အထွက်နှုန်းသိသိသာသာ ပိုတိုးတဲ့ ပွားစာဟောင်းမြေဆွေး

မြေညံ့ကိုပြောင်းပေးပြီး သီးနှံဖြစ်ထွန်း စေမယ့် ဇီဝမြေသြဇာ (သို့) အာဘာစကူလာ မိုက်ကိုရိုက်ဇာ မှို အပိုင်း (၇၉)

စိုက်ခင်းများတွင် ဓာတ်မြေသြဇာနှင့် သဘာဝမှိုပွားစာ မြေဆွေးများ ပူးတွဲအသုံးနိုင်သည် (၆)

စိုက်ပျိုးရေးတောင်သူများ စားမှိုစိုက်ပြီးပွားစာဟောင်းများကို မြေပြုပြင်ရာတွင် ပြန်လည်အသုံးချမည်ဆိုပါလျှင် အင်အော်ဂဲနစ် (သို့) အော်ဂဲနစ် မြေသြဇာဖြင့် တွဲသုံးနိုင်ပါသည်။

မြေပြုပြင်ပစ္စည်းများတွင် သတ္ထုဓာတ်ပါဝင်ပါက အပင်နှင့် မြေတွင်းသက်ရှိများကို အန္တရာယ် ဖြစ်စေသည်။ ပီအိပ်ချ်နိမ့်ရာမှ မြင့်သွားခြင်းသည် မြေဆီဓာတ်ကိုကျဆင်းစေသည်။ ဆိုဒီယံပါဝင်မှုမြင့်ပါက အပင်ကိုအဆိပ်ဖြစ်သည်။ (ဆိုဒီယံ) ဆားပါဝင်မှုမြင့်ခြင်းသည် အပင်မှ အမြစ်ဆင်းမှု၊ ရေနှင်အာယာရစုပ်မှု ကျဆင်းသည်။ ပွားစာဟောင်းများ တိုက်ရိုက် သုံးစွဲသည့်တိုင်အောင် ပျော်လွယ်ဆားများ မြင့်သည်ဟုဆိုသော်လည်း မြေသြဇာဆိုင်ရာဥပဒေအရ ခွင့်ပြု ချက် % ထက် လျော့နည်းပါသည်။

ပွားစာဟောင်းများကို မြေဆွေးပြုလုပ်ခြင်း၊ တီမြေဆွေးအဖြစ်ပြုပြင်ပြီးမှသုံးပါက ပျော်လွယ်ဆိုဒီယံ နှင့် ကယ်စီယံဆားများသည် မြေဆွေးပုံစဥ် ခိုင်မာစွာ ကျသွားသည်။ ပွားစာမြေဆွေးအနေဖြင့် အင်အော်ဂဲနစ် (သို့) အော်ဂဲနစ် မြေသြဇာ (တီမြေဆွေး) ဖြင့် အခြခံအားဖြင် အချိုးအဆတူ (၁း၁) တွဲသုံးနိုင်ပါသည်။ ဟင်းသီးဟင်းရွက်အမျိုးအစားအလိုက် ပွားစာ မြေဆွေးကို ၇၅ % ထိ ဖြည့်သုံးနိုင်ပါသည်။

ရရှိနိုင်သော အကျိုးကျေးဇူးများ

ပွားစာဟောင်းသည် အော်ဂဲနစ်မြေသြဇာလျှော့ချနိုင်သော မြေပြုပြင်ပစ္စည်းအဖြစ်သုံးလျှင် အကျိုးရသည်။
ပွားစာဟောင်း ၇၅% ပါဝင်သော မြေတွင်စိုက်ထားသော ပဲပင်သည် အပင်ကြီးထွားမှု ပိုကောင်းသည်။
ပဲပင်တွင် ကလိုရိုဖီး၊ ပရိုတင်း၊ ကာဗိုဟိုက်ဒရိတ်ပါဝင်မှု မြင့်မားသည်ကိုလည်း တွေ့နိုင်သည်။
တွေ့ရှိချက်များအရ အင်အော်ဂဲနစ်ဓာတ်မြေသြဇာ သုံးစွဲနှုန်း လျှော့ချပြီး ကုန်ကျစရိတ်သက်သာသည့် မှိုပွားစာမြေဆွေးသည် ဇီဝနှိုးဆွ မြေဆွေးအဖြစ် ထိရောက်သော အစားထိုး (သို့မဟုတ်) ဖြည့်စွက် အသုံးပြုနိုင်သည်ဟု ဖော်ပြထားသည်။

