လိုအခြေအနေတွေရှိလာနိုင်လဲဆိုတာတွေကို ဦးဝင်းနိုင်ထံ Green Way က ဆက်သွယ်မေး မြန်းထားတာကို ဖော်ပြပေးလိုက်ပါတယ်။

နောက်ထပ် မိုးတွေဆက်ရွာနိုင်တာတွေက ဘယ်အချိန်တွေမှာ ဖြစ်မလဲ?

“ အခုကို ဧရာဝတီမှာ တိမ်တွေက စထိနေပြီ။ ဆိုတော့ မွန်းလွဲပိုင်း အပူချိန်ကျသွားပြီး Temperature နဲ့ Dew Point ကိုက်ပြီဆိုတာနဲ့ ရွာတော့မှာပဲ။ အခုဆို လပွတ္တာ တိမ်တွေဖုံးသွားပြီ။ ပြင်စလူတို့ဘာတို့လည်း တိမ်တွေ ဖုံးသွားပြီ။ ဘိုကလေးလည်းဖုံးသွားပြီ။ ဖျာပုံလည်းဖုံးသွားပြီ။ အဲ့ဒီတော့ ဒီဟာကြီးက မြောက်ဘက်ကိုဆက်ပြီး တိမ်တိုက် တွေက ဆက်ပြီးတော့ တက်လာမှာပေါ့နော်။ ဆိုတော့ ဒီညနေပိုင်းလောက်ဆိုရင် ကွမ်းခြံကုန်း၊ တွံတေး၊ ရန်ကုန် ပေါ်ထိ ရောက်လာမယ်။ ပြီးရင် ပဲခူးတိုင်းထဲထိ ဆက်သွားမှာပေါ့။ ပဲခူးတိုင်းထဲမှာကျတော့ တိမ်ပါးပါးလေးတွေပဲ စဖြစ်နေသေးတယ်”

လာမယ့် ၂၄ နာရီအတွင်းဆိုရင် ဘယ်ဒေသတွေမှာ မိုးတွေရွာနိုင်မလဲ?

“ မွန်၊ တနင်္သာရီ၊ ကရင်ပြည်နယ်တွေကတော့ မနေ့ကတည်းက ရွာနေပြီ။ အဲ့ဒါတွေကလည်း ဆက်ရှိမယ်။ ၂၄ နာရီအတွင်းဆိုရင်တော့ ရန်ကုန်ပါတယ်။ ရန်ကုန်တိုင်းတစ်တိုင်းလုံးပါနိုင်တယ်လို့ပဲ ပြောရမှာပဲ။ အခုအချိန် မှာတော့ မိုးတွေအုံ့ရုံပဲရှိဦးမယ်။ မနက်ဖြန် မနက်အစောပိုင်း ၂ နာရီလောက်ကနေပြီးတော့ မိုးတွေရွာနိုင်တယ်။ အဲ့ဒါက ဘယ်အချိန်ထိဖြစ်နိုင်လဲဆိုတော့ နေ့လယ် ၁၁ နာရီလောက်ကျမှ နေပွင့်နိုင်တယ်။ ညနေပိုင်းကျရင်တော့ Temperature နဲ့ Dew point က ပြန်နီးစပ်လာတယ်။ တိမ်တွေကလည်း တောက်လျှောက်ဝင်နေတာဆိုတော့ ရန်ကုန်တိုင်းကတော့ ၂၆၊ ၂၇ ဆက်တိုက်ကို ရွာမှာပဲ။ ၂၉၊ ၃၀ လောက်ထိကိုတောင် မိုးက ဆက်ရွာနေနိုင်တယ်”

“ပြီးရင် ဧရာဝတီတိုင်းပါမယ်။ များတော့မများသေးဘူး။ မနက်ဖြန်မနက်ပိုင်းလောက်ထိပေါ့။ ပဲခူးတိုင်းဆို အရှေ့ ခြမ်းက ပိုများတယ်။ အနောက်ခြမ်းကတော့ နည်းနည်းလျော့တယ်။ ပြည်တို့ ဘာတို့ဆိုရင် ၂၄ နာရီအတွင်းဆို မိုးမရွာနိုင်သေးဘူး။ အင်္ဂပူလောက်ထိကို မရွာနိုင်သေးဘူး။ ပြီးတော့မှ နောက် ၂၄ နာရီကျော်သွား ပြီဆိုမှ ပြည်၊ တောင်ငူ၊ ဆွာ အဲ့ဒီနေရာတွေထိ ရောက်လာမယ်။ ဒါတွေက ဘယ်ထိဖြစ်မလဲဆိုတော့ ၂၆ ရက်ညနေ ကနေ ၂၈ ရက် ညနေလောက်ထိဖြစ်လာမယ်။ မိုးများလည်း များလာမယ်။ ဧရာဝတီတိုင်း၊ ရန်ကုန်တိုင်းဆိုရင် ၄ လက်မကျော်လောက်ထိ ရွာမယ့်အခြေအနေရှိတယ်။ ဒါ ၄၈ နာရီအတွင်းဆိုရင်ပေါ့”

#ကယားပြည်နယ်နဲ့ ရှမ်းပြည်နယ်တောင်ပိုင်း/အရှေ့ပိုင်းတို့မှာလည်း ဒီနေ့မွန်းလွဲပိုင်းကစလို့ မိုးတွေရွာနိုင်ပြီး မိုးရွာသွန်းမှုတွေဟာ နောက် ၃ ရက် (၇၂ နာရီအတွင်းမှာ) ပိုများလာနိုင်မယ်လို့လည်း ဦးဝင်းနိုင်က ခန့်မှန်းပြော ကြားပါတယ်။

#(ဆရာဦးဝင်းနိုင်အနေဖြင့် Windy App ရှိ ကမ္ဘာလုံးဆိုင်ရာမိုးလေဝသ Model များဖြစ်သည့် ECMWF Model နှင့် GFS Model ခန့်မှန်းချက်များကို အသုံးပြု၍ ကြိုတင်ခန့်မှန်းခြင်း ဖြစ်ပါသည်)

Photos Crd_ U Win Naing

#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...