ကောင်းကျိုး ဆိုးကျိုးတွေနဲ့ ပလတ်စတစ်

ဈေးထဲကိုသွား တစ်ခုခုဝယ်၊ ဘာဖြစ်ဖြစ် ကြွပ်ကြွပ်အိတ်နဲ့ ထည့်ပေးလိုက်တာချည်းပဲ။ ဘုရားပန်းကလွဲရင်ပေါ့။ အဲ တစ်ခါတစ်လေ အလှစည်းထားတဲ့ အပွင့်အခက်လေးတွေနဲ့ ပလတ်စတစ်စလေးတွေတောင် ပါနေသေးတယ်။ အဲ့တော့ ပလတ်စတစ်တွေ ဖြစ်ပေါ်လာပုံ၊ ကောင်းကျိုး၊ မကောင်းကျိုးတွေ စတဲ့အချက်တွေကို ပြန်ပြီးတော့ သုံးသပ်ကြည့်ရအောင်။

ပလတ်စတစ်တွေဆိုတာက ၁၉၀၇ ခုနှစ်မှာ စပြီးတော့ တီထွင်ခဲ့တာပါ။ နယူးယောက်မြို့တော်ကြီးက လီယို ဘေ့ကာလန် (Leo Baekeland) က ပလတ်စတစ်ဆိုပြီးတော့ ထုတ်လုပ်ခဲ့ပါတယ်။ အဲ့နောက်ပိုင်းကနေစပြီးတော့ ပလတ်စတစ်ကို အမျိုးမျိုးလုပ်လာကြတာ ၂၀ ရာစုမှာ အသုံးအများဆုံးဖြစ်ခဲ့ပြီးနောက်တော့ ပစ်လိုက်တဲ့ပစ္စည်းတွေက လွယ်လွယ်နဲ့မဆွေးဘူးဆိုတာကို တွေ့လာကြရပြန်တယ်။ ဒါပေမဲ့ ပလတ်စတစ်တွေ ထုတ်လုပ်ဖို့အတွက်လည်း ကုန်ကျစရိတ်က အများကြီးမဟုတ်ဘူးဆိုတော့ တွင်တွင်ကျယ်ကျယ်ကို ထပ်ပြီးအသုံးပြုလာကြတယ်။ တစ်ခြား လုပ်ငန်းသုံးပစ္စည်းတွေအဖြစ်ကိုလည်း ပြောင်းပြီးတော့ အသုံးပြုလာကြပြန်ပါတယ်။ ဗီနိုင်းလို မျိုးတွေပေါ့။

ကောင်းတဲ့ အချက်အလက်တွေကို စပြီးတော့ ကြည့်ကြရအောင်ပါ။ အလွယ်တကူ သုံးလို့ရတယ်။ ကောင်းကျိုးတွေ အများကြီးထဲမှာ ကောင်းတာလေးတစ်ချက်တော့ ပေါ့ပေါ့ပါးပါးဖြစ်တဲ့ ပလတ်စတစ်အိတ်တွေကို နေရာတိုင်းမှာ သုံးလို့ရတာကြောင့်ပဲ သုံးဖြစ်နေတာလို့ ဆိုလိုက်ရင်တော့ ကောင်းကျိုးကို တန်းမြင်မိမှာပါ။

သန်မာမှုနဲ့ တာရှည်ခံမှု

ကားထဲမှာပါတဲ့ dash book တွေဆိုတာ ပလတ်စတစ်အခြေခံပြီး ထုတ်ထားတာပါ။ ဆိုတော့ သန်မာမှုကို အသုံးချပြီးတော့ ကောင်းကျိုးကိုရယူနေတာပါ။ ကားမှာတပ်တဲ့ ဘန်ပါဆိုတာကလည်း ပလတ်စတစ်ကနေ ထုတ်လုပ်ထားတာတွေပါပဲ။ အဲ့လို သန်မာမှုတွေကြောင့်လည်း သုံးနေကြတာဖြစ်ပါတယ်။

