ကိုရိုနာဗိုင်းရပ်စ်ကာကွယ်ဖို့ အခြေခံအချက်များ

အခုချိန်တွေမှာဆိုရင် ရောဂါလက္ခဏာမပြသေးပဲနဲ့လည်း ပိုးရှိနေတဲ့ လူတွေကိုတွေ့နေရပါတယ်။ တစ်ကယ်တော့ ကိုရိုနာဗိုင်းရပ်စ်က ခန္ဓာကိုယ်အတွင်းဝင်ဝင်ချင်း ရောဂါလက္ခဏာမပြသေးပါဘူး။ ဝင်ပြီး ၂ရက်ကနေ ၁၀ ရက်အတွင်းမှ စဖျားတာပါ။

ရောဂါလက္ခဏာတွေအနေနဲ့-

- လည်ချောင်းနာမယ်။

- ၅ ရက် ၆ ရက်ကြာရင် ဖျားပြီး အသက်ရှူရကြပ်မယ်။ (အဲဒီရက်လောက်မှ ဖျားတာဖြစ်လို့ မဖျားခင် ၅ ရက်လောက်အတွင်းမှာတင် ပိုးသယ်ဆောင်သူဖြစ်နေပြီးလို့ အဖျားလေးတိုင်းရုံနဲ့ ပိုးကိုမစိစစ်နိုင်ဘူးဆိုတာ သိစေချင်ပါတယ်။)

- နှာယောင်ယမ်း နှာပိတ်ခြင်းက သာမန်နဲ့မတူပဲ ရေနစ်သကဲ့သို့ မွန်းကျပ်ပြီး အသက်ရှူရခက်နေမှာပါ။ ဒီအချိန်မှာ အရေးတကြီးကုသဖို့လိုပါတယ်။

- ချောင်းချောက်ဆိုးတတ်ပြီး ရိုးရိုးတုပ်ကွေးလောက် နှာမစေးတတ်ပါဘူး။ (နှာစေပြီး သလိပ်ထနေလျှင် ရိုးရိုးအအေးပတ်တာ ဖြစ်နိုင်ချေများပါတယ်။)

ကိုရိုနာဗိုင်းရပ်စ် (Covid-19 Corona Virus) ကို ကြိုတင်ကာကွယ် တားဆီးနိုင်ရန်အတွက် အလွန်လွယ်ကူပြီး ဆေးဝါးမလိုအပ်သည့် နည်းလမ်းကို ဆေးဖက်ဆိုင်ရာပညာရှင်များအရ ညွှန်းပေးလိုက်ပါတယ်။

၁။ အိမ်သုံးဆားရေနွေး နွေးလေးကိုငုံပြီး ခေါင်းမော့၍ ပလုတ်ကျင်းပါ။ မိမိခံနိုင်သော အပူချိန်ကို အသုံးပြုပါ။ တစ်နေ့လျှင် တစ်မိနစ်ခန့် သုံးကြိမ်ပြုလုပ်ပါ။ နှာခေါင်း၊ ပါးစပ်တို့ကနေ ဗိုင်းရပ်ဝင်လာပြီဆိုရင် လည်ပင်း ( နှာခေါင်းကနေသွားတဲ့ လေပြွန်နဲ့ ပါးစပ်ကလာတဲ့ အစာပြွန် စုံတဲ့နေရာအပါ်) မှာ ၄ ရက်ခိုအောင်းနေနိုင်ပါတယ်။ ဒါကြောင့် ဆားရည်ကို ပြောပြထားသည့်အတိုင်း ဂရုတစိုက် ပလုတ်ကျင်းသင့်ပါတယ်။

၂။ လည်ချောင်းစူးရှမှု ပိုပြင်းထန်လာခဲ့ပါက ဆားရည်ကို ငုံခြင်းအပြင် ကြက်သွန်ဖြူ တစ်စိတ်ခွာပြီး ပါးစပ်အတွင်းငုံထားပေးပါ။ ဝါးမစားရပါ။ ထို့နောက် ကြက်သွန်ဖြူကို သွားဖြင့် အနည်းငယ် ဖိကိုက်လိုက်ပါ။ ကြက်သွန်ဖြူမှ အရည်နှင့်အတူ စူးရှသည့်အပူ ထွက်လာပါလိမ့်မည်။ ထိုအပူရှိန်ကို အဆုတ်အထိရအောင်ရှူသွင်းပြီး ၁၀ စက္ကန့်ခန့် အသက်အောင့်ထားပါ။ ၎င်းတွင်ပါဝင်သည့် ဓာတ်သည် ပိုးမွှားကို သေစေသည်။ လည်ချောင်းနာခြင်းကို သက်သာစေပြီး ရောဂါ ၏ 80%ကို ကုသပေးသည်။

