ပန်းနာ၊ ရင်ကြပ်အပါအဝင် ရောဂါအများကြီးအတွက် ဆေးဖြစ်စေတဲ့ ကျီးအာသီး

၁။ မျိုးရင်း ။ ။ Cucurbitaceae (ဘူး၊ သခွားမျိုးရင်း)

၂။ ရုက္ခဗေဒအမည် ။ ။ Trichosanthes palmata Roxb

၃။ အခေါ်အဝေါ်

မြန်မာအမည် - ကျီးအာပင်

၄။ ပုံသဏ္ဌာန်-

အပင်

နွယ်ပင်ကြီးမျိုးဖြစ်သည်။ ပင်စည်သန်မာ၍ အောက်ပိုင်း၌ သစ်မာဖြစ်သည်။ အကိုင်းဖြာသည်။ မြောင်းပါသည်။ ရင့်သောပင်စည်သည် မွဲခြောက်ခြောက်အရောင်ဖြစ်ပြီး ကြမ်းသော အပြောက်အစက်များ ရှိသည်။ နွယ်နှာမောင်း ၃ ခုဖြစ်သည်။

အရွက်

ရွက်လွှဲ တစ်ရွက်ချင်းထွက်သည်။ ရွက်ပြားချော၍ ကြီးသည်။ ရွက်ရင်း နှလုံးပုံရှိပြီး အဝိုက်ညီသည်။ ရွက်ထိပ်ချွန်၍ ရွက်နားများ ခွေးသွားစိပ်ကျဲကျဲပုံရှိပြီး ရွက်ညှာအလွန်ရှည်ကာ အလယ်တွင်မြောင်းပါရှိသည်။

ပန်းပွင့်

ပန်းခိုင်ပေါ်တွင် အဖြူရောင် ပန်းပွင့်လေးများပွင့်၏။ တန်ခူးလမှ နယုန်လအတွင်းပွင့်သည်။

အသီး

အစေ့များ ခွံမာသီးဖြစ်သည်။ ၁ ၁/၂ - ၂လက်မခန့်အချင်းရှိ၍ လုံးဝိုင်းသည်။ မှည့်သောအခါ အနီရောင်ဖြစ်သည်။ လိမ္မော်ရောင်အစင်း ၁၀စင်းခန့်ရှိစည်။ အသီးခွံထူသည်။ ဝါခေါင်၊ တော်သလင်းလတွင် သီးသည်။

အမြစ်

အမြစ်သည် မြေတွင်းသို့ နက်ရှိုင်းစွာသွား၍ မြစ်ဥပေါင်းများစွာနှင့် ဆက်စပ်လျက်ရှိ၏။

ပေါက်ရောက်သည့်ဒေသ

အအေးပိုင်းဒေသမှအပ မြန်မာနိုင်ငံအနှံ့အပြားတွင် ပေါက်ရောက်သည်။

ပေါက်ရောက်ပုံ

သဘာဝအလျောက် အလေ့ကျပေါက်ရောက်သည်။

အသုံးပြုသည့် အစိတ်အပိုင်း

အသီး၊ အမြစ်

အာနိသင်

မြန်မာ့ဆေးကျမ်းများ အလိုရ ကျီးအာသီးသည် ခါးသည်၊ အနည်းငယ်ချိုသည်၊ သိမ်မွေ့သောအရသာရှိသည်။ နှလုံးနှင့် မသင့်ချေ။ အရည်သည် ဝမ်းသက်စေသည်။

အသုံးဝင်ပုံ

အသီး

(၁) ကျီးအာသီးကိုကြိတ်၍ အုန်းဆီနှင့်ရောကျိုပြီး ခပ်နွေးနွေးထည့်ပေးက နာကိုက်နာနှင့် နှာခေါင်းတွင်ဖြစ်သော အနာများကိုပျောက်စေသည်။ နှာပုပ်ရောဂါတွင် နှာခေါင်းထဲသို့ ယင်းဆီကို အစက်လိုက်ထည့်ပေးရ၏။

(၂) ၎င်းသီးအခြောက်ကိုချေ၍ ဆေးလိပ်၊ ဆေးတံတွင် ထည့်သောက်ခဲ့သော် ပန်းနာ၊ ရင်ကျပ်ရောဂါကို ပျောက်ကင်း၏။

(၃) အသီးကိုလည်ချောင်းရောဂါ၊ အစာမကြေရောဂါ၊ ချောင်းဆိုးရောဂါ၊ ကုဌနူနာရောဂါ၊ နာတာရှည်ရောဂါ၊ အစာအိမ်နှင့် စပ်လျဉ်းသောရောဂါများအတွက် အသုံးပြုသည်။

အမြစ်

(၁) ကျီးအာမြစ်ကိုသွေး၍ လျှာတွင်ပွတ်ပေးလျှင် တစ်ခဏချင်းပင် သလိပ်ကိုကြေစေ၏။ အမြစ်သက်သက်အမှုန့်ကို ထိပ်ကပ်နာရောဂါ၌ ရှုရ၏။

(၂) အမြစ်ဥကိုပြုတ်၍ ပျားရည်နှင့် သောက်က ဆီးအောင့်နာပျောက်၏။

( မြန်မာ့ဆေးဝါးပင်များ စာအုပ်မှကောက်နုတ်ဖော်ပြထားခြင်းဖြစ်ပါသည်)

အခုလိုမျိုး အပင်တွေရဲ့ ဆေးဖက်ဝင်ပုံအကြောင်းကို ‘ ကကြီးကနေ အ အထိ’ သိချင်ရင်တော့ ' မြန်မာ့ဆေးဝါးပင်များ ' စာအုပ်ကို အစိမ်းရောင်လမ်းရဲ့ ဈေးတန်းကြီးကဏ္ဍမှာရှိတဲ့ ဗွေဆော်ဦးစာအုပ်ဆိုင်မှာ အော်ဒါတင်နိုင်သလို ဈေးတန်းကြီး fb page chat box မှာအမည်၊ နေရပ်လိပ်စာ၊ ဖုန်းနံပါတ်လေးပေးပြီး လာရောက်ဝယ်ယူနိုင်ပါတယ်ရှင့်
 

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...