ဈေးတန်တာ

တစ်ခြားဟာတွေထက် ဈေးပေါတယ်ဆိုတာကလည်း သူ့ရဲ့ အားသာချက် ကောင်းကျိုးတစ်ချက်ပါပဲ။ အဲ့တော့ လုပ်ငန်းတော်တော်များများက လုပ်ချင်တိုင်းလုပ်၊ ဖန်တီးချင်တိုင်း ဖန်တီးလို့ရတဲ့ ပလတ်စတစ်ကိုသုံးပြီးတော့ လုပ်ငန်းတွေ ပြိုင်ဆိုင်ကြတာပေါ့။

ရေစိုခံတယ်။

အဲ့ဒါကလည်း တွေးစရာ နောက်တစ်ချက်လေနော်။ ငယ်ငယ်တုန်းက ပလတ်စတစ်အိတ်ကို ခေါင်းစွပ်ပြီး မိုးရေထဲပြေးဆော့။ ရေစိုခံတယ်။ ရေလုံတယ်။ ဒီတစ်ချက်ဆိုတာကလည်း တော်တော်လေးကို အကျိုးရှိတဲ့အချက်ဖြစ်တာကြောင့်မို့ မရှိမကောင်း ရှိမကောင်းဆိုတာ ဖြစ်လာတာပါပဲ။

အနံ့မရှိဘူး

သူများတွေနဲ့ မတူတဲ့တစ်ချက်ပေါ့။ အနံ့အသက်မရှိတဲ့အပြင်ကို အနံ့အသက်တွေကိုလည်း လုံစေနိုင်တာကြောင့်မို့ သုံးနေကြရတဲ့ အကြောင်းရင်းတစ်ချက်ပေါ့။

ပြန်သုံးလို့ရတယ်။

အိတ်တွေ...အိတ်တွေစုထားပြီး ဘာထည့်ထည့် သုံးနေလို့ရတာဆိုတော့ အဲ့ဒါကလည်း ကောင်းတဲ့အချက်တွေထဲက တစ်ချက်ပါပဲ။

ကဲ လာပြီ လာပြီ ဒေါ်သက်ရီ...အဲ့လေ လာပြီ လာပြီ ဆိုးကျိုးတွေလေ။ ကောင်းတာတွေလည်းရှိသလို ဆိုးကျိုးတွေလည်းရှိတယ်ဆိုတော့ကာ ထပ်ပြီးတော့ ကြည့်လိုက်ပါဦးမယ်။

ဆွေးမြေ့ပျက်စီးဖို့ ကြာတယ်။

သန်မာပြီးတော့ ကြာရှည်ခံတယ်ဆိုတာကတော့ လွန်သွားတဲ့ အတိုင်းအတာထဲမှာရှိပါတယ်။ ဘယ်ကိုပစ်ထုတ်လိုက်လိုက် ဆွေးမြေ့ပျက်စီးဖို့ကြာတာကြောင့် အမှိုက်ပုံကြီးက ကြီးသထက်ကြီးလာပြီးတော့ ပတ်ဝန်းကျင်ညစ်ညှမ်းမှုကို ဖြစ်စေပါတယ်။

ကင်ဆာရောဂါတွေလည်း ဖြစ်စေနိုင်တယ်။

အဆိုးဆုံးအချက်လို့ထင်ပါတယ်။ ဘာထည့်ထည့် သုံးနေကြတဲ့ ပလတ်စတစ်အိတ်တွေထဲက စားစရာပူပူလေးတွေနဲ့ ပလတ်စတစ်အိတ်နဲ့ ထိပြီးတော…..BPA ပါတဲ့ ပလတ်စတစ်အိတ်တွေကြောင့် လူတွေမှာ မျိုးစုံတဲ့ကင်ဆာတွေ ဖြစ်လာကြရတယ်ဆိုတာ ငြင်းမရနိုင်အောင်ပါပဲ။ BPA ကိုဖယ်ထုတ်လိုက်ရင်တောင်မှပဲ တစ်ခြားပစ္စည်းတွေ အများကြီးပါနေသေးတာကြောင့်မို့ ကလေးတွေကျန်းမာရေးနဲ့ ပုံမှန်အတိုင်းမဟုတ်တဲ့ ကြီးထွားမှုတွေကို ဖြစ်စေတတ်ပါတယ်။

