မြန်မာ့ရေထွက်ပို့ကုန်များတွင် ရောဂါပိုးတွေ့ရှိသည်ဟုဆိုကာ ဆော်ဒီနိုင်ငံသို့တင်ပို့ခွင့် ယာယီရပ်ဆိုင်းခံထားရမှု သုံးလ ကြာမြင့်သည်အထိ ထူးခြားမှုမရှိ

ဆော်ဒီနိုင်ငံသို့ တင်ပို့နေသည့် မြန်မာ့ရေထွက်ပို့ကုန်များတွင် ရေဂါပိုးတွေ့ရှိသည်ဟုဆိုကာ ဧပြီ ၁ ရက်မှစတင်ပြီး တင်ပို့ခွင့် ယာယီရပ်ဆိုင်းခံထားရမှုသည် လက်ရှိအချိန်ထိ ပြန်လည်တင်ပို့ခွင့် ထူးခြားမှုမရှိသေးကြောင်း မြန်မာ နိုင်ငံငါးလုပ်ငန်းအဖွဲ့ချုပ်မှ သိရသည်။

ဆော်ဒီနိုင်ငံသို့ တင်ပို့နေသည့် အအေးခန်းနှင့်မွေးမြူရေးကန်များကို ဆော်ဒီဘက်မှ လာရောက်စစ်ဆေးရန် မေလ တွင် အကြောင်းကြားထားသော်လည်း လက်ရှိအချိန်တွင် စစ်ဆေးမည့်ရက် အတိအကျသိရှိရန် အကြောင်းကြား စာ မရောက်ရှိသေးကြောင်း ငါးလုပ်ငန်းအဖွဲ့ချုပ် အထွေထွေအတွင်းရေးမှူး ဦးဝင်းကြိုင်က ပြောသည်။

“မွေးမြူရေး ငါးဈေးကွက်အခြေအနေက ဈေးမကောင်းဘူး။ ဈေးမကောင်းဘူးဆိုပေမယ့် အဆိုးဆုံးအခြေအနေ ကို ထိုးကျမသွားတာက ပင်လယ်ငါးတွေက ငါးမဖမ်းရရာသီ ပိတ်ထားတယ်။ မေ ၁၅ ရက်ကနေ သုံးလတိတိ ပိတ်ထားတော့ ပင်လယ်ကငါးက ကုန်တက်သိပ်မရှိဘူး။ ခုချိန် မွေးမြူရေးငါးကိုပဲ ပြည်တွင်းမှာ အားကိုးနေရတယ်။ အဲ့ဒီအတွက်ကြောင့် ငါးရှားနေတော့ ဈေးကွက်က အဆိုးရွားဆုံးအခြေအနေအထိ ပြုတ်ကျမသွားဘူး။ မွေးမြူသူတွေအတွက်ကတော့ အကျိုးအမြတ်မရှိတော့ပဲ တွက်ခြေမကိုက်ဘူး။” ဟု ဦးဝင်းကြိုင်ကဆိုသည်။

ယခင်က မြန်မာ့မွေးမြူရေးငါး၏ နိုင်ငံခြားတင်ပို့မှု ၃၀ ရာခိုင်နှုန်းနှင့် ငါးမြစ်ချင်းတင်ပို့မှု ၄၁ ရာခိုင်နှုန်းသည် ဆော်ဒီနိုင်ငံသို့ တင်ပို့နေရကြောင်း မြန်မာနိုင်ငံငါးလုပ်ငန်းအဖွဲ့ချုပ်မှ သိရသည်။

“တင်ပို့ခွင့်သာ ပြန်မဖွင့်ခဲ့ဘူးဆိုရင် ပင်လယ်ငါးကလည်း ငါးမဖမ်းရ ရာသီလွတ်သွားလို့ စက်တင်ဘာလလောက်မှာ ပင်လယ်ငါးကလည်း ပြန်တက်လာမယ်။ အင်း၊ အိုင်ငါးတွေလည်း ပြန်တက်လာရင် မွေးမြူရေး ငါးတွေက တင်ပို့ခွင့်လည်းမရှိဘူးဆိုရင် အခြေအနေက အများကြီးဆိုးသွားနိုင်တယ်။ ဆော်ဒီကပိတ်လိုက်တာက မွေးမြူရေးငါးတွေမှာ ငါးမြစ်ချင်းတွေဖြစ်တယ်။ ငါးမြစ်ချင်းအစား တခြားဈေးကွက်ဝင်ငါးတွေ ပြောင်းမွေးရမှာပေါ့။ အဲ့ဒါမျိုးတွေက ကြိုးစားနေတုန်းပဲ။ ချက်ချင်းကြီး အောင်မြင်မှုတော့ရမှာ မဟုတ်သေးဘူး။ မြန်မာနိုင်ငံ ငါးလုပ်ငန်းအဖွဲ့ချုပ်အနေနဲ့တော့ ငါး၊ ပုစွန်မွေးမြူရေးမှာ နိုင်ငံတကာဈေးကွက်တွေကဝယ်တဲ့ ဈေးကွက်ဝင် အမျိုးအစားတွေကို မွေးဖို့၊ မွေးမြူ ရေးကာလတိုပြီး ကုန်များများထွက်တာတွေမွေးဖို့၊ ပြောင်းပြီးမွေးဖို့ ကြိုးစား နေပါတယ်။ ငါး၊ ပုစွန်မွေးမြူရေး စီမံကိန်းတွေမှာ အမျိုးအစားတွေပြောင်းဖို့အတွက် ကြိုးစားနေတယ်” ဟု ဦးဝင်းကြိုင်က ပြောကြားသည်။

အဆိုပါကိစ္စနှင့်ပက်သက်၍ နှစ်နိုင်ငံသံအမတ်များ တွေ့ဆုံမှုတွင် ဆော်ဒီမှ ကုန်သွယ်မှု ပိတ်ထားမှုတွင် မည်သည့်နိုင်ငံမှ ကုန်သွယ်မှု ခွင့်ပြုခြင်းမရှိခြင်းကြောင့် မြန်မာနိုင်ငံအနေဖြင့် ကုန်သွယ်မှု ပြန်လည်ခွင့်ရန်ကြာမြင့်မည့် အခြေအနေတွင်ရှိသည်ကို မှတ်ချက်ပြုထားကြောင်း သိရသည်။ ဆော်ဒီနိုင်ငံက ရေထွက်ပစ္စည်းတင်သွင်းခွင့် ပိတ်မှုသည် ဗီယက်နမ်၊ ဘင်္ဂလားဒေ့ရှ်၊ အိန္ဒိယနိုင်ငံတို့ကိုပါ တင်သွင်းခွင့်ပိတ်ထားသည်ဟု သိရသည်။

Source – Eleven Media

ဆွေးနွေးချက်များ

ဆွေးနွေးရန်

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ဆွေးနွေးချက်များ

ဆက်စပ်ဆောင်းပါးများ

မွေးမြူရေး ဆိုင်ရာ နည်းပညာ ရယူရန် အသိပေး ဖိတ်ခေါ်ခြင်း

ရန်ကုန်မြစ်အတွင်း တရားမဝင်ငါးဖမ်းဆီးခြင်းကို တားမြစ်ခြင်း

နွားအဝယ်လိုက်၍ ခိုင်းနွား ဈေးတက်

{{ post.title }}