နွားကလေးခြံ

နွားကလေးကို ကြိုးနဲ့ချည်ထားခြင်းထက် နွားငယ်ခြံထဲမှာထားခြင်းက ပိုကောင်းပါသည်။ ဒါမှသာ နွားကလေးများ ပိုပြီးလွတ်လပ်ပျော်ရွှင်စွာ သွားလာနိုင်၊ အစာနှင့်ရေကို လွတ်လပ်စွာ စားနိုင်မည်ဖြစ်သည်။ တစ်ကောင်ချင်းစီ ကျွေးစရာမလိုတော့ဘဲ စီမံရတာလည်း ပိုလွယ်ကူမည်။

နွားကလေးကို မွေးပြီးပထမအပတ်အတွင်း မိခင်နွားမကြီးနှင့်ခွဲပြီး သန့်ရှင်းသည့် နွားကလေးခြံတွင် ထားရမည်။ ထိုခြံသည် သန့်ရှင်းပြီး သက်သောင့်သက်သာဖြစ်စေမည့် အပူချိန်ရှိရမည်။ အစာနှင့်ရေ လွတ်လပ်စွာ စားနိုင်စေရမည်။ အကြီးအငယ်ကွာခြားမှုမရှိစေရန် တစ်ခြံထဲတွင် အရွယ်တူများသာထားရမည်။

အချို့ခြံများတွင် နွားကလေးတစ်ကောင်ချင်းစီထည့်သည့် နွားငယ်လှောင်အိမ်များရှိကြသည်။ ထိုကဲ့သို့ တစ်ကောင်ချင်းစီ ခွဲထားခြင်းသည် နွားငယ်များကြား ရောဂါကူးစက်နိုင်သည့် အခွင့်အရေးကို လျှော့ချနိုင်သည်။ တစ်ကောင်ချင်းစီ ခွဲထားခြင်းမျိုး မဟုတ်ဘဲ နွားကလေးများကို အရွယ်တူအုပ်စုလိုက် အကန့်ခွဲထားနိုင်လျှင်လည်း ကောင်းပါသည်။

သန့်ရှင်းသောနွားငယ်ခြံရှိခြင်းနှင့် နေမကောင်းဖြစ်သောနွားငယ်ကို အုပ်စုမှ မြန်မြန် သီးသန့်ခွဲထားနိုင်ခြင်းသည် ရောဂါကူးစက်မှုကို လျှော့ချရာတွင် ထိရောက်မှုရှိသည်။ နွားငယ်ခြံတစ်ခြံထဲတွင် ကောင်ရေအနည်းငယ်သာရှိလျှင် ပြဿနာမရှိပါ။ အကယ်၍ ခြံရှိနွားကလေးများ နေမကောင်း/ရောဂါဖြစ်၍ သေနှုန်းသည် ၅ ရာခိုင်နှုန်းထက်များနေပါက တစ်ကောင်ချင်း လှောင်အိမ်ဖြင့် ထားသင့်သည်။

နွားငယ်ခြံကို သန့်ရှင်းရလွယ်ကူပြီး သက်သောင့်သက်သာဖြစ်စေမည့် ပစ္စည်းများဖြင့် ဆောက်သင့်သည်။ ကွန်ကရစ်ကြမ်းပြင်သည် အဆင်ပြေသည်။ သို့သော် နွားငယ်ကလေးများအတွက် အိပ်ရတာ သက်သောင့်သက်သာရှိစေဖို့ စပါးခွံ သို့မဟုတ် ကောက်ရိုးခင်းပေးပြီး ပုံမှန်လဲပေးဖို့လိုအပ်သည်။ နွားငယ်ခြံကို သစ်သားပြားအခင်းဖြင့် အမြင့်တွင်ဆောက်လျှင် အညစ်အကြေးနှင့် ဆီးများ အောက်သို့ကျသွားသည့်အတွက် အခင်းသည် ခြောက်ပြီးသန့်ရှင်းနေမည်ဖြစ်သည်။

နွားကလေးများအတွက် သက်သောင့်သက်သာဖြစ်သော အပူချိန်သည် လူများထက် ပိုလျော့နည်းသည်။ လူတွေအတွက် ပူအိုက်သည်ဟု အနည်းငယ်ခံစားရချိန်တွင် နွားကလေးများအတွက်မူ လူတွေထက် ပိုပူသည့် (heat stress) အခြေအနေဖြစ်သည်။ အေးသည့်အချိန်တွင်လည်း လူတွေအေးသည်ဟု ခံစားမိချိန်သည် နွားများအတွက် သက်သောင့်သက်သာအခြေအနေဖြစ်သည်။ ရှမ်းပြည်နယ်လို အအေးများတဲ့နေရာတွင် ဆောင်းရာသီမှာတော့ နွားကလေးများနွေးစေဖို့ ကောက်ရိုးခင်းပေးတာက ၎င်းတို့အတွက်အဆင်ပြေစေမည်။ ပူသည့် အခြားသောဒေသများအဖို့ လေဝင်လေထွက်ကောင်း၊ အရိပ်ရပြီး အေးသည့်နေရာတွင် နွားကလေးခြံ ဆောက်သင့်သည်။

ခြံထဲတွင် ရေနှင့် အစာခွက်ထားပေးရမည်။ သန့်ရှင်းရလွယ်ပြီး အစာနှင့် ရေ ထည့်ရလွယ်ကူရမည်။ အလိုအလျောက်အဖွင့်အပိတ်လုပ်နိုင်သည့် ရေခွက်မျိုး ထားပေးခြင်းဖြင့် နွားကလေးများ ၂၄ နာရီ ရေရနေစေဖို့ လွယ်ကူစေမည်။ ခြံအပေါက်ဝသည် နွားကလေးကြီးလာပြီး နို့ဖြတ်ဖို့ အပြင်ထုတ်ချိန်တွင် အဆင်ပြေစေရန် လုံလောက်သည့် အကျယ်ရှိရမည်။ နို့ဖြတ်ပြီးနောက် နွားကလေးများကိုလည်း အရွယ်တူအုပ်စုလိုက် အကန့်ခွဲထားပြီး ကျွေးမွေးစီမံနိုင်လျှင် ပိုကောင်းပါသည်။

ဝါးနှင့် သက်ကယ်ကိုအသုံးပြုပြီး အရိုးရှင်းဆုံးနှင့် စျေးသက်သာသော နွားငယ်ခြံလည်းပြုလုပ်နိုင်ပါသည်။ နွားကလေးများကို သန့်ရှင်း၊ အေးမြစွာထားနိုင်ဖို့၊ အစာနှင့်ရေ လွတ်လပ်စွာစားစေနိုင်ဖို့သည်သာ ပို၍အဓိကကျသည်။

MDEP

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...