ဆီထွက်သီးနှံစိုက်ပျိုးသော တောင်သူများကိုယ်တိုင် ကျန်းမာရေးနှင့်ညီညွတ်သောစားသုံးဆီကို စားသုံးဖြစ်ကြပါသလား..?

ကျွန်မတို့မြန်မာနိုင်ငံမှာ ဆီထွက်သီးနှံသည် တတိယအများဆုံး စိုက်ပျိုးသီးနှံဖြစ်၍ အဓိကအားဖြင့် နှမ်း၊ မြေပဲ၊ နေကြာ၊ ပဲပုပ်၊ ဆီအုန်းတို့်စိုက်ပျိုးသည်။ ဆီထွက်သီးနှံစိုက်ပျိုးမှုမှာ တတိယအများဆုံး စိုက်ပျိုးသီးနှံဖြစ်သော်လည်း ပြည်တွင်းစားသုံးမှုအတွက်ပင် မလုံလောက်မှုများဖြစ်နေသည်။

စားသုံးဆီများထုတ်လုပ်ရာတွင် အသုံးပြုသောသီးနှံများ၏ ပြည်ပမှတင်သွင်းမှုသည် ယခုအချိန်ထိ ပြည်ပပို့ကုန်ထက် နှစ်ဆကျော်ပိုများနေသည်။ လွန်ခဲ့သော လေးနှစ်မှ ငါးနှစ်အတွင်း စားသုံးဆီများသုံးစွဲသောပမာဏသည် အမေရိကန်ဒေါ်လာ သန်း၂၀၀ ခန့်ရှိပြီး ယခုအခါ အမေရိကန်ဒေါ်လာ သန်း ၆၀၀ အထိမြင့်တက်ခဲ့သည်ဟုသိရသည်။

ဒါ့ကြောင့် ကူးသန်းရောင်းဝယ်ရေးဝန်ကြီးဌာန အမြဲတမ်းအတွင်းရေးမှူး ဦးအောင်စိုး၏ ပြောပြချက်အရ ပြည်တွင်းလိုအပ်ချက်များအတွက် လုံလောက်သောထောက်ပံ့မှုများ ရရှိစေရန် ယခင်စားသုံးဆီများတင်ပို့ခြင်းကို တားမြစ်ထားသောကြောင့် လယ်သမားများသည် စီးပွားရေးအရ မက်လုံးနည်းပါးသောကြောင့် သီးနှံများစိုက်ပျိုးခြင်းကို လျှော့ချခဲ့သည်ဟုသိရသည်။

ဤတွင် စားသုံးဆီတင်ပို့မှုကို တားမြစ်ခြင်းကြောင့် လယ်သမားများ မက်လုံးနည်းပါးလာ၍ သီးနှံစိုက်ပျိုးခြင်းကို လျှော့ချခဲ့သည်ဟုအဆိုတွင် မက်လုံးနည်းပါးသော အကြောင်းရင်းထက်ပိုသော အကြောင်းရင်းများစွာရှိနေသည်ဟု ကျွန်မမြင်မိသည်။

မြေပဲဆီ၊ နှမ်းဆီ၊ နေကြာဆီအစရှိသော ဒေသတွင်းထုတ်လုပ်နိုင်သောဆီများသည် ဝင်ငွေနည်းပါးသော စားသုံးသူအုပ်စုနှင့် အခြေခံလူတန်းစားများအတွက် ဝယ်ယူစားသုံးနိုင်မှုမှာ အတိုင်းအတာတစ်ခုအထိ ကွဲပြားနေသေးသည်။ ထို့ပြင် ပြည်တွင်းထုတ်လုပ်သော စားသုံးဆီများကိုရောင်းရန် လူတို့သည် အတုလုပ်၍ အမွှေးနံ့သာများကိုထည့်ကာ လိမ်လည်ရောင်းချမှုများလည်းရှိနေပေသည်။

ဆီစက်နှင့် ဆီရောင်းဝယ်ရေးလုပ်ငန်းရှင်တစ်ဦးထံ သွားရောက်လေ့လာရာတွင် လက်လီလက်ကားရောင်းချပေးသော ဆီအမျိုးအစား မျိုးစုံရှိ၍ စားအုန်းဆီကို ၂၀၀၀ ကျပ်နှုန်း၊ စက်ဆီကို ၃၀၀၀ ကျပ်နှုန်း၊ ပဲဆီကို ၆၀၀၀ ကျပ်နှုန်းနှင့် နှမ်းဆီကို ၇၀၀၀ ကျပ်နှုန်းဖြင့် ရောင်းချပေးနေသည်။ သို့သော် တစ်နေ့ကို ဆီလက်လီဝယ်ယူသောစားသုံးသူ ၁၀ ဦးတွင် ၈ ဦးနှုန်းမှာ စားအုန်းဆီ ၂၀၀၀ ကျပ်တန်ကိုသာ ဝယ်ယူလေ့ရှိကြောင်း တွေ့ခဲ့ရသည်။ဒါ့ကြောင့် ပြည်တွင်းထုတ်လုပ်သော မြေပဲဆီ၊ နှမ်းဆီ၊ နေကြာဆီ စသောအန္တရာယ်ကင်းသော တန်ဖိုးမြင့်သောဆီများကို ဝယ်ယူစားသုံးနိုင်မှုအခြေအနေမှာ အလွန်နည်းပါးနေသေးသော ကျွန်မတို့မြန်မာနိုင်ငံတွင် ဆီထွက်သီးနှံစိုက်တောင်သူများ သီးနှံလျှော့စိုက်ခြင်းမှာ မက်လုံးနည်းပါးသည်ဆိုသော အကြောင်းရင်းထက်ပိုသော အခက်အခဲများစွာရှိနေပါသည်။

