စိုက်ပျိုးရေးတက္ကသိုလ် ဘွဲ့ရ တွေ့ဆုံပွဲ ရန်ကုန်တွင် ကျင်းပပြုလုပ်မည်

စိုက်ပျိုးရေးတက္ကသိုလ် ဘွဲ့ရများအသင်း (ရန်ကုန်ရုံးခွဲ) မှ ဦးစီးကျင်းပသည့် ဒုတိယအကြိမ်မြောက် တွေ့ဆုံချိတ်ဆက် ကမ်းလင့်လက် Beyond YAU ပွဲကို ၂၀၁၉ ခုနှစ် ဖေဖော်ဝါရီလ (၂) ရက် စနေနေ့ နံနက် (၉)နာရီတွင် ကန်တော်ကြီး မြေပဒေသာဥယျာဉ် ပုလဲကျွန်း ၌ ယမန်နှစ်ကကဲ့သို့ စည်ကားသိုက်မြိုက်စွာ ကျင်းပမည် ဖြစ်ပါသည်။

အစီအစဉ်မှာ ညနေ ၅ နာရီအထိ ကျင်းပမည်ဖြစ်ပြီး နံနက်ပိုင်းတွင် မြေဆီလွှာကျန်းမာရေး (Soil Health) နှင့် ပတ်သက်သည့် စကားဝိုင်းဆွေးနွေးပွဲ အစီအစဉ်ကို လည်းကောင်း၊ နေ့လည်ပိုင်းတွင် အတန်းပေါင်းစုံပါဝင်သော ဂိမ်းကစားခြင်းများ၊ သီချင်းဆိုခြင်း၊ နိုင်ငံတကာ ပညာသင်ဆုအကြောင်းကို ဆုရရှိပြီးသူများမှ ပြန်လည်မျှဝေခြင်း၊ ကဗျာရွတ်ဆိုခြင်း စသည့် အစီအစဉ် တို့ပါဝင်မည်ဖြစ်ပြီး ၁၉၈၃ ခုနှစ် ကျောင်းဆင်းများမှ မုန့်ဟင်းခါး စတုဒီသာ ဖြင့်လည်းကောင်း၊ Genius ကော်ဖီမှ ကော်ဖီဖြင့်လည်းကောင်း ကျွေးမွေးဧည့်ခံသွားမည်ဖြစ်ပါသည်။

အသေးစိတ် သိရှိလိုပါက ၀၉၅၁၆၃၅၈၂ (သို့မဟုတ်) ၀၉၇၉၈၂၃၀၂၃၃ သို့ ဆက်သွယ်မေးမြန်းနိုင်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။