အိမ်မှာ Home Stay ရင်း ကော်ဖီပင်လေး စိုက်ကြည့်မယ်

အရသာရှိပြီး မွှေးပျံ့တဲ့၊ စွဲမက်ဖွယ်ရာ ကော်ဖီစေ့တွေ သီးပေးနိုင်မယ့် ကော်ဖီပင်လေးတစ်ပင်လောက် အိမ်ထဲမှာ ရှိမယ်ဆိုရင် ဒီခံစားချက်ကလေးက သိပ်ကိုမကောင်းလွန်းဘူးလား…? ကော်ဖီပင်တွေက နှစ်ရှည်ပင်အမျိုးအစားဖြစ်သလို၊ လေဒဏ် မိုးဒဏ် ရာသီဥတုဒဏ်ကို ခံနိုင်ရည်ရှိတဲ့ အပင်တွေထဲက တစ်ခုလည်း ဖြစ်ပါတယ်။ အိမ်မှာ Home stay နေရင်းနဲ့ ကော်ဖီပင်လေးတစ်ပင်ကို စိုက်ကြည့်ရင်း၊ အပင်ပြုပြင်ထိန်းသိမ်းမှုလေးတွေ လုပ်ကြည့်ရအောင်။

(၁) ပထမဆုံးအနေနဲ့ ကော်ဖီပင် ပျိုးပင်ပေါက်ကို ဝယ်ယူပါ။ 

(၂) ဝယ်ယူလာတဲ့ပျိုးပင်နဲ့ သင့်တော်တဲ့ အိုးထဲမှာ အော်ဂဲနစ်မြေသြဇာနဲ့ ရောစပ်စိုက်ပျိုးပါ။

(၃) အပင်ကြီးထွားမှုလျှင်မြန်စေဖို့ တဆင့်ခံရရှိတဲ့ နေရောင်ခြည်မှာ ထားသင့်ပါတယ်။ ဒါ့ကြောင့် အပင်ကို အိမ်ပြတင်းပေါက်နားမှာ ထားနိုင်ပါတယ်။ 

(၄) အပင်ကိုရေ လောင်းပေးပြီး၊ မြေဆီလွှာကို အစိုဓာတ်ပေးရပါမယ်။ ရေကို တအား အိုင်နေတဲ့အထိတော့ လောင်းပေးနေဖို့ မလိုအပ်ပါဘူး။ 

(၅) မြေသြဇာကိုတော့ အော်ဂဲနစ်မြေသြဇာတွေကို သုံးပါ။ 

(၆) မူလဝယ်ထားတဲ့အပင်ထက် (၂)ဆ ကြီးထွားလာတဲ့အခါ အိုးပြောင်းစိုက်ပေးရပါမယ်။ ဒီလိုနည်းလမ်းနဲ့ အပင်ကြီးလာတိုင်း အိုးပြောင်းစိုက်ပေးပါ။ 

နေရောင်ခြည်ပေးပါ။ ရေပေးပါ။ အော်ဂဲနစ်မြေသြဇာကျွေးမွေးပါ။ အပင်ကို ဂရုစိုက်ပေးရင် ပေးသလောက် တစ်နှစ်အတွင်း အပင်ကြီးထွားမှုကို သိသိသာသာ တွေ့မြင်ရမှာဖြစ်ပြီး၊ (၃)နှစ်ကနေ (၅)နှစ်အကြာမှာတော့ အပွင့်ပွင့်လာကာ ဝတ်မှုန်ကူးပြီး၊ အသီးလေးတွေ ဖြစ်ထွန်းလာပါလိမ့်မယ်။ အိမ်မှာ စိုက်ပျိုးတဲ့ ကော်ဖီပင်လေး တစ်ပင်ကနေ ကော်ဖီမှုန့်အများကြီး ဖြစ်လာမှာတော့ မဟုတ်ပေမယ့်၊ ကိုယ်တိုင်ပြုစုပျိုးထောင်ရင်း ရရှိလာမယ့် ပီတိအပြင်၊ အိမ်ကိုလာလည်မယ့် မိတ်ဆွေတွေနဲ့ နောက်လာနောက်သားတွေကို ပြန်လည်မျှဝေပေးနိုင် မှာကတော့ မလွဲပါဘူး။

သင်ရော… 

ကော်ဖီပင်လေးတစ်ပင်လောက် ကိုယ်တိုင်မစိုက်ဖူးချင်ဘူးလား..?

နန်းထက်ထက်ချစ်(ABM)

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more