ထို့ကြောင့် ထုတ်လုပ်မှုအနည်းငယ်သာ ဈေးနှုန်းများမြင့်တက်ခဲ့ပြီး စီးပွားရေးလုပ်ငန်းများသည် စားသုံးဆီများတင်သွင်းခြင်းကို စတင်ခဲ့သည်။ ထို့ကြောင့် ပြည်ပသို့ တင်ပို့ခွင့် ထပ်မံခွင့်ပြုပြီးနောက် ဆီအုန်းစိုက်ပျိုးရန် ခွဲဝေချမှတ်ထားပေးသည့် မြေယာများ ထပ်မံတိုးမြင့်ခဲ့သော်လည်း ယခုအခါ သီးနှံများကို ကုန်ချောအဖြစ် ပြန်လည်ပြုပြင်ရန် ဈေးနှုန်းများ မြင့်တက်လာခြင်းကြောင့် ပြည်တွင်းလိုအပ်ချက်ဖြစ်သော စားအုန်းဆီကုန်ချောအဖြစ် မထုတ်လုပ်နိုင်သေး၍ သွင်းကုန်များ ပိုမိုလိုအပ်လာသည်ဟုသိရသည်။

ဒါ့ကြောင့် တင်သွင်းမှုများတွင် စားအုန်းဆီမှာ အများဆုံးဖြစ်၍ ကျွန်မတို့နိုင်ငံကိုတင်သွင်းသော စားအုန်းဆီမှာ အရည်အသွေးမပြည့်မီပဲ ထုတ်လုပ်တဲ့နေရာမှာ အဆင့်တစ်ခုလျှော့ထားလို့ မြန်မာနိုင်ငံမှာဆိုရင်ဖြင့် စားအုန်းဆီဟာ မစားသုံးသင့်ပါဘူး။ သို့သော် အိမ်နီးချင်းနိုင်ငံများမှာတော့ အရည်အသွေးပြည့်မီလို့ စားသုံးကြပါတယ်။ ဒါ့ကြောင့် စားသုံးသူတွေမှာ အကျိုးဆက်တွေခံစားရစေပါတယ်။

သို့သော် စားသုံးသူများတင်မကပါဘူး ဆီထွက်သီးနှံစိုက်သော တောင်သူများကိုယ်တိုင်ပင် ကျန်းမာရေးနှင့်ညီညွတ်သော ပြည်တွင်းထုတ်ဆီများကို မစားသုံးပဲ စားအုန်းဆီကဲ့သို့ ဈေးနှုန်းသက်သာသော ဆီများကိုသာ စားသုံးကြပါတယ်။ ဆီထွက်သီးနှံစိုက်သော တောင်သူ ၁၀၀ တွင် ၁၀ ရာခိုင်နှုန်းခန့်သာ ကိုယ်ပိုင်သီးနှံကို ဆီကြိတ်စားကြတာတွေ့ရပါတယ်။ ကျွန်မတို့ လူနေမှုအသိုင်းအဝိုင်းတွင် တောင်သူမိသားစုများအနေဖြင့်လည်း ပညာရေး၊ လူမှုရေး၊ စားဝတ်နေထိုင်ရေး လိုအပ်ချက်များအတွက် ငွေကြေးလိုအပ်ချက်ပိုမိုများလာသောကြောင့် ကျန်းမာရေးနှင့်ညီညွတ်သော စားသောက်ကုန်များကို လျစ်လျူရှုလာရသော အခြေအနေများဖြစ်လာကြပေသည်။

ဒါ့ကြောင့် ဆီစားသုံးမှု ပိုမိုမြင့်မားလာသည်နှင့်အမျှ သင့်လျော်သောဆီကို မည်သို့ရွေးချယ်ရမည်ကို အများပြည်သူသိရှိနားလည်စေရန်အတွက် အစီအစဉ်များပြုလုပ်ပေးရန် ပိုမိုလိုအပ်လာပေသည်။ ထို့ပြင် ကျွန်မတို့မှာ လယ်သမားတွေရှိတယ်၊ ထုတ်လုပ်မှုကောင်းတဲ့မြေတွေရှိတယ်။ ဒါ့ကြောင့် လယ်သမားတွေကို အကာအကွယ်ပေးနိုင်သော နည်းလမ်းများကို စဉ်းစား၍ ကျန်းမာရေးနှင့်ညီညွတ်သော ပြည်တွင်းစားသုံးဆီကို အလုံအလောက်ထုတ်လုပ်လာနိုင်ရန် လယ်သမား၊ စားသုံးသူနှင့် စီးပွားရေးလုပ်ငန်းများကိုပါ ထည့်သွင်းစဉ်းစားသော မူဝါဒများလိုအပ်နေပါကြောင်း ရေးသားတ်ပြလိုပ်ရပါသည်။

လေးစားစွာဖြင့်

သိင်္ဂီလှိုင်(B.Agr.Sc)

ကိုးကားချက်

https://www.google.com/url?sa=t&source=web&rct=j&url=https://www.mmtimes.com/news/oil-seed-imports-dwarf-exports.html&ved=2ahUKEwjh0NbUmfnrAhWL73MBHZG6DHcQFjABegQIDRAH&usg=AOvVaw280mcTjvt-w07zUUoXGuIR

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...