ရေသောက်တာ အန္တရာယ်လား

15/04/2018 07:54 AM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

ကျွန်တော်တို့ မြန်မာလူမျိုးတွေမှာ ကျန်းမာရေးအတွက် နံနက်စောစောတွင် မတ်ခွက်တစ်ခွက်ရေသောက်လျှင် ကျန်းမာရေးကောင်းသည်ဟု ဆိုပါသည်။ တစ်ချို့ နွေရာသီ နေ့ဘက်နေပူ၍ ချွေးထွက်များလျှင်လည်း ရေများ များသောက်ပေးပါက ချွေးထွက်သောကြောင့် ကုန်ဆုံးသွားသော ချွေးများအစား ရေကပြန်ရလို့ သွေးသစ်တွေတိုး တယ်လို့ ဆိုပါတယ်။ တစ်ချို့ကြတော့လဲ ရေများများသောက်ပေးခြင်းဖြင့် ခန္ဓာကိုယ်ထဲက အညစ်အကြေးတွေနဲ့ အပူတွေဟာ ဆီးနဲ့အတူ ပြင်ပကို ထွက်သွားနိုင်တယ်လို့ ယူဆကြပါတယ်။

ဒီအယူအဆတွေဟာ ကျွန်တော်တို့နိုင်ငံမှာသာမက တစ်ကမ္ဘာလုံးက လက်ခံထားကြပါတယ်။ ဒါပေမယ့် အမေရိ ကန် ကြည်းတပ်၊ ဆေးပညာဌာနက အစီရင်ခံစာတစ်စောင် ထွက်လာပါတယ်။ အဲဒါကတော့ ရေအလွန်အကျွံ သောက်ခြင်းဟာ ကိုယ့်ကိုကိုယ်သတ်သေသလို ဖြစ်နိုင်ပါတယ်။ သူတို့ဟာ ၁၉၉၉ ခုနှစ်က လေတပ်စစ်သည်တွေ ကို (၈) မိုင် ချီတက်လေ့ကျင့်အပြီးမှာ စစ်သည်တစ်ဦးသေဆုံးသွားတယ်။

၂၀၀၀ ပြည့်နှစ် ဇန်နဝါရီလမှာ အသက် ၂၀ သာသာရှိတဲ့ ကြည်းတပ်စစ်သမီးတစ်ဦး ဆေးစစ်ဖို့ ဆီးလိုတဲ့အတွက် ရေအလွန်အမင်းသောက်ရင်း သေဆုံးသွားတယ်။ ၂၀၀၁ ခုနှစ်၊ မတ်လမှာ အသက် ၁၉ နှစ်ရှိ မရိန်းစစ်သည်တွေ ၂၆ မိုင် ချီတက်အပြီး တစ်ဦးသေဆုံးသွားတာ လေ့လာခဲ့ရပါတယ်။

သေဆုံးသူအားလုံးဟာ ရေကိုအလွန်အကျွံသောက်ပြီး သွေးထဲမှာ ဆိုဒီယမ်၊ ဆားဓာတ်အလွန်လျော့နည်းပြီး သေဆုံးခဲ့ရကြောင်း တွေ့ရှိခဲ့ပါတယ်။ သူတို့ပြောကြားချက်အရ ရေကို အလွန်အကျွံသောက်သုံးတဲ့အတွက် ခန္ဓာကိုယ်ထဲကရေတွေ လိုအပ်တာထက် ပိုသွားပါတယ်။

အဲ့ဒီရေအားလုံးကိုလည်း ခန္ဓာကိုယ်က ဆီးအဖြစ်၊ ချွေးအဖြစ် အပြင်ကို စွန့်ထုတ်ပစ်နိုင်တာမဟုတ်ပါဘူး။ ရေတွေဟာ အူသိမ် အူမတွေထဲကို ရောက်သွားရော။ အူသိမ်အူမဆိုတာ ခန္ဓာကိုယ်အတွက် လိုအပ်တဲ့ဆားဓာတ်ကို သိုလှောင်ထားတာဆိုတော့ ရေတွေလည်းဝင်ရော ဆားတွေကရေထဲမှာပျော်ပြီး ခန္ဓာကိုယ်ထဲက တစ်ရှူးတွေထဲမှာ ရှိတဲ့ ဆားတွေဟာ ရေနဲ့ဓာတ်ပြုပြီး ဓာတ်ပြယ်သွားတာနဲ့တပြိုင်နက် ဦးနှောက်ကပွပြီး ရောင်လာပါတော့တယ်။ ဒီတော့ပွလာတဲ့ ဦးနှောက်ဟာ သူ့ရဲ့ဦးခေါင်းခွံကို ဖိရာကနေ ဦးနှောက်ပျက်စီးသွားပါတော့တယ်။ ဒါကြောင့် ဒီလူတွေဟာ မသေခင်မှာ (ကိုမာ) လို့ခေါ်တဲ့ ဦးနှောက်ထိခိုက်မေ့မြောခြင်းကို စတင်ခံစားရပါတယ်။

အထက်ပါ ဆေးစစ်ချက်အရ ရေကို တစ်နာရီလျှင် တစ်ပုလင်းခွဲကနေ နှစ်ပုလင်းအထက် ပို၍မသောက်ဖို့၊ တစ်နေ့ကို ရေ (၁၈) ပုလင်းထက် ပိုမသောက်ဖို့ နှိုးဆော်ထားပါတယ်။ ရေသောက်ရေချိုးခြင်းသည် မိမိကိုယ်ကို မျှတစွာ ဆင်ခြင်သောက်သုံး ရေချိုးခြင်းသည်အကောင်းဆုံး ဖြစ်ပါလိမ့်မည်။

ဖူးပွင့်ဝေ မဂ္ဂဇင်း - ရေသောက်ရေချိုးမှားခြင်း အန္တရာယ် ဆောင်းပါးမှ ကောက်နှုတ်ဖော်ပြလိုက်ပါတယ်။

 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်