အစိမ်းရောင်လမ်း - နဂါးမောက်စိုက်ပျိုးခြင်း

ကိုယ္တိုင္ စိုက္ပ်ိဳးရာမွ ရရွိေသာ အေတြ႕အႀကဳံမ်ားကို စာဖတ္သူတို႔ သိရွိေစရန္ ျပန္လည္ ေဝမွ်ထားေသာ ေဆာင္းပါးေကာင္း တစ္ပုဒ္ ျဖစ္ပါသည္

နဂါးမောက်သီးသည် အရွက်မရှိ၊ ပင်စည်တွင်အစာနှင့် ရေ သိုလှောင် ထားနိုင်သော တွယ်ကပ်ပင် အမျိုးအစား ဖြစ်ပါသည်။ နဂါးမောက်ပင်ကို အလှစိုက်ရန် အဖြစ်စိုက်ပျိုးကြ သလိုအသီးရရန် လည်းစိုက်ပျိုး လာကြ ပါသည်။ နဂါးမောက် သီးတွင်တောက်ပသော အနီရောင် အခွံပျော့ရှိပြီး အစိမ်းရောင် ရွက်ဖတ်များ ပါဝင်သည်။ အစိမ်းရောင် ရွက်ဖတ်သည် အသီး ရင့်မှည့် ပါကအနီရောင် သို့အသီးခွံပျော့နှင့် အတူပြောင်းလာမည်။

အသီး၏ အတွင်းသား အရောင်မှာ အဖြူ၊ ကြက်သွေး၊ ခရမ်းရင့်၊ အနီ၊ အသားရောင် များဖြစ်လေ့ရှိကာ အနက်ရောင် အစေ့ငယ်များ ပါဝင်ပါသည်။ နဂါးမောက်ပင်၏ အပွင့်မှာ အလွန်လှပပြီး ညတွင်ပွင့်သောကြောင့် ည၏ ဘုရင်မပန်း ဟုပင် တင်စား ခေါ်ပါသည်။

အရည်ရွှမ်းသော အသီးသည် စားသုံးရန် အရသာ ရှိသော အသီး တစ်ခု ဖြစ်ပါသည်။ နဂါးမောက်သီးပင်နှင့် နဂါးမောက်သီး ထုတ်လုပ် ခြင်းကို စားသုံးသီးနှံ အသစ် တစ်ခု အဖြစ် ဩစတေးလျ၊ တရုတ်၊ အစ္စရေး၊ မလေးရှား၊ နီကာရာဂွာ၊ ထိုင်ဝမ်နှင့် ဗီယက်နမ်နိုင်ငံများတွင် စီးပွားဖြစ်စိုက်ပျိုးခြင်း ၊နိုင်ငံခြားသို့ တင်ပို့ ရောင်းချခြင်းပြုလုပ် ပါလာ ပါသည်။ဗီယက်နမ် နိုင်ငံတွင် နဂါးမောက်သီး စိုက်ပျိုး ရောင်းချ ခြင်းကို ဒူးရင်းသီး စိုက်ပျိုးခြင်းထက်ပိုမို တွင်ကျယ်၍ စီးပွား ကိုက်အောင် စိုက်ပျိုးလာနိုင် ခဲ့ပါသည်။ နဂါးမောက်ပင် စိုက်ပျိုးရာတွင်အပင် တွယ်တက်ရန် တိုင်နှင့်တန်းများ၏ တန်ဖိုးကြောင့် အရင်းအနှီး ကြီးသည်ဟုပြောနိုင် သော်လည်း မိမိ ပတ်ဝန်းကျင်တွင် လွယ်ကူစွာ နှင့်ဈေးချိုစွာ ရနိုင်သော သစ်ဝါးကို အသုံးပြု၍ စိုက်ပျိုးပါက အရင်း အနှီးမများလှဘဲ စတင် စိုက်ပျိုးနိုင်ပါသည်။

