လိမ္မော်သီးကို ဘာလို့ စားပေးသင့်သလဲ

      အရည်ရွှမ်းပြီး အရသာရှိတဲ့ လိမ္မော်သီးကို မကြိုက်သူခပ်ရှားရှားဖြစ်မယ်ထင်ပါတယ်။ လိမ္မော်သီးဟာ အနံ့အရသာနဲ့ ပြည့်စုံရုံသာမက ကျန်းမာရေးအတွက်လည်း များစွာအထောက်အကူပြုစေပါတယ်။ လိမ္မော်သီးတစ်လုံးမှာ ကယ်လိုရီ ၈၅ ပဲပါဝင်ပြီး အဆီမပါသလို ဆိုဒီယမ်နဲ့ ကိုလက်စထရောလည်း မပါဝင်ပါဘူး။ လိမ္မော်သီးစားပေးခြင်းရဲ့ အကျိုးကျေးဇူးတွေကို မျှဝေပေးလိုက်ပါတယ်။

ကိုယ်ခံအားစနစ်

     လိမ္မော်သီးကို အအေးမိ ဖျားနာတာတွေကို ကုသဖို့အတွက် အကောင်းဆုံးရွေးချယ်စားသုံးပေးသင့်တဲ့အသီးပါ။ ကိုယ်ခံအားစနစ်ကိုမြှင့်တင်ပေးတာကြောင့်ဖြစ်ပါတယ်။ ဗီတာမင် C အများအပြားပါဝင်လို့ ကင်ဆာနဲ့ နှလုံးရောဂါဖြစ်ပွားမှုကနေ ကာကွယ်ပေးပါတယ်။

နှလုံး

     ဗီတာမင် C အပြင် ပိုတက်ဆီယမ်ဓါတ်တွေပါဝင်လို့ နှလုံးရဲ့ လုပ်ဆောင်မှုကို ကောင်းမွန်စေပါတယ်။

အသားအရေ

     လိမ္မော်သီးမှာ ပါဝင်တဲ့ ဗီတာမင် C ဟာ လေထုညစ်ညမ်းမှု၊ နေရောင်ချည်ထိတွေ့မှုကြောင့် အသားအရေ ထိခိုက်ပျက်ဆီးခြင်းကနေကာကွယ်ပေးပါတယ်။ လိမ္မော်သီမှာ Beta Carotene လို့ခေါ်တဲ့ Antioxidant တစ်မျိးပါဝင်ပြီး အသားအရေထိခိုက်ပျက်ဆီးမှုကနေ ကာကွယ်ပေးရုံသာမက အသားအရေပြုပြင်ပေးပြီး ပိုမိုလှပစေပါတယ်။

ဆီးချို

     ဆီးချိုသမားတွေအတွက် လိမ္မော်သီးကို အတန်အသင့် စားသုံးပေးနိုင်ပါတယ်။ လိမ္မော်သီးမှာ အမျှင်ဓတ်တွေကြွယ်ဝစွာပါဝင်ပြီး သွေးတွင်းသကြားဓါတ်ကို လျှော့နည်းစေပါတယ်။

     ငယ်ရွယ်သူတွေမှာဖြစ်တတ်တဲ့ Type 1 Diabetes ကိုယ်ခန္ဓာကနေ အချိုဓါတ်ကို ထိန်းညှိပေးတဲ့ သရက်ရွက်ကနေ ထုတ်ပေးရမဲ့ Insulin ဟော်မုန်း မထုတ်နိုင်တာအတွက် စားသုံးပေးနိုင်ပါတယ်။ ဆီးချိုအမျိုးအစား (၂) သမားတွေကတော့ ဆရာဝန်နဲ့သေချာတိုင်ပင်ပါ။

ကိုယ်အလေးချိန်ကျစေခြင်း

     လိမ္မော်သီးကိုစားပေးတာဟာ ကိုယ်အလေးချိန်တက်မလာအောင် ထိန်းထားပေးနိုင်တဲ့အပြင် အစာချေစနစ်ကို ကောင်းမွန်စေပါတယ်။ ကိုယ်အလေးချိန်ကျချင်တဲ့ ပျိုမေတို့ စားပေးသင့်ပါတယ်။

အမြင်အာရုံကောင်းမွန်စေခြ်င်း

     ဗီတာမင် A ပါဝင်လို့ အမြင်အာရုံကိုတိုးတက်ကောင်းမွန်စေပါတယ်။ ညဖက်မှာလည်း အမြင်အာရုံကိုတိုးတက်စေပါတယ်။

ကင်ဆာ

     အူမကြီး အရေပြား နဲ့ ရင်သားကင်ဆာအပါဝင် တခြားကင်ဆာရောဂါအမျိုးမျိုးကို ကာကွယ်ပေးနိုင်လို့ လိမ္မော်သီးကိုစားပေးသင့်ပါတယ်။

ကျောက်ကပ်

     ကျောက်ကပ်ကျန်းမာရေးအတွက် လိမ္မော်သီးကိုစားပေးသင့်ပါတယ်။ ဒါပေမဲ့လိမ္မော်ရည်ကို များများသောက်မယ်ဆိုရင်တော့ သကြားဓါတ်ပါဝ်ငမှုများတာကြောင့် သွားကိုထိခိုက်စေပါတယ်။

ရေဓါတ်ဖြည့်ပေးနိုင်ခြင်း

     အမျှင်ဓါတ်တွေကြွယ်ဝစွာပါဝင်ပြီး အရည်ရွှမ်းတဲ့အသီးဖြစ်လို့ ရေဓါတ်ကိုထိန်းထားနိုင်တဲ့အပြင် အစာချေစနစ်ကိုကောင်းမွန်စေပါတယ်။ ဒါတင်မက အဟာရဓါတ်စုပ်ယူမှုကို အားကောင်းစေပါတယ်။

ကိုလက်စထရော

     လိမ္မော်ရည် (သို့) လိမ္မော်သီးကို ပုံမှန်စားပေးသောက်ပေးတာဟာ ကိုလက်စထရောကျစေပါတယ်။

MyFood Myanmar Websiteမှ ပြန်လည်ကူးယူဖော်ပြပါသည်။ 

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်) 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်