လမိုင်းထားစိုက်ပျိုးခြင်းက ပုံမှန်ထက် စောပြီးရင့်မှည့်ပါတယ်

27/08/2019 20:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

   ကြံစိုက်ပျိုးရာတွင် လမိုင်းထားခြင်းမှာ လုပ်ဆောင်မြဲ အလေ့အကျင့် ဖြစ်ပါသည်။ လမိုင်းထားခြင်းဖြင့် ထွန်ယက်စရိတ်၊ မျိုးဖိုး စသည့်စိုက်ပျိုးစရိတ်များကို သက်သာစေပါသည်။ ကြံခုတ်ပြီး တစ်ပတ်အတွင်းမှစတင်၍ လမိုင်းထားရန်အတွက် စနစ်တကျ ပြုစုစောင့်ရှောက်မှုများ ဆောင်ရွက်ခြင်းဖြင့် ကောင်းမွန်သည့် ကြံလမိုင်းခင်း ရရှိစေနိုင်ပါသည်။

   ကြံငုတ်ဖြတ်ခြင်း - ကြံရိုးငုတ်များကို ပေါက်ပြားထက်ထက်ဖြင့် မြေပြင်နှင့်အညီ ဒင်္ဂါးဝိုင်းပေါ်အောင် ဖြတ်ပေးခြင်းဖြင့် မြေအောက်ရှိ ပင်စည်ပိုင်းမှ အတက်ထွက်လာစေသလို မြေဆီလွှာအတွင်းပိုင်းအထိ အမြစ်ဖွဲ့စည်းမှုကောင်းကောင်းကို ရရှိစေပါသည်။

   ပေါင်တင်ခြင်း - အပင်တန်း၏ဘေးတစ်ဖက်တစ်ချက်တွင် ထယ်ထိုး၍ ပေါင်တင်ပေးခြင်းဖြင့် အမြစ်ဖွဲ့စည်းပုံကို ပိုမိုကောင်းမွန်စေပြီး မြေဆီလွှာမှ အပင်အာဟာရများနှင့် ရေကိုစုပ်ယူရာတွင် ပိုမိုလွယ်ကူစေပါသည်။ 

   အပင်လပ်များအား ဖာထေးခြင်း - အပင်တစ်ပင်နှင့်တစ်ပင် ၂၄ လက်မထက် ကွာဝေးပါက အပင်ဖာရန်လိုပါသည်။ အပင်ဖာရာတွင် သားတက်များစွာပေါက်နေသည့် အမြစ်ဆုံအား တူးယူပြီး လေးခြမ်းခြမ်း၍ဖြစ်စေ၊ ပျိုးထောင်ထားသည့် ပျိုးပင်အားဖြစ်စေ အသုံးပြု၍ဖြစ်စေ ဖာထေးနိုင်ပါသည်။ 

   ပင်ကျပ်နှုတ်ပယ်ခြင်း - ကြံပင်များ အလွန်ကျပ်လွန်းပါက တစ်တန်းခြားထယ်ထိုး၍ ဖယ်ရှားပေးနိုင်ပါသည်။ ထယ်ထိုးဖယ်ရှားသည့် အပင်များမှာ ကြံ့ခိုင်ဖွံ့ဖြိုးသည့် အပင်များကို ရွေးချယ်၍ အပင်ဖာထေးရန်အတွက် အသုံးပြုနိုင်ပါသည်။ အပင်ကျပ်နှုတ်ပယ်ခြင်းဖြင့်  အပင်များအတွက် နေရောင်ခြည်၊ လေနှင့် အစာရေစာပိုမိုရှိစေကာ သားတက်ပိုထွက်ရှိလာစေပါသည်။ 

   မြေသြဇာကြွေးခြင်း - ကြံလမိုင်းအတွက် တစ်ဧကလျှင် နိုက်ထရိုဂျင် ၃၇ ကီလိုဂရမ်၊ ဖော့စပါးရပ်စ် ၂၅ ကီလိုဂရမ်နှင့် ပိုတက်စီယမ် ၁၆ ကီလိုဂရမ်တို့အား အတက်ထွက်ပြီး ၃၀ ရက်တွင်တစ်ကြိမ်၊ ၆၀ ရက်တွင်တစ်ကြိမ် နှစ်ကြိမ်ခွဲ၍ ပေါင်းလိုက်စဉ်နှင့် ပေါင်တင်စဉ်တွင် ထည့်သွင်းပေးပါ။ 

   လမိုင်းခင်းများသည် စိုက်ခင်းထက် တစ်လစော၍ရင့်မှည့်ပါသည်။ သမားရိုးကျ ကြံစိုက်နည်းအရ လမိုင်းထားခြင်းကိုနှစ်ကြိမ်ခန့်သာ ထားနိုင်သော်လည်း SSI ကြံစိုက်နည်းသစ်ဖြင့် စိုက်ပျိုးပါက ၅ – ၆ ကြိမ်အထိ လမိုင်းထားခြင်းရှိနိုင်ပါသည်။

စိုက်ပျိုးရေးရားအသုံးချ သုတပဒေသာ - ဒေါက်တာမောင်မာ (စိုက်ပျိုးရေး)


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်