နှမ်းရိုးမည်း ရောဂါ (Black Stem or Charcoal Rot)

ရောဂါ လက္ခဏာ

နှမ်းပင်၏ ပင်ခြေပိုင်း၌ အညိုရောင် အနာကွက်ငယ်များ စတင်ဖြစ်ပေါ်သည်။ ရောဂါ ပြင်းထန်ပါက ရောဂါရ အပိုင်းရှိ တစ်ရှုးသားများ ညိုမည်းလာပြီး အချို့မှာ အနာချိုင့် ဖြစ်လာသည်။ အခေါက်များလည်း ဖွာလန်၍ လာသည်။ ထို့ပြင် ယင်းတစ်ရှုးများပေါ်တွင် ခပ်မည်းမည်း အဖုကလေးများ ဖြစ်ပေါ်လျက်ရှိသည်။ ထိုအချိန်တွင် နှမ်းပင်ခြေရင်းပိုင်းမှာ လုံးဝ မဲနက်ပြီး ပင်ပေါ်ပိုင်းလည်း အဝါရောင်ပြောင်းကာ ညှိုးစပြုလာသည်။ နောက်ဆုံး တပင်လုံး မဲခြောက်၍ သေသွားသည်။ ရောဂါက နှမ်းရိုးကို ခွဲကြည့်ပါက မှိုမျှင်စုများ တွေ့နိုင်သည်။

ကူးစက် ပျံ့နှံ့ခြင်း

ရောဂါ ဖြစ်စေသောမှိုသည် မြေတွင်း၌ ကျန်ခဲ့သော အပင်ကြွင်းကျန်များပေါ်တွင် ခိုအောင်းနေလေ့ ရှိသည်။ နှမ်းပင်ဖြစ်လာချိန်တွင် မြေကြီး အစိုဓာတ် လွန်ကဲချိန်နှင့် ကြုံပါက ပင်ကျန်များပေါ်၌ ခိုနေသာ မှို၏ တိုက်ခိုက်မှုကို ခံရသည်။ ထို့ပြင် ရောဂါရ စိုက်ခင်းများမှ အခြား လယ်ယာသုံး ပစ္စည်းကိရိယာများနှင့် ကျွဲ၊ နွား တိရိစ္ဆာန်များ၏ ခြေထောက်များတွင် ကပ်ပါသော မြေကြီးမှုန်တို့မှ တဆင့် တစ်ကွက်မှ တစ်ကွက်သို့ ကူးစက်နိုင်သည်။ ဤရောဂါသည် အပူချိန် (၃၅-၃၉) ဒီဂရီ စင်တီဂရိတ်ရှိချိန်တွင် ရောဂါ ပြင်းထန်လေ့ ရှိသည်။

ကာကွယ်နှိမ်နင်းနည်းများ

• စိုက်ခင်းရေ မဝပ်စေရန် ဆောင်ရွက်ပါ။
• ကြားပေါင်းလိုက်ချိန်တွင် အပင်များ ထိခိုက်မှု မရှိစေရ။
• သီးလှည့် စနစ်ဖြင့် စိုက်ပါ။ေ
• ရာဂါရ ပင်ကြွင်း၊ ပင်ကျန်များကို မီးရှို့၍ လည်းကောင်း၊ မြေမြုပ်၍ဆွေးမြေ့စေရန် ဆောင်ရွက်ပါ။
• ပုလဲမြေသြဇာ လွန်ကဲစွာ အသုံးပြုမှုကို ရှောင်ပါ။ ပိုတက် မြေသြဇာကို အချိုးကျ သုံးစွဲပါ။
• မန်ကိုဇက်၊ ဘီနိုမို်င်း စသည့် ဆေးများကို အညွှန်းပါ အတိုင်း ပက်ဖျန်းပါ။ 

မှတ်ချက်။ စိုက်ပျိုးရေး ဦးစီးဌာန၏ ခွင့်ပြုချက်ဖြင့် နည်းပညာများအား ပြန်လည် မျှဝေပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်