သစ်၊ဝါးကို အသုံးပြု၍ စာရေးသူ စိုက်ပျိုးထားသော အထက်ပါ ပုံများကိုလေ့လာနိုင်ပါသည်။ နဂါးမောက်ပင်ကို အထူးတလည် ဂရုစိုက် စရာမလိုဘဲ လွယ်ကူစွာ စိုက်ပျိုးနိုင်ခြင်း ၊ပြုစုစောင့်ရှောက်မှု နည်းခြင်းနှင့်ရောဂါပိုးမွှား ဒဏ်ခံနိုင်ခြင်း တို့ကြောင့် စီးပွားဖြစ် စိုက်ပျိုးသင့်သော သီးစားပင် တစ်ခုဖြစ်ပါသည်။ နဂါးမောက်သီးပင်သည် အပင်သက်တမ်း အနှစ် (၂၀) ခန့်ရှိပြီး တစ်ဧကတွင် အပင်(၁၆၀၀) မှ (၅၀၀၀) စိုက်ပျိုးနိုင်ပါသည်။ အကြမ်းအားဖြင့် နဂါးမောက်ခြံ တစ်ဧကလျှင် အသီး(၁၀)တန် ခန့်ရရှိပါမည်။ စိုက်ပျိုးပြီး (၈) လကျော်လျှင် နဂါးမောက်သီး စတင်သီး လာမည်ဖြစ်ပါသည်။

စွမ်းအားပြည့်သီးပွင့် လာစေရန် အတွက်အပင် သက်တမ်းနှစ်နှစ်မှ ငါးနှစ် ကြာပါသည်။ နဂါးမောက်သီးပင် ကိုနွားချေး ၊မြေဆွေး စသည့် ပတ်ဝန်းကျင်တွင် လွယ်ကူစွာ ရနိုင်သောအော်ဂဲနစ်မြေဩဇာ သုံး၍ စီးပွားဖြစ်စိုက်ပျိုး နိုင်ပါသည်။ နဂါးမောက် သီးပင်သည်နိုင်ထရိုဂျင် လိုအပ်မှု နည်းသောကြောင့်နောင် တွင်တွင်ကျယ် လာမည့်စီးပွားရေး အရအလားအလာ ကောင်းသော သီးစားပင် ဖြစ်လာ နိုင်ပါသည်။

နဂါးမောက် သီးပင်မျိုးကွဲ များစွာ ရှိသော်လည်း စာရေးသူ အနေနှင့် အတွင်းသား အဖြူရောင် နှင့်အနီရောင် နှစ်မျိုးကိုသာ အဓိက ဆွေးနွေး သွားပါမည်။ နဂါးမောက်ပင်ကို လေ့လာ ရာတွင် သုံးထောင့်ပုံပင်စည်၊ ပင်လုံးရှိပြီး အဖြူရောင် ပန်းပွင့် ရှိပါသည်။

စားသုံးနိုင်သော နဂါးမောက်သီးပင်၏ ပင်စည်၊ ကိုင်း၊ အပင်၏သဘာဝ၊ အသီး၏အရောင်နှင့် အသီး အတွင်းအသား၏ အရောင်ကို မူတည်၍ခွဲခြား လေ့လာ နိုင်ပါသည်။ နဂါးမောက်သီးဟု လွယ်ကူစွာခေါ်သလိုနိုင်ငံ အလိုက်လူမျိုး အလိုက်အခေါ် နာမည်များကွဲပြား ခြားနား ပါသည်။

(ဆက်ရန် ရှိပါသေးသည်)

ဦးကျော်နိုင်BE. Mech, PE (Myanmar Engineering Council )

နွေရာသီVocational Training နည်းပညာသင်တန်းများ

& Red Pitaya Wine

အမှတ်စ၂(၇၁x ၇၂) ရပ်ကွက်ကြီး၁၀

ရတနာလမ်းနှင့်သိင်္ဂီလမ်းအကြား

ကားကြီးကွင်းအနီး

ပဒေသာမြို့သစ်

ပြင်ဦးလွင်မြို့

References:

Dragon Fruit by H. P. M Gunasena , Department of Crop Science, Faculty of Agriculture, University of Peradeniya, Sri Lanka

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...