ရေမွှေးပန်း

ရေမွှေးပန်းသည် နှစ်ရှည်သီးနှံပင်ဖြစ်ပြီး၊ ရာသီဥတုအပူအအေးမျိုးစုံတွင်ဖြစ်ထွန်းသည်။ ပန်းပွင့်နှင့်အရွက်များကိုစားသုံးရပြီး အပင်အမြင့် ၁-၃ ပေနှင့်အကျယ် ၁-၃ ပေရှိသည်။ နွေရာသီအစောပိုင်းတွင် စွဲမက်စရာအနံ့ရှိသော ပန်းပွင့်နေသည့်ရေမွှေးပန်းပင်သည် အနံ့အသက်အတွက် သာယာကြည်နူးဖွယ်ဖြစ်သည်။ ရေမွှေးပန်းပင်သည် ပင်စည်ကိုင်းများစွာရှိ ချုံပုတ်ပင်မျိုးဖြစ်သည်။ အသက်ကြီးရင့်လာလေ အကိုင်းအခက်များ မာကျောပြီးပို၍ထူပြောလာလေဖြစ်သည်။ အနားချောမွေ့ပြီး ငွေမင်ရောင်အရွက်များသည် ၂ လက်မရှည်သည်။ အပင်ငယ်သည့်အခါ ခရမ်းရောင်မှ မရမ်းရင့်ရောင်ရှိအပွင့်များသည် နွေရာသီတွင်တစ်လခန့်ကြာအောင်ရိုးတံမပါပဲ စုပြုံ၍ ၆-၈ လက်မရှည်သောအငုံဖြစ်နေသည်။ တစ်ပင်လုံးမွှေးကြိုင်သောအပင်ဖြစ်သည်။ ပွတ်တိုက်လိုက်လျှင် အမွှေးနံ့ထွက်လာသည်။ ခရမ်းရောင် သို့မဟုတ် မီးခိုးနုရောင်ရှိသောပန်းအငုံရော အရွက်များပါ မွှေးကြသည်။ ပူနွေးသောနေ့တွင် အမွှေးနံ့သည် တစ်ကွက်လုံး ပျံ့နှံ့နေသည်။ စုပြုံ၍ပေါက်နေသောအပင်များသည် တဖြည်းဖြည်းဖြင့် မီးခိုးရောင်အရွက်ပုံကြီးသဖွယ် ဖြစ်လာသည်။ လတ်လတ်ဆတ်ဆတ်ဖြစ်စေ၊ အခြောက်ကိုဖြစ်စေ အပွင့်များကို ကိတ်မုန့်၊ ကူလီ၊ ဂျယ်လီ၊ ဘလက်တီး၊ ရှာလကာရည်၊ သစ်သီး သို့မဟုတ် ကြက်ဥတို့တွင် ကျယ်ပြန့်စွာသုံးစွဲကြသည်။ လူသွားလမ်းဘေးတစ်လျှောက်တွင် ရေမွှေးပန်းပင်စိုက်ထားခြင်းကို လူအများက ကြိုက်နှစ်သက်ကြသည်။

စိုက်ပျိုးခြင်း

နွေဦးပေါက်၌ဖြစ်စေ၊ ဆောင်းရာသီ အအေးပေါ့သောဒေသ ဆောင်းဦးပေါက်၌ဖြစ်စေ စိုက်ပျိုးရသည်။ နေရောင်ခြည်အပြည့်အဝရရှိသောနေရာ၊ မြေဆီသြဇာသင့်တင့်သော မြေကွက်၊ ရေထုတ်ကောင်းသောမြေကွက်တို့တွင် စိုက်ပျိုးရသည်။ အပင်အကွာအဝေးကို ၁-၃ ပေခြား စိုက်ပျိုးရသည်။

ရေမွှေးပန်းပင်သည် မိုးခေါင်ဒဏ်၊ အပူဒဏ်၊ လေဒဏ်တို့ကိုခံနိုင်သော်လည်း လေထုစိုထိန်းဆ၊ မြေဆီလွှာအစိုဓာတ် သို့မဟုတ် ရေထုတ်မကောင်းမှုဒဏ်တို့ကိုမခံနိုင်ချေ။ ပန်းပွင့်ပြီးလျှင် အပင်အိုးများကို အသစ်ဖြစ်ထွန်းစေရန် ဖြတ်တောက်ပေးရသည်။ ပန်းပွင့်ပြီးလျှင် အားမရှိသောအပွင့်များကို ဖယ်ရှားရန်နှင့် အပွင့်များပြားပြီး အသစ်ဖြစ်ပေါ်လာစေရန် အကိုင်းများကိုဖြတ်ပေးရသည်။ နွေဦးပေါက်ရာသီတွင် အပင်သစ်များပေါ်ထွန်းပြီးမှ အပင်ကိုဖြတ်ရသည်။ သို့ရာတွင် မြေကြီးအထိအပင်ခြေမှစ၍ မဖြတ်ရချေ။ နွေဦးပေါက်တွင် အစေ့ကိုဖြစ်စေ၊ အဖျားပိုင်းအကိုင်းဖြတ်၍ဖြစ်စေ ပျိုးထောင်ရသည်။

ရိတ်သိမ်းခြင်း

ပန်းအငုံမှ နောက်ဆုံးအဖူး မပွင့်အာမီ ပန်းပွင့်ရိုးတံမှဖြတ်ယူရသည်။ အပွင့်ရိုးတံများကို အစည်းလိုက် လေဝင်လေထွက်ကောင်းပြီး မှောင်သောနေရာတွင် ဇောက်ထိုးချိတ်ဆွဲထားရသည်။ ဟင်းခတ်အမွှေးအကြိုင်များ၊ ပန်းများနှင့် ရေမွှေးပန်းကိုရော၍ အိမ်တွင် အနံ့မွှေးစေရန် ထားကြသည်။

ပိုးမွှားရောဂါ

ရေမွှေးပန်းသည်သင့်တင့်သောစိုက်ပျိုးနေရာ မဟုတ်လျှင် မြစ်ပုပ်ရောဂါ သို့မဟုတ် ညှိုးခြောက်ရောဂါ ကျရောက်တတ်သည်။ ပဲခွဲခြမ်းအမှုန့် (Pea gravel) ဖြင့် အပင်ခြေ (အမြစ်ထိပ်) ကို ဖုံးအုပ်ပေးခြင်းဖြင့် အစိုဓာတ်ကို အမြန်ခြောက်သွားသဖြင့် ရောဂါကို ကာကွယ်နိုင်သည်။

ဒေါက်တာချစ်၏ စားဖို့ စိုက်စို့ ဈေးကွက်တိုးချဲ့ဗျို့ အတွဲ(၂) စာအုပ်မှ ကောက်နုတ်ဖော်ပြပါသည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...