၃။ ချောင်းဆိုးစတင်လာပြီဆို လျှင် ရေနွေးငွေ့ကို မျက်နှာရှေ့ထားပြီး အငွေ့များကို အဆုတ်ထိရောက်အောင် ရှူပေးပါ။ တစ်နေ့ ၃ကြိမ် နှစ်ရက်ခန့် ပြုလုပ်ပေးလျှင် ရောဂါ၏ 90%ကို ကုသနိုင်ပြီး virus ကိုလည်း နှိမ်နင်းနိုင်မည်ဖြစ်သည်။

၄။ လက်ဖက်ရည်ကြမ်း၊ ရေနွေးများများသောက်ပေးပါ။ ဂျပန်ဆရာဝန်များရဲ့ အကြံပြုချက်အရ ပါးစပ်နဲ့လည်ချောင်းကို စိုစွတ်နေအောင် ထားပါ။ ရေကို အနည်းဆုံး ၁၅မိနစ်တစ်ခါသောက်ပေးပါ (ဗိုင်းရပ်စ်ဝင်နေခဲ့သည်ရှိသော် ရေသောက်လိုက်သောအခါ အစာအိမ်ထဲသို့ရောက်သွားမည်။ အစာအိမ်ထဲက အက်ဆစ်က ဗိုင်းရပ်ကို အတော်အတန် သေစေသည်)။

၅။ အာဟာရပြည့်ဝသောအစားအစာများကို စားပေးပါ။

၆။ ထမင်းတွင် ပါဝင်သော ကာဗွန်ဟိုက်ဒိုက်ဓာတ်သည် ခုခံအားကောင်းစေသည့်အတွက် ထမင်းပုံမှန်စားပေးခြင်း၊ ကာဗွန်ဟိုက်ဒရိုက်ဓာတ်ပါတဲ့ အရာများစားပေးပါ။

၇။ လက်ကို ဆပ်ပြာနဲ့မကြာခဏဆေးပေးပါ။ အရာဝတ္ထု တစ်ခုခုကိုင်ပြီးတိုင်း ဆပ်ပြာနဲ့သေချာစွာဆေးပါ။ လက်မဆေးပဲ မျက်လုံး၊ နှာခေါင်းတို့ကို မပွတ်မိအောင်သတိထားပါ။ အပြင်မှပြန်လာပြီးလို့ လက်မဆေးရသေးပဲ ကလေးကို တန်းချီတာတို့ မလုပ်သင့်ပါဘူး။ အသက်ကြီးတဲ့သူတွေနဲ့ ကလေးတွေက ခံနိုင်ရည်အားနည်းပါတယ်။

၈။ လက်သန့်ဆေးရည်များဆောင်ထားပါ။ လက်သန့်ဆေးရည်မလွယ်ပါက တစ်ရှူးအစိုထဲ အရက်ပျံ ထည့်ထားပြီး ပွတ်ပေးလို့လည်းရပါတယ်။

၉။ များသောအားဖြင့် အိမ်မှာပဲနေပါ။ အပြင်သွားစရာရှိလာရင်လည်း နှာခေါင်းစည်းအုပ်သွားပါ။

ဝူဟန်ဗိုင်းရပ်စ်ပိုးဟာ ပျံ့နှံ့လွယ်သဖြင့် မဖြစ်လောက်ပါဘူးဟု ပေါ့ဆလို့မရပါဘူး။ တောင်သူဦးကြီးများလည်း ကျန်းမာရေးဌာနက တရားဝင်ထုတ်ပြန်ထားသည့် ကာကွယ်ဆင်ခြင်နည်းတွေကို မှတ်သားလိုက်နာပါလို့ တိုက်တွန်းလိုက်ပါရစေရှင်။ ဘာလက္ခဏာမှမပြသေးတဲ့ လူကောင်းထံမှလည်း ရောဂါပိုးဝင်ပြီးဖြစ်နေနိုင်တဲ့အတွက် အားလုံးပဲသတိရှိကြပါ။

အစိမ်းရောင်လမ်း

(ယခုဆောင်းပါးက ဦးကြီးတို့အတွက် အကျိုးတစ်စုံတရာဖြစ်ထွန်းမှု ရှိ /မရှိ ပေါ်မူတည်ပြီး အောက်မှာဖော်ပြပေးထားတဲ့ "အသုံးဝင်ပါတယ်" "အသုံးမဝင်ပါ" ဆိုတဲ့ စာတန်းလေးကို ရွေးချယ်နှိပ်ပေးဖို့ တောင်းဆိုပါရစေ)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...