ငါးတန်ငါး မွေးမြူနည်း

တောင်ဗီယက်နမ်မှ ပန်ကားဆပ် ငါးခူမျိုးဝင် ငါးတန်သည် အများဆုံးမွေးမြူထုတ်လုပ်နေသည့် ငါးတန်ငါးအမျိုးအစား ဖြစ်သည်။ငါးတန်ကို ကန်ဖြင့်သော်လည်ကောင်း၊ ခြံလှောင်ကန်ဖြင့်သော်လည်းကောင်း မွေးမြူနိုင်ပါသည်။ အပင်ထွက် အစေ့ အဆန်များကိုအခြေခံကာ အသားဓာတ်ဖြစ်သော ငါးပေါင်းမှုန့် သို့မဟုတ် တိရစ္ဆာန်အသားဘေးထွက်ပစ္စည်းအနည်းငယ်ပါရုံမျှ ထည့်သွင်းထားသောစပ်စာကို ကျွေးမွေးနိုင်သည်။ ငါးတန်သည် လေကိုမြိုချရယူပြီး အသက်ရှူနိုင်သောငါးမျိုး ဖြစ်သည်။

မွေးမြူရေးတွင်အသုံးပြုနေသော ငါးတန်မှာ မျိုးစိတ်(၃)မျိုး ရှိပါသည်။ လမ်းလျှောက်ငါးတန်(Walking Catfish)တွင် နှစ်မျိုးရှိပြီး သိပ္ပံအမည်အားဖြင့် Clarias batrachus နှင့် Clarias macrocephalus ဟု ခွဲခြားမှည့်ခေါ်ထားပါသည်။ အခြားငါးတန်တစ်မျိုးမှာ ငွေရောင်ငါးတန်(Silver striped catfish) ဟု ခေါ်ဆိုကြပြီး သိပ္ပံအမည်မှာ Pangasius sutchi ဖြစ်ပါသည်။ ငွေရောင်ငါးတန်သည် လမ်းလျှောက်ငါးတန်ထက် ရောဂါကျရောက်မှုကို ပိုမိုခံနိုင်ရည်ရှိပါသည်။

ငွေရောင်ငါးတန်အား အသားတိုးမွေးမြူရာတွင် အများအားဖြင့် ၀.၄ မှ ၀.၆ ဧကခန့် ကျယ်ဝန်းသောကန်များကို အသုံးပြုလေ့ရှိပါသည်။သားပေါက် မထည့်သွင်းမီကန်အား ကြိုတင်ပြင်ဆင်မှုအဖြစ် သားစားငါးရိုင်းများအား ရှင်းလင်းခြင်းကို ဆောင်ရွက်သော်လည်း ကန်၏ရေသြဇာဓာတ် အတွက် မြေသြဇာအား ထည့်သွင်းလေ့မရှိပါ။

သားပေါက်ထည့်သွင်းနှုန်းမှာ တစ်ဧကလျှင် သားပေါက်ကောင်ရေ ၁၂၀၀၀ မှ ၂၀၀၀၀ ခန့်အထိ ထည့်သွင်းမွေးမြူလေ့ရှိပါသည်။ ငါးနုတ်၊ ငါးဖွဲများနှင့် ငါးပေါင်းမှုန့်များအား ဖြည့်စွက်စာအဖြစ် ကျွေးမွေးလေ့မရှိဘဲ မီးဖိုချောင်မှ စွန့်ပြစ်အသီးအရွက်များကိုသာ အသုံးပြုလေ့ရှိပါသည်။

ငါး၏ကြီးထွားနှုန်း၊ သားပေါက်ထည့်သွင်းနှုန်းနှင့် စျေးကွက်ပေါက်စျေး အနေအထားပေါ်မူတည်ပြီး မွေးကာလ ၈ လ မှ ၁ဝ လခန့်တွင် ကန်ဖော်ဖမ်းဆီး ထုတ်လုပ်လေ့ရှိပါသည်။ သာမန်အားဖြင့် ငါးတန်များသည် မွေးကာလ ၈ လမှ ၁၀ လအတွင်း ၁ပိဿာကျော်ခန့်အထိ ကြီးထွားလေ့ရှိပါသည်။

ငါးတန်များအား ရေဝင်ဆံ့မှုပမာဏ ၁၅ တန်( ၁တန်= အလျား ၃.၃ ပေ၊ အနံ ၃.၃ ပေနှင့် အနက် ၃.၃ ပေ)မှ တန် ၂၀ ရှိသော သစ်သားလှောင်အိမ်များဖြင့်လည်း မွေးမြူနိုင်ပါသည်။ လှောင်အိမ်များအား ဝါးပိုးဝါးများဖြင့် ဖောင်ဖွဲ့ပြီးမြစ်၊ ချောင်းများအတွင်း ချထားပြီး မွေးမြူနိုင်ပါသည်။ သားပေါက်ထည့်သွင်းနှုန်းမှာ ရေ ၁ တန်လျှင် ၃ လက်မ မှ ၄ လက်မ အရွယ် သားပေါက်ကောင်ရေ ၅၀ နှုန်းဖြင့် ထည့်သွင်းမွေးမြူပါသည်။

ငါးများအား နွားချေး၊ ကြက်ချေး နှင့် ဖွဲနုအား ၃း၁ ဖြင့် ရောစပ်ထားသော ဖော်စပ်အစာ(အစို) အား ကျွေးမွေးပါသည်။ ငါးများ၏ရှင်သန်နှုန်းမှာ ၈၀ % မှ ၉၀ % ခန့်အထိ မြင့်မားပြီး မွေးမြူကာလ ၁၂ လမှ ၁၅ လအတွင်းတွင် ၆၅ ကျပ်သားအရွယ်ခန့်အထိ ကြီးထွားလေ့ရှိပါသည်။ထွက်ရှိမှုနှုန်းထားမှာ အလျား ၃.၃ ပေ၊ အနံ ၃.၃ ပေနှင့် အနက် ၃.၃ ပေရှိသော ရေထုတစ်တန်လျှင် ၂၅ ပိဿာခန့် ထွက်ရှိနိုင် ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...