အစိမ်းရောင်လမ်းငရုတ်ကောင်းပင်၏ ကျန်းမာရေးအကျိုးကျေးဇူးများ
ငရုတ်ကောင်းပင်သည် နှစ်ရှည်ခံ နွယ်ပင်မျိုးဖြစ်သည်။ ပင်စည်ပြောင်ချောနေပြီး အဆစ်နေရာများမှ ကြားမြစ်များထွက်သည်။ အရွက်သည် ရွက်လွှဲထွက်သည်။ ကွမ်းရွက်နှင့်ဆင်သည်။ ရွက်ထိပ်ချွန်၍ ရွက်ရင်းဝိုင်း သို့မဟုတ် နှလုံးပုံရှိသည်။ မျက်နှာပြင်ပြောင်ချော၍ ရွက်ကြော ၅ခုမှ ၉ ခုထိပါရှိသည်။ ရွက်နားညီ၍ ရွက်ပြားထူပြီးမာ၏။
ငရုတ်ကောင်းအပွင့်သည် အောက်သို့ငိုက်ကျနေသော ကြောင်မြီးသဏ္ဍန် ပန်းခိုင်တွင် ပွင့်ညှာမဲ့ ပန်းပွင့်လေးများ များပြားစွာပါရှိသည်။ ပန်းခိုင် ၂ လက်မမှ ၅ လက်မထိ ရှည်သည်။ အဖိုပန်းခိုင်နှင့် အမပန်းခိုင်ဟူ၍ ရှိ၏ ။ အသီးသည် အစိမ်းရင့်ရောင်ရှိ၍ ခွံပျော့တစ်စေ့သီးဖြစ်သည်။ အသားထူသည်။ ရင့်မှည့်လာပါက လိမော်ရောင်မှ အနီရောင်သို့ပြောင်းသွားသည်။ တစ်ခိုင်လျှင် အသီး ၂၀ မှ ၈၀ ထိပါရှိသည်။ အစေ့သည် ခြောက်သွေ့က အစေ့ခွံသည် အနက်ရောင်ရှိပြီး ပြင်း၍ စူးရှသောအနံ့ရှိသည်။
ပေါက်ရောက်သည့်ဒေသ။ ။မြန်မာ့ကမ်းရိုးတန်း ကရင်ပြည်နယ်၊ ရခိုင်နှင့် တနသာင်္ရီကမ်းရိုးတန်းတို့တွင် စိုက်ပျိုးပေါက်ရောက်သည်။ အပူချိန် ၅၀ံ မှ ၁၀၀ံ ဖာရင်ဟိုက်အတွင်းရှိပြီး မိုးရေချိန် ၆၀ လက်မအထက် ရွာသွန်းသောဒေသများ၌ ဖြစ်ထွန်းသည်။
သဲနုန်းမြေ၊ နုန်းတင်မြေနု၊ ဂဝံမြေ၊ မြေနီ၊ သဲဝန်းတောင်စောင်း တောင်ကုန်းတို့တွင် ကောင်းစွာဖြစ်ထွန်းသည်။ မြေချဉ်ကိုပို၍ နှစ်ခြိုက်သည်။ မြေတွင်အစိုဓာတ် ကောင်းစွာရှိ၍ ရေအလွန်မဝပ်သော မြေမျိုးဖြစ်သင့်သည်။
ပင်သက် ၃-၄ နှစ်တွင် စသီးသော်လည်း ၆-၇ နှစ် အရွယ်ရောက်မှသာ သီးထွက်ကောင်းသည်။ အသီးကို တစ်နှစ်လျှင် တစ်ကြိမ် (တပေါင်းလ မှ ကဆုန်လ) တွင် ဆွတ်ပေးရသည်။ အသီးများအနီရောင်စပြလျှင် ရင့်မှည့်ပြီဖြစ်၍ ဆွတ်ခူးနိုင်သည်။ ဆွတ်ခူးပြီး ကောင်းစွာခြောက်သွေ့အောင် နေလှန်းပေးရမည်။
ဆွတ်ခူးပြီး အခိုင်များကို နေတွင်အခြောက်လှန်၍ သွေ့ခြောက်သောအခါ အညှာနှင့်အမှိုက်သရိုက်များကို ပြာထုတ်ပြီးသန့်စင်လိုက်ပါက အနက်ရောင်ငရုပ်ကောင်းစေ့များကို ရသည်။
ငရုတ်ကောင်းစေ့သည် မြန်မာဆေးကျမ်းအလိုအရ စပ်၏။ ပူ၏။ ဝမ်းမီးကိုတောက်စေ၏။ သည်းခြေကို ဖြစ်စေ၏။ နှုတ်ကိုမြိန်စေ၏။ လေသလိပ်ကိုကြေစေ၏။ သွေးကို ကြွစေ၏။ နို့ရည်ကို ထွက်စေ၏။
ငရုတ်ကောင်းပင်၏ အသုံးဝင်ပုံ
၁။ ငရုပ်ကောင်းစေ့ကိုအမှုန့်ပြုပြီး ပျားရည်နှင့်ရော၍လျက်ပါက ချောင်းဆိုးရောဂါ၊ ပန်းနာရပ်ကျပ်ရောဂါများကို ပျောက်ကင်း၏။ မိခင်များနို့ထွက်၏။
၂။ ငရုပ်ကောင်းစေ့ကို ရှိန်းခို၊ ဘိန်းတို့နှင့်ရော၍ အမှုန့်ပြုပြီးစားပါက အဆက်မပြတ်သွားသော ဝမ်းပျက်ရောဂါပျောက်၏။
၃။ ငရုပ်ကောင်းကို ဒိန်ချဉ်နှင့်သွေး၍ အနည်းငယ်မျှမျက်စင်းခပ်ပေးသော် ကြက်မျက်သင့်နာပျောက်ကင်း၏။ အမှုန့်ပြု၍ဒိန်ချဉ်၊ ကြ့သကာနှင့် ရော၍စားပါက နှာခေါင်းသွေးလျှံခြင်း၊ သွေးယိုစီးခြင်းနှင့် နှာစေးခြင်းပျောက်၏။
၄။ ငရုပ်ကောင်းကို မီးကင်ပြီး အခိုးအငွေ့များရှူပေးခြင်းဖြင့် ကြို့ထိုးရောဂါပျောက်ကင်း၏။
၅။ ငရုပ်ကောင်းစေ့နှင့် အညာခရာစေ့ ၂ မျိုးကို အသင့်အတင့်ရော၍ အမှုန့်ပြုပြီးစားသုံးပါက ခွေးရူးဆိပ် ပြေစေသည်။
၆။ ငရုပ်ကောင်းစားခြင်းဖြင့် အစာကြေခြင်း၊ လေကြေခြင်း၊ ဆီးကောင်းခြင်း၊ ဝမ်းဖောဝမ်းရောင် ဖြစ်ခြင်းနှင့် လိပ်ခေါင်းရောဂါတို့ကို ပျောက်ကင်းစေသည်။
၇။ ငရုပ်ကောင်းမှုန့်ကို နွယ်ချိုနှင့် ရောလျက်ပေးပါက လေထိုး လေအောင့် ရောဂါ၊ နှလုံးတုန် ရင်ခုန်ရောဂါ ပျောက်၏။
ကိုးကား-မြန်မာ့ဆေးဝါးပင်များ
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}