အရည်ပျော်မှတ် နိမ့်တာ။

ပလတ်စတစ်ဆိုတာ ပါးပါးလေးပါ။ အရည်ပျော်ဖို့ကလွယ်ပါတယ်။ အပူနည်းနည်းလေး ထိလိုက်တာနဲ့တင် အရည်မပျော်ရင်တောင် အနံ့လေးနည်းနည်းထွက်လာတာကို ခံစားရမှာပါပဲ။ အဲ့ဒါက ကိုယ်တွေကို တဖြည်းဖြည်းချင်း အဆိပ်သင့်စေနေတာပဲဖြစ်ပါတယ်။

မီးရှို့လိုက်ရင်ထွက်တဲ့ အဆိပ်ငွေ့တွေ။

မပျက်စီးနိုင်လို့များ မီးရှို့မိလိုက်တယ်ဆိုရင်လည်း ပတ်ဝန်းကျင်ကိုညစ်ညမ်းစေတဲ့ ဓာတ်ငွေ့တွေ ထွက်လာပါသေးတယ်။ အဲ့ဓာတ်ငွေ့တွေက ကမ္ဘာကြီးပူနွေးမှုကိုတောင် ဖြစ်စေတယ်ဆိုတော့ လူတွေနဲ့ တိရိစ္ဆာန်တွေရဲ့ကျန်းမာရေးကို ထိခိုက်စေနိုင်တယ်ဆိုတာကတော့ ပြောစရာကို လိုအပ်လိမ့်မယ်လို့မထင်ပါဘူး။ မီးရှို့လိုက်လို့ထွက်လာတဲ့ ဓာတ်ငွေ့တွေကို ရှူမိတဲ့ အခါ ဖြစ်လာတဲ့ရောဂါတွေက ကုချင်လည်း ကုလို့ရမယ်။ ကုလို့မရတာမျိုးလည်းဖြစ်နိုင်ပါတယ်။ ဘာပဲဖြစ်ဖြစ် ကြောက်စရာတော့ကောင်းပါတယ်။

သုံးနေရတာက ပြန်မရနိုင်တဲ့ ပစ္စည်းတွေပါ။

အဲ့တော့ ပြန်မရနိုင်တဲ့ အရင်းအမြစ်တွေကို အသုံးချပြီးတော့ ထုတ်လုပ်နေတဲ့ ပလတ်စတစ်တွေပါ။ ထုတ်ရင်းနဲ့ အရင်းအမြစ်တွေ ထုတ်ရင်းထုတ်ရင်းနဲ့ ကုန်သွားတဲ့အခါမှာ နောက်ထပ် ဘယ်တော့မှပြန်မမြင်ရတော့ဘူးဆိုတာကိုလည်း သတိပြုရမှာပါ။

ကဲ ဒါတွေကတော့ အများဆုံး လူပြော သူပြောများတဲ့ အချက်တွေကိုပဲ တင်ဆက်ထားတာကြောင့်မို့လို့ တကယ်တမ်း ပြောစရာတွေက အများကြီးရှိနေပြီးတော့ ပြောမကုန်တဲ့အချက်တွေ ရှိနေပါသေးတယ်။ ဒီနေ့တော ဒီလောက်ပါပဲနော်။

အတတ်နိုင်ဆုံး ပလတ်စတစ်သုံးတာ လျော့ချဖို့ တိုက်တွန်းရင်း......

ထွန်းဝင်းကျော်

http://www.meritsdemerits.com/advantages-disadvantages-plastic-essay-points/

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...