ဆလပ်ပင်များတွင် အင်အော်ဂဲနစ်မြေသြဇာကို လျှော့ချပြီး စားမှိုစိုက်ပြီးပွားစာဆွေးကို အစားထိုးသုံးလျှင်

ပွားစာမြေဆွေးသည် ဆားဓာတ်အတန်ငယ် မြင့်လေ့ရှိသော်လည်း အပင်ကို အန္တရာယ် မဖြစ်စေပါ။ အင်အော်ဂဲနစ်ဓာတ်မြေသြဇာနေရာတွင် အစားထိုးနိုင်သည်။ အပင်ထွက်ကောင်းပါသည်။ စားမှိုစိုက်ပြီးပွားစာမြေဆွေးသုံး ဆလပ်ပင်သည် နိုက်ထရိုဂျင်၊ ဖော့စဖရပ် ပါဝင်မှုမြင့်သည်။ ပိုတက်စီံယံ၊ သံဓာတ် နှင့် ဇင့်ပါဝင်မှု လျော့သည်။ စားမှိုစိုက်ပြီးပွားစာဟောင်း မြေဆွေးသုံးစွဲခြင်းသည် ပတ်ဝန်းကျင်မိတ်ဖက် လမ်းကြောင်းတစ်ခုဖြစ်သည်။

စားမှိုစိုက်ပြီး ပွားစာဟောင်း မြေဆွေးသုံးစွဲပါက ၆၂ ရက်နောက်ပိုင်းတွင် မြေအစိုင်အခဲ တည်ငြိမ်မှု ကျဆင်းသည်။

မြေကြီး အော်ဂဲနစ် ကာဗွန်တိုးလာသည်။ မြေကြီးတွင် အော်ဂဲနစ် ကာဗွန်တိုးလာခြင်းသည် မြေ၏ထုတ်လုပ်နိုင်စွမ်းအားကို ရေရှည်ထိန်းထားနိုင်သည့် ညွှန်းကိန်းတခုဖြစ်သည်။ စားမှိုစိုက်ပြီး ပွားစာဟောင်း မြေဆွေး သုံးစွဲမှုဖြင့် ဆေးဖက်ဆိုင်ရာ ပစ္စည်းများ၏ ကျန်းမာရေးကောင်းစေသော အရည်အသွေးများတိုးသည်။ အထွက်တိုးသည်။ ၁ဝဝ% အင်အော်ဂဲနစ် မြေသြဇာသုံးခြင်းသည် အထွက်အကောင်းဆုံးဖြစ်သည်။ သို့သော် စားမှို စိုက်ပြီးပွားစာဆွေးသုံးစွဲခြင်းသည် သိုင်းပင်၏ ဆေးဖက်ဆိုင်ရာ အရည်အသွေးများသည် အင်အော်ဂဲ နစ်မြေသြဇာခင်း ထက် ပိုကောင်းသည်။

ကိုးကား

Kwiatkowski CA and Harasim E. The Effect of Fertilization with Spent Mushroom Substrate and Traditional Methods of Fertilization of Common Thyme (Thymus vulgaris L.) on Yield Quality and Antioxidant Properties of Herbal Material. Agronomy 2021, 11(2), 329; https://doi.org/10.3390/agronomy11020329

Paredes C.et al., Effects of spent mushroom substrates and inorganic fertilizer on the characteristics of a calcareous clayey‐loam soil and lettuce production. December 2016. Soil Use and Management 32(4):487-494. DOI:10.1111/sum.12304

Verma D et al., Spent mushroom substrate: a potential sustainable substrate for agriculture International Journal of Grid and Distributed Computing Vol. 13, No. 2, (2020), pp. 104–109

Zied DC et al., Use of Spent Mushroom Substrate in New Mushroom Crops to Promote the Transition towards A Circular Economy. Agronomy 2020, 10(9), 1239; https://doi.org/10.3390/agronomy